Власта почнува постапка за ревидирање на Законот за административните службеници, чии измени предвидуваат поедноставна селекција, унапредување и оценување на административците.

На Единствениот електронски национален регистар на прописи (ЕНЕР) објавено е дека делот од испитот за проверка на интелектуалниот капацитет и тестот на личност содржани во актуелниот закон ја усложнуваат постапката за селекција на кандидати за вработување, а притоа не придонесуваат за вработувања врз основа на заслуги.

„Нецелисходни се и барањата за меѓународно признатите сертификати за познавање еден од трите светски јазици, што претставува и финансиско оптоварување за кандидатите без извесност за сигурно вработување“, пишува во образложението на Министерството за информатичко општество и администрација.

Во однос на постапката за унапредување, во образложението пишува дека сегашното решение во согласност со кое административен службеник може на интерен оглас да се унапреди само во едно повисоко ниво доведува до неможност за кариерен развој на административни службеници кои подолго време се на најниски нивоа во рамките на категоријата. Во Законот е регулирано дека оценувањето резултира со мерки за одличен и слаб ефект.

Цел на предлог-законот е административните службеници да имаат подобрени и поедноставени постапки за селекција, унапредување и оценување на административните службеници, со што ќе се зголеми бројот на компетентни кандидати за вработување.

„Со предлог законот за изменувања и дополнувања на Законот за административни службеници, се предвидува целосно укинување на тестот на личност и тестот за интелектуалниот капацитет, бидејќи овие тестови само ја усложнуваат постапката за селекција на кандидати за вработување, а притоа значително не придонесуваат за вработувања врз основа на заслуги. Во однос на тестот за познавање на странски јазик, со актуелното законско решение – поседување на меѓународно признат сертификат – претставува финансиско оптоварување за кандидатите без извесност за сигурно вработување. Со предложените измени, трошоците за проверка на познавање на еден од трите најчесто говорени јазици во Европската Унија (англиски, француски и германски) ќе бидат сносени од државата, а тестот за проверка на познавање на странски јазик ќе биде составен дел од испитот за административни службеници“, велат за Макфакс од Министерството за информатичко општество.

Временската рамка за изготвување на предлог-законот е до 8 септември.

Во Македонија во јуни годинава имало 84.778 туристи кои оствариле 197.016 ноќевања, што е за 18,1 отсто повеќе туристи и за 14,6 отсто повеќе ноќевања во споредба со минатогодишниот јуни.

Според податоците на Државниот завод за статистика, бројот на домашните туристи во јуни година е зголемен за 4,1 отсто во однос на јуни 2016 година, додека бројот на странските туристи пораснал за 24 отсто. Домашните туристи оствариле за 8,1, а странските за 18,2 отсто повеќе ноќевања.

Во првите шест месеци од годинава бројот на туристите е зголемен за 12,6 отсто во однос на истиот период од минатата година, при што кај домашните туристи има зголемување за 11,4, а кај странските за 13,1 отсто. Во овој период бројот на ноќевања е зголемен за 12,5 отсто. Кај домашните туристи има зголемување за 9,7, а кај странските за 14,3 отсто.

Вредноста на оваа криптовалута се искачи над 4.000 долари.

Криптоваулутата Биткоин за прв пат во историјата ја надмина вредноста од 4000 долари на светските берзи и донесе скок од 10 отсто само за ден тргување. 

Според оваа вредност на берзите Биткоинот има пазарна доминација во делот на криптовалутите и вкупна проценета вредност од 137 милијарди долари. За да бидат бројките уште поимпресивни станува збор за скок на вредноста за 11 милијарди долари во само два дена.

Нагорната линија за биткоинот не сопира и по поделбата на криптовалутата на два сегмента од што произлезе биткоин кеш чија пак поединечна вредност опадна за 8 отсто.

Интересот за некое работно место е уште поголем доколку интервјуто помине супер и по излезот од интервју почувствувте дека можеби овојпат се ќе биде во ред и ќе ја добиете посакуваната позиција.

Меѓутоа, не ретко се случува да очекувате одговор долго време од компанијата и неизвесноста да расте.

KARIERA.mk издвојува неколку причини зошто можеби сеуште чекате на повик од компанијата каде интервјуто помина во најдобар ред и излеговте многу задоволни.

• Втор круг на селекција

Некои работодавци прават селекција од првото интервју и ги повикуваат кандидатите во вториот, потесен круг.

• Итно отсуство на некој од работодавците

Земете предвид дека некој работодавец можеби земал итно отсуство од работа и донесувањето на одлука се одложува.

• Одлуката зависи од повеќе луѓе

Колку повеќе луѓе се вклучени во носење на одлука за вашето вработување, толку е подолг процесот на чекање.

• Останатите интервјуа одземаат повеќе време

Можеби вие сте првиот кандидат, а после вас следуваат уште многу кандидати. Интервјуата може да траат и со месеци.

• Одобрување од повисоки позиции

Доколку на пример станува збор за филијала на одредена компанија тие секако чекаат одобрување од повисоките позиции за новото вработување. Понекогаш, доколку се работи за странски инвестиции со седиште преку океаните може одоговорот да потрае со недели или месеци.

• Економијата се менува преку ноќ

Очекувајте дека можеби ќе се побара од нив да скратат од буџетот и тогаш вработувањето отпаѓа.

• Одлука од друг кандидат

Можеби вие сте втора опција доколку првиот одбие, но одлуката од кандидатот одзема многу време.