Воведувањето на вонредната состојба поради ковид-19, ограничувањето на движењто и затворањето на дел од продавниците беа само поттик за развој на онлајн продажбата во Македонија. Потрошувачите се ориентираа кон купување преку интернет со цел да заштедат време и пари, но има и голем број негативни искуства со овој начин на пазарење.

Според податоците објавени на почетокот на 2023 година за безготовински платежни трансакции на виртуелните места на продажба на Народната банка на Република Северна Македонија во првите девет месеци од 2022 година вкупната вредност на онлајн трансакциите реализирани во земјата и во странство со домашни и странски картички, изнесува 25.3 милијарди денари. Но, овие трансакции се реализирани кон фирми кои се регистрирани и правата на купувачите се заштитени, па доколку има проблем, купувачот има право да го замени или врати производот.

Постојат голем број онлајн продавници, кои воопшто не се регистрирани како правни субјекти, а своите производи најчесто ги рекламираат преку социјалните мрежи, по што истите ги доставуваат со брза пошта, а исто така бараат да им се плати во готово, иако купувачот нема можност да се увери дека му е доставен вистински производ.

На интернет може да се пронајдат голем број продавници за облека, мебел, но и други производи, но и голем број несовесни продавачи кои испраќаат производи што се различни од тоа што го рекламираат, а потоа „исчезнуваат“ затоа што граѓаните не можат да ги контактираат. Секојдневно има поплаки за онлајн измами, а тоа го потврдуваат и коментарите во Фејсбук групата „Ѕид на Измами и Прашања за Иксуства од Онлајн Продавници“.

Купувачите најчесто се жалат дека не го добиле тоа што го порачале, односно добиваат идентичен модел на тој што се рекламира, а често добиваат и расипани и нефункционални производи, по што се обидуваат да го заменат производот, но наместо да бидат услужени, најчесто се блокирани од страна на несовесните продавачи кои ги има во сè поголем број.

Целиот текст прочитајте го на skopjeinfo.mk

Дали знаете дека автомобил кој е 10 или повеќе години стар, има повеќе од двапати поголеми шанси да заврши паркиран од страна на патот и повеќе од четири пати поголеми шанси да има потреба од влечење? Ова се податоци до кои дошла Американската Автомобилска Асоцијација по направена студија за издржливоста на постарите возила.  

Но, и поновите автомобили не се имуни на проблеми како што се дупнати гуми, испразнети акумулатори, снемување бензин и останати непредвидливи дефекти .

Затоа, асистенцијата на пат може да биде мудра одлука при осигурување на Вашето возило, без разлика дали се работи за постар или нов автомобил .

Новиот продукт „Помош на пат-SOS“, кој „УНИКА АД Скопје“ неодамна го промовираше на пазарот, нуди неколку начини на асистенција на пат која може многу да Ви помогне кога сте во неволја: 

• Поправка на лице место (замена на гума, проблем со акумулатор, недостаток на гориво и сл.)  

• Транспорт на возилото (Во случај да не може да се изврши Поправка на лице место на возилото, тоа се транспортира до најблискиот сервис, односно до 100 км.)  

• Oбезбедување на заменско возило (Доколку е невозможно да се поправи возилото во рок од 24 часа и ако несреќата е настаната на дистанца повеќе од 50 км од живеалиштето на осигуреникот/возачот)  

• Паркирање на возилото (Доколку најблискиот сервис е затворен во моментот кога е извршен транспорт на возилото, возилото се остава на заштитен паркинг до моментот на отварање на сервисот, но не повеќе од 2 дена)  

• Хотелско сместување (Доколку е невозможно да се поправи возилото во рок од 24 часа, а престојувалиштето на осигуреникот/возачот е над 150 километри и не е возможно да се изврши транспорт на возилото)  

• Продолжување на пат (Продолжување на патувањето на корисниците до местото на престојување, со користење на превоз преку воз или авионска економска класа) 

• Tрошоци за такси возило (Продолжување на патувањето на корисниците до местото на престојување со користење на такси возило) 

Продуктот е резултат на соработка со „Europ Assistance“, која е водечка светска компанија за услуги од овој тип. Таа нуди мрежа на професионалци ширум светот со повеќејазична поддршка. Преку полисата „Помош на пат-SOS“ добивате достапност на нивната информативна служба 24/7 во земјите кои ќе ги одберете како покритие, на регионално ниво(Македонија, Албанија, Косово, Црна Гора, Србија, Босна и Херцеговина, Хрватска, Словенија, Грција, Бугарија) или на европско ниво (освен Азискиот дел на Tурција, Русија, Белорусија и Кримскиот полуостров) 

За повеќе информации може да го посетите нашиот веб сајтот www.uniqa.mk, или да се обратите  во некоја од нашите 45 експозитури .

Управата за јавни приходи информира дека кон граѓаните се испраќаат СМС пораки со кои се бара да извршат задолжителна пријава на лажна веб страница https:ujp–gov.mk/potvrda.

ГРАЃАНИ, НИКАКО НЕ ОТВАРАЈТЕ  ЈА ОВАА ЛАЖНА ВЕБ СТРАНИЦА,  БИДЕЈЌИ ОД ВАС БАРА ДА  ПОПОЛНИТЕ ПОЛИЊА  СО ВАШИТЕ ЛИЧНИ ПОДАТОЦИ,  ПОДАТОЦИ ОД  ПЛАТЕЖНА КАРТИЧКА И ДА  ПРИКАЧИТЕ СЛИКА ОД  ВАШАТА ЛИЧНА КАРТА. Споделувањето на Вашите лични податоци преку оваа лажна веб страница, може да предизвика нивна злоупотреба, предупредуваат од УЈП.

Како што додаваат од таму, веб страница е лажна, не e во сопственост на Управата за јавни приходи. Испраќачот на пораките се обидува да ги злоупотреби името и логото на УЈП и да ги доведе во заблуда граѓаните, да споделуваат  лични податоци и на тој начин да се изложат на ризик и можна злоупотреба, велат надлежните.

 Управата за јавни приходи ги презема сите неопходни активности за справување со оваа состојба. 

Во прилог како изгледа лажната веб страницата која не треба да се отвара:

Реализирана исплата на мартовската плата со покачувањето во висина од 3.086 денари по работник во бруто износ. Успеавме во нашата заложба за вработените во МВР да обезбедиме зголемување на платите со цел усогласување со растот на минималната плата, а наспроти сите шпекулации во дневнополитички цели со кои се обидоа да ја деградираат и демотивираат македонската полиција, но и да ја потценат доследноста во исполнувањето на ветеното од страна на нејзиното раководство, напиша министерот за внатрешни работи Оливер Спасовски на Фејсбук.

Тој наведува дека ова е четврто по ред зголемување на платите на вработените на МВР, имајќи го предвид минатогодишното зголемување од 5 проценти за сите вработени, а претходно преку Буџетот на МВР во 2018 и 2019 година издејствувано е зголемувања на платите за сите вработени.

Покрај ова, потсетува Спасовски, со зголемување на платите од 30 отсто беа опфатени 100 лица од Одделот за информатика и телекомуникации и тоа сметано од 01.01.2020 година, со цел мотивација на овие дефицитарни кадри да придонесат во функционирањето на МВР на позициите за кои се ангажирани.

Воедно, овозможивме издвојување на работните позиции помлад полицаец, полицаец и виш полицаец од останатите вработени. Со ова за првпат е извршено зголемување на бодови за полициски службеници за 10 и 20 бодови за работната позиција „полицаец", од категориите Е5, Е4, Е3 и Ж5, Ж4 и Ж3, за што во Буџетот на Министерството за внатрешни работи за 2019 година побарани се и одобрени парични средства за исплата на зголемување на плата во износ од 80.000.000 денари на годишно ниво за 4.821 униформиран вработен. Посебно значајно за ова раководство на МВР е што вакво зголемување за основната компонента полицаец се остварува за првпат од 1991 година па наваму, наведува Спасовски во објавата на Фејсбук.

Исто така, благодарение на домаќинското работење и остварените заштеди во Буџетот, пишува министерот, досега доброволно се исплатени бонус плати за оствaрени над 150 часа прекувремена работа на годишно ниво во текот на 2017, 2018, 2019, 2020, 2021 година, а во тек е обработка на податоци за вработени коишто оствариле над 150 часа прекувремена работа на годишно ниво за 2022 година, која ќе изнесува 31.859 денари во поединечен износ, што претставува зголемување од речиси 40 проценти на износот на бонус платата во 2017 година која изнесуваше 22.928 денари.

Продолжуваме и во наредниот период со воспоставување европски стандарди во полицијата, развивајќи го концептот „Задоволна полиција – безбедни граѓани”, кој придонесе за одлични резултати во гарантирање на безбедноста и борбата против сите видови криминал. Подобрувањето на статусот на вработените во МВР е императив за ова раководство на МВР!, напиша на Фејсбук министерот Спасовски.