Денес, направете нешто убаво за вашиот партнер без разлика дали ноќеска се скаравте или имавте супер продолжен викенд.

Нашите партнери се оние кои не држат во добро расположение и не прават среќни, затоа денес, бидете вие тие што ќе иницирате љубов и убава енергија - неочекувано!

KARIERA.mk ви дава предлози за убаво попладне по напорниот работен ден по продолжен викенд:

• Подарете му топла прегратка кога не ја очекува

Прегрнете го кога тој најмалку очекува. Физичките гестови се многу поефективни од вербалните.

Ставањето на вашите раце околу неговото тело кога тој не очекува, неизбежно говори за вашата љубов кон него.

• Смејте се на неговите шеги, иако ги слушате по стоти пат

Не му велете „Ми го имаш кажано ова“ и оставете го да ја доврши започнатата шега. Насмевнете се за да ја потврдите својата љубов кон него.

• Направете мала жртва за него кога тој не го бара тоа од вас

Иако гледањето фудбал, игрите со карти и посетувањето на спортски натпревари не се дел од вашите омилени активности, изненадете го и согласете се да ги вметнете во вашиот презафатен ден.

Дали некогаш сте ја жртвувале сопствената среќа за да измамите насмевка на лицето на партнерот? Тоа е најчистиот и најискрениот начин да кажете „Те сакам“.

• Подарете му масажа по напорниот работен ден

Овој љубезен гест ја докажува вашата грижа за него. Масажата не само што ќе донесе позитивна промена во неговото расположение, туку е прекрасна и релаксирачка замена за љубовните зборови „Те сакам“.

• Прегрнете го одназад додека гледате телевизија

Да, ќе ви биде многу покомфорно ако лежите опуштено подалеку еден од друг, но тоа нема да го затопли вашето срце. Прегрнете го и дозволете грижливата прегратка да зборува за вашата љубов.

Сајтот Индипендент направи мапа со земјите кои ќе имаат најголеми, но и најмали штети од климатските промени. 

Развиените земји имаат многу поголем потенцијал за да се справат со климатските промени. 

Најдобро рангирани се скандинавските земји, Велика Британија, Австралија, Јапонија, а зад нив се Канада, САД, земјите од централна и југозападна Европа. 

Најголем проблем ќе имаат земјите во Африка, со исклучок на Боцвана. 

Зафатена ќе биде и Азија и тоа во југоисточниот и југозападниот дел. 

Кога е во прашање Балканот, најдобро рангирани се Унгарија, Хрватска, додека Србија, Романија, БиХ, Црна Гора спаѓаат во земји каде има од 50 до 59% ризик. 

Министерството за правда подготвува измени на Законот за извршувањето. Од Министерството истакнуваат дека во актуелното законско решение постои нејасен, неефикасен и комплициран начин на полагање испит за извршители и спроведување конкурс за извршители и сложен и скап систем на спроведување постапка за вонсудска наплата на долговите.

Решенијата со кои се уредува задолжителното учество на адвокати при спроведување извршување за побарувања поголеми од 10.000 евра, исто така, како што најавува Министерството, ќе бидат предмет на законски измени.

Целта на предлог-законот, истакнуваат од Министерството за правда, е коригирање на тарифата за награда и надоместок на другите трошоци за работењето на извршителите, редефинирање на постапката за вонсудска наплата на долговите, редефинирање на постапката за спроведување испит за извршители и спроведување конкурс за именување извршители, поекономична и поедноставна постапка за иницирање извршување и ревидирање на начинот за вршење надзор над работата на извршителите и Комората на извршителите.

Градоначалникот на Бормида инсистираше на тоа дека ова е "обичен предлог" и го укина предлогот, откако околу 17.000 луѓе изразија интерес да се преселат во малото италијанско село пишува магазинот travelandleisure.

Во северозападна Италија, градоначалникот на еден мал планински град понуди да плати 2.000 евра, што е околу 2.200 долари, за секој кој ќе посака да се пресели таму.

Бормида, идилично село во Лигурија со брзо намалување на бројот на 394 жители, се надева дека стимулациите ќе помогнат да се привлечат новодојденците. Во спротивно, депопулацијата може да го загрози само постоењето на градот.

Деталите за планот не се потврдени, но еден локален советник за Гардијан изјавил: "Секој може да дојде и да живее овде."

Во прилог на првичните пари, стимулациите на градоначалникот Даниел Галијано ќе вклучуваат нудење на мали изнајмувачки имоти кои се достапни само за 50 евра (околу 55 долари). Во Бормида , се разбира, нема многу што да се работи. Постојат четири ресторани, една црква и вкусна лигурска кујна.

"Животот е толку едноставен и природен", изјавил Оддон Џузепе, менаџер на еден од гореспоменатите ресторани за "Гардијан". "Ова е здрав начин на живот, а воздухот е многу чист".

Лигурија е исто така дом на познатата Cinque Terre Cinematic дестинација, и има нешто повеќе од еден час возење до градот Џенова со автомобил.