Регулаторната комисија за енергетика донесе одлука со која ќе се покачат малопродажните цени на нафтените деривати во просек за 0,60% во однос на одлуката од 8.5.2023 година.

Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 0,761%, кај дизелот за 2,455%, кај екстра лесното масло за 2,227% и кај мазутот намалување е за 1,217%.

Курсот на денарот во однос на доларот во изминатиот период по кој беа формирани цените со претходната пресметка е повисок за 0,259%

Од денес максималните цени на нафтените деривати ќе изнесуваат:

• Моторен бензин ЕУРОСУПЕР БС – 95 77,50 (денари/литар)
• Моторен бензин ЕУРОСУПЕР БС – 98 79,50 (денари/литар)
• Дизел гориво ЕУРОДИЗЕЛ БС (Д-Е V) 67,50 (денари/литар)
• Масло за горење Екстра лесно 1 (ЕЛ-1) 66,50 (денари/литар)
• Мазут М-1 НС 38,882 (денари/килограм)

Напоменуваме дека ова се максималните цени на нафтените деривати од 00:01 часот на 16.5.2023 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени, велат од Регулаторна.

Има нешто во работата осум часа на ден што ги остава повеќето луѓе да се чувствуваат исцрпени. Без разлика дали вашата работа се состои од константно гледање во екран или работа со клиенти кои имаат многу комплицирани барања, денот на работа може да ве остави немотивирани да правите што било друго. 

Во продолжение неколку начини што треба да правите за да не допринесете кон поголема исцрпеност:

• Прескокнете го кафето

Секој ги знае стимулативните ефекти на кофеинот, но ако не сакате да ја поминете цела ноќ во вртење и вртење, пиењето еспресо после работа веројатно не е добра идеја. Наместо тоа, се препорачува да конзумирате пијалоци без кофеин.

• Обидете се да вежбате наутро

Будењето порано за вежбање не звучи премногу привлечно, особено во зима. Сепак, утринскиот тренинг всушност може да помогне во зголемување на нивото на енергија во текот на целиот ден.

• Обидете се со различен работен распоред

Модел на работен ден од 8:00 до 16:00 или 09:00 до 17:00 не одговара на сите. Ако вашиот распоред не ви одговара и имате шеф со разбирање и работа која не бара да работите определени часови, размислете за тестирање на различни модели на смени.

Постојат повеќе начини и методи како да го избегнете дополнителната исцрпеност кој е предизвикан од начинот на вашата работа, затоа препорачуваме внимателно да го испланирате денот и да ги превземете сите мерки за да не се соочите со дополнителен стрес.

Сѐ уште нема официјални информации од надлежните колку ќе чини изнајмувањето на електричен тротинет на подрачјето на Скопје - проект кој пред неколку дена го најави ЈП Градски паркинг. 

Според написите на дел од медиумите ќе се наплаќа 9 денари за минута користење на тротинетот, а ќе може да ги изнајмуваат граѓаните на Скопје, но и туристите. 

Оваа информација наиде на негодување кај дел од скопјани кои велат дека во ваков случај, според пресметките ќе треба да се плати 90 денари за 10 минути, што е премногу скапо. 

За сега од „Паркинзи“ не даваат детални информации околу цената на оваа услуга. Само информираа дека на располагање ќе бидат 500 електрични тротинети, стационирани на 19 базни станици низ градот.

Сите електрични тротинети се опремени со GPS уред, а со цел зголемена безбедност на корисниците, нивната максимална брзина може системски да се ограничува до 24 километри на час, информираа минатата недела од претпријатието. 

Целта на овој проект, како што велат оттаму,  е подобрување на квалитетот на воздухот во градот Скопје и унапредување на здравјето на луѓето, преку стимулирање на граѓаните да користат алтернативни начини на превоз, со што би се намалило загадувањето од возилата учесници во сообраќајот. 

Платите на вработените во јавниот сектор ќе се дефинираат преку Законот за плати со кој ќе се утврдат правилата по кои во иднина ќе се уредуваат платите во јавните институции иOпштиот колективен договор кој ќе ја содржи методологијата за системско решавање на динамиката на раст на платите на вработените во јавниот сектор.

Ова го истакна министерот за финансии Фатмир Бесими денеска на средба со новинарите на која потенцира дека донесувањето на Законот за плати е подолгатрен процес, но дека процес кој е на повидок за да се заокружи е донесувањето на Општиот колективен договор кој ја содржи методологијата за раст на платите на вработените во јавниот сектор.

Оптшиот колективен договор е прашање за кое се разговара во рамки на Економско-социјалниот совет. Минатата недела имавме состанок и оптимист сум во однос на изноѓање решение. Имаше два предлога, основицата да биде минималната плата или просечната плата. И двата се прифатливи за нас. Тоа е голема реформа, која не се одвива во една година и треба да има транзициски период, истакна министерот Бесими.

Министерот потенцира дека кое и да се прифати решението треба да биде одржливо, да обезбеди достојни и пристојни плати за вработените и да се штити животниот стандард и инфлаторните движења. Како што се воспостави системи со минимaлната плата и пензиите, така и кај платите на вработените во јавниот сектор ќе се воспостави систем во кој растот на платите ќе ги земе предвид трошоците на живот и перформансот на економијата, односно просечната плата.

Во изминатите години има раст на платите во повеќе сектори во јавниот сектор и со системското решение ќе продолжи тој раст на платите, рече министерот за финансии кој додаде дека решението за раст на платите треба да се применува од наредната година, бидејќи сите реформи што се спроведуваат треба да бидат предвидени во среднорочната рамка.