Тим билдингот е специјално креиран за да одговара на потребите на вработените во бизнис секторот. Вклучува различни рекреативни и забавни активности во природа.

Бенефитите од истиот се:

1. Подобрување на комуникацијата;
2. Подобро меѓусебно спознавање и разбирање;
3. Зголемување на мотивацијата;
4. Подобро разбирање на визијата и целите на компанијата;
5. Истакнување на важноста на секој индивидуален придонес кон целиот колектив;
6. Споделување искуства;
7. Учење на добрите страни и слабостите;
8. Зголемување на продуктивноста и ефикасноста;
9. Зголемување на лојалноста на вработените.

Тим билдинг е една од најшироко користените активности за развој на групите во организациите. Вработените се поефикасни и соработуваат подобро кога ќе поминат низ процес и активности како што е тим билдингот. Дури и најдобрите тимови можат да имаат корист од овие вежби.

Во месец мај имаме уште еден неработен ден, 24 мај, а потоа ни доаѓа уште еден споен викенд на почетокот на месец јуни.

Во јуни граѓаните од православна вероисповед имаат еден неработен ден а тоа е 2 јуни, кога се одбележува Духовден. Неработниот ден е во петок, што значи дека ќе има можност за уште еден продолжен викенд.

Вториот неработен ден во август ќе ни донесе и продолжен викенд бидејќи Голема Богородица се паѓа на 28 август, во понеделник што значи дека тоа ќе биде уште еден продолжен викенд.

Во септември имаме уште една добра можност за некој краток одмор на крајот од летото бидејќи 8 Септември, Денот на независноста се паѓа во петок.

Вториот неработен ден во октомври е нова можност за продолжен викенд, бидејќи Денот на ВМРО се паѓа на 23 октомври, понеделник.

Во декември неработен е 8 декември, петок, Денот на Св. Климент Охридски, што е нова можност за продолжен викенд.

Согласно со Законот за празниците на Република Македонија (Сл.весник на РМ број 21/98 и 18/07) во 2023 година неработни денови се:

24 мај (среда) „Св. Кирил и Методиј“ – Ден на сесловенските просветители; 2 август (среда), Ден на Републиката; 8 септември (петок), Ден на независноста; 11 октомври (среда), Ден на народното востание 23 октомври (понеделник), Ден на Македонската револуционерна борба; 8 декември (петок), „Св. Климент Охридски”.

За граѓаните од православна вероисповед: 2 јуни (петок), Духовден, петок пред Духовден, 28 август (понеделник), Успение на Пресвета Богородица (Голема Богородица).

За граѓаните од католичка вероисповед: 01 ноември (среда), Празникот на сите светци, 25 декември (понеделник), првиот ден на Божик.

За граѓаните од муслиманска вероисповед: 28 Јуни (среда), Курбан Бајрам, првиот ден на Курбан Бајрам. За граѓаните припадници на албанската заедница: 22 ноември (среда), Ден на Албанската азбука.

За граѓаните припадници на влашката заедница: 23 мај (вторник), Национален ден на Власите. За граѓаните припадници на еврејската заедница: 25 септември (понеделник), Јом Кипур, првиот ден на Јом Кипур.

За граѓаните припадници на бошњачката заедница: 28 септември (четврток), Меѓународен ден на Бошњаците. За граѓаните припадници на турската заедница: 21 декември (четврток), Ден на настава на турски.

Владата на денешната седница го разгледа и утврди текстот на Предлог на закон употребата на македонскиот јазик.

Од таму посочуваат дека новопредложениот Закон, според предлагачот, Министерството за култура, се заснова на: подигање на јазичната култура, негување и заштита на македонскиот стандарден јазик и неговото кирилско писмо; афирмирање на потребата од зголемена општествена и индивидуална грижа за правилна употреба на македонскиот јазик во јавната и во службената комуникација; почитување и унапредување на јазичниот стандард и организирање активности во оваа насока.

Постојниот Закон за употребата на македонскиот јазик нуди многубројни решенија и механизими за градење соодветна јазична политика, коишто, според Министерството за култура е потребно да се прошират и со дополнителни механизми, што се во функција на зајакнување на почитувањето на македонскиот стандарден јазик и неговата правилна употреба.
 
Од тие причини, се предлага донесување нов Закон за употребата на македонскиот јазик, со којшто ќе се прошират областите во коишто задолжително се употребуваат македонскиот стандарден јазик и неговото кирилско писмо. Ќе се прошири опсегот на задолжително лекторирање текстови што се објавуваат: општите и поединечните акти на законодавната, на извршната и на судската власт и на единиците на локалната самоуправа,  службените документи и текстови на овие органи, но и на јавните установи и институции од областа на културата, образованието и науката - посочуваат од Владата. 

Од таму дополнуваат дека со предлогот на Законот ќе се даде правна основа за донесување Национална стратегија за македонскиот јазик.

Посочуваат дека Министерството за образование и наука ќе објавува конкурси за стипендирање кадри за изучување на македонскиот јазик.

Како и досега - и со овој закон проверката на потребното стручно знаење за лекторирање ќе се врши преку полагање испит за добивање лекторска лиценца. За вршење инспекциски надзор над примената на Законот се предлага основање Инспекторат за употребата на македонскиот стандарден јазик, орган во состав на Министерството за култура со својство на правно лице - се додава во соопштението.

Teлохранител денеска го уби министерот за труд во Уганда, Чарлс Енгола, поради приватни несогласувања, објавија локалните медиуми. Убиството се случило во домот на Енгола во главниот град Кампала.

Како што објави државната телевизија на Уганда, напаѓачот, чиј идентитет не се соопштува, пукал во министерот, а потоа и во себеси со што се самоубил. Локалните медиуми пишуваат дека спорот бил за платите на обезбедувањето. Очевидци тврдат дека војникот викал дека долго време не добил плата, иако работел за министерот, објави порталот „Најлпост“. Енгола беше пензиониран армиски полковник. Убиството е поради бизарна причина. Инаку, во Уганда мнозинството од населението е сиромашно.