Општина Центар го објави Јавниот повик со кој го започнува проектот „Цел Центар на точак“, за субвенционирање на 30 отсто од цената за купување нов велосипед, електричен велосипед и електричен тротинет. 

Секој полнолетен жител на Општина Центар што ќе купи велосипед, е-велосипед или е-тротинет ќе може да добие субвенција до 3.000 денари. За доделување на субвенционирана помош потребно е да се достави пополнето барање за субвенционирање, копија од лична карта и трансакциска сметка, како и фискална сметка во оригинал за купен нов велосипед, е-велосипед или е-тротинет. Субвенционирањето трае се до исцрпување на средствата.

Барањата со комплетна документација потребно е да се доставуваат во архивата на Општина Центар, барака бр.6. По доставувањето на документите, подносителите ќе бидат известени за редниот број на поднесокот и субвенционирањето. 

Општина Центар напоменува дека правото на субвенција е еднократно.

За сите дополнителни информации во врска со субвенционирањето, граѓаните можат да прочитаат на следниот линк https://www.centar.gov.mk/?p=16742 или да се обратат на телефонскиот број: 02/ 3203-600 и 02/ 3203-693.

Има толку многу работи за кои треба да размислите кога за прв пат започнувате бизнис – и има многу неочекувани трошоци. Брендирањето може да биде скапо, но не мора да биде! Можете да го креирате вашиот бренд идентитет во рамки на вашиот буџет.

Желбата и способноста да се изградат силни брендови станува сè поголем предизвик како што маркетинг светот е сè покомплексен. Со огромниот наплив на нови технологии и медиуми и барањата и потребите на новите генерации што се менуваат секојдневно, лесно е да се распрскате во своите напори на повеќе полиња и да го загубите фокусот.

Во продолжение неколку совети како да го изградите вашиот бренд:

• Дозволете им на клиентите да се приклучат на вашето „патување“
• Создадете онлајн простор за комуникација помеѓу вашите потрошувачи
• Бидете mobile friendly - без компромис!
• Поттикнете ги клиентите да ја споделуваат вашата содржина
• Направете визуелно присуство на вашиот бренд
• Изградете го вашиот newsletter

Колку повеќе можности создавате за да ги ангажирате луѓето, толку поприврзани ќе бидат тие со брендот и ќе почнат да им кажуваат на други луѓе. Со тек на време тоа ќе стане вашиот маркетиг канал.

Инсистирајте вашите бренд менаџери да ги водат своите тимови како организации што постојано учат и ги стимулираат своите членови на размислување и способност за се адаптираат на пазарните промени. Јасни визии за брендот, чести експерименти и дисциплинирано документирање на тоа што функционира, а што не, се примери на учење што го зголемуваат пазарниот успех на брендот со тек на време.

Погледот на просечните плати во Германија ни помага да разбереме што навистина значи да се има добра плата во оваа земја.

Сепак, треба да се имаат на ум и други фактори.

Дали некогаш сте се запрашале дали вашата плата е добра или дали е време да преговарате за плата? Како водич за ова прашање можете да ја искористите просечната плата во Германија.

Според статистиката, просечната месечна редовен работен однос изнесува околу 3.975 евра бруто месечно. Значи, ако заработувате повеќе од 47.700 евра годишно, статистички сте над просечната плата во Германија.

Заработувате ли 77.000 евра годишно?

Студијата на Универзитетот Пердју покажува дека повеќето луѓе се дефинираат себеси како особено задоволни од својата плата кога заработуваат околу 77.000 евра годишно, пишуваат германските медиуми, пренесуваат магазинот Феникс.

Друга студија која може да обезбеди репер за добра плата е онаа на Даниел Канеман, добитник на Нобеловата награда за економија. Тој смета дека најсреќни се оние кои заработуваат околу 65.000 евра годишно.

Сепак, исто така е важно да се запамети дека платите варираат во голема мера од индустрија до индустрија.

Што точно е добра плата?

Дури и ако вашата плата е под просекот, може да биде добра, бидејќи има многу субјективни фактори што треба да се земат предвид.

Дали вашата плата ќе биде доволна зависи од вашите сопствени потреби. Можеби сакате да живеете многу едноставно и минималистички, па вашата плата е повеќе од доволна. Верно на мотото „помалку е повеќе“, помалата плата сепак може да ве направи среќни и со тоа да бидете добри.

Вашиот сопствен животен стил исто така информира дали вашата плата е добра. На пример, ако сакате да одите во ресторан неколку пати месечно и секогаш да носите модерна облека, ќе ви требаат повеќе пари отколку да готвите за себе и да купувате облека од втора рака.

Споредба со пријателите и колегите

За многумина, споредбата со платите на пријателите или колегите е пресудна за да се утврди дали сметаат дека нивната плата е правична.

Исто така е важно да се земат предвид трошоците за живот. Цената на киријата не е иста на секое место, исто како што трошоците за храна, струја и вода често варираат многу од регион до регион.

Пратениците дадоа зелено светло за измените и дополнувањето на Законот за враќање на дел од ДДВ-то на физичките лица, напиша на социјалните мрежи Сања Лукаревска, директорката на Управата за јавни приходи.

Со оваа измена, како што дополнува Лукаревска, се овозможува зголемување на прагот на поврат на дел од ДДВ-то од 1.800 на 2.100 денари за едно тромесечје.

Првите зголемени суми, корисниците на апликацијата МојДДВ ќе ги добијат со исплатите во мај за скенираните фискални сметки во периодот јануари – март 2023 година, потенцира Лукаревска.

Ова го потврди и премиерот Димитар Ковачевски. 

Повеќе пари за граѓаните со зголемениот поврат на ДДВ.Пратениците од мнозинството ги изгласаа законските измени за зголемување на прагот на поврат на дел од ДДВ-то од 1.800 на 2.100 денари за едно тримесечје. Првите зголемени суми граѓаните кои скенираат сметки преку апликацијата #МојДДВ ќе ги добијат со исплатите во мај за скенираните фискални сметки во периодот јануари-март 2023 година, пишува Ковачевски во објава на својот фејсбук профил.