Вип со гордост го објавува почетокот на соработката со државниот рекордер во атлетика Дарио Ивановски, со што уште еднаш ја докажува посветеноста на компанијата на македонскиот спорт и на младите таленти кои бележат исклучителни резултати.

На Дарио му посакуваме добредојде во големото Вип друштво во кое владее позитивна енергија, посветеност и меѓусебна доверба насочени кон постигнување врвни успеси. Убеден сум дека овие карактеристики кои не зближуваат ќе придонесат за уште поголеми успеси за двете страни во индина, изјави Димитар Ковачевски, извршен директор на Вип.

20 годишниот Дарио го постави новиот државен рекорд на 3000м на атлетскиот митинг што неодмана се одржа во Нови Сад, Србија. Со резултатот од 8.17.92 го сруши рекордот стар 25 години на македонската легенда Јонуз Јонузи. За само две сезони Дарио постигна рекорд на 1000метри, на 3000метри во сала и 3000метри на отворено.

Чест и задоволство ми е што во индина ќе се натпреварувам под покровителство на еден од најуспешните брендови во земјата, познат поддржувач на спортот. Ова е мотив повеќе и голема одговорност да продолжам во освојувањето на престижни награди на кои ќе се гордее целата Вип заедница, изјави Дарио Ивановски.

Резултатите се постигнати под водство на тренерот Игор Јакимовски, познат македонски маратонец кој е дел од професионалната атлетика повеќе од 20 години. Тој е сеуште активен и покрај тренинзите активно учествува на натпревари што го прави овој тандем уникатен во своето функционирање. Игор  го држи рекордот за најмногу истрчани трки и тоа со над 40 настапи во сезона.  

Истражувањето на Glassdoor  покажува дека за стандардот во различни европски земји, како критериуми се земени и фактори како цените на основните производи и услуги, времето за одмор, трошоците за транспорт и комуналните услуги.

„Бизнис инсајдер“ ги претставува седумте евтини градови за живот во Европа. 

1. Тарту, Естонија

Вториот по големина град во Естонија е најевтиното место за живот во Европа. Овој град уште го викаат и „интелектуалната престолнина“, затоа што е дом на најстариот и реномиран универзитет во земјата.

2. Порто, Португалија

Вториот најголем град во државата е релативно евтин за живот, тука трошоците се околу 70% пониски од оние за жителите на Њујорк (основен град во споредбата на Гласдор).

3. Солун, Грција

Вториот најголем грчки град нуди доволно работа. Тој е и популарна туристичка дестинација.

4. Талин, Естонија

Трошоците за живот тука се многу ниски, особено имајќи предвид дека главниот град е политички и финансиски центар на земјата. А платите растат.

5. Атина, Грција

Грција неодамна забележа дека е надвор од рецесија, и покрај високата невработеност во земјата и должничката криза во последните години, ако имате работа, главниот град е поевтино место за живот во споредба со многу европски градови.

6. Лисабон, Португалија

Просечната номинална плата во Португалија според Гласдор е околу 15 500 евра, но трошоците за живот тука се ниски.

7. Барселона, Шпанија

Градот е и седми по број на населението во Европа. Привлекува професионалци и туристи од целиот свет, но трошоците за живот се уште се на ниско ниво покрај платите.

Основачот на брендот Зара Амансио Ортега стана најбогатиот човек во светот според листата на списанието Форбс. Изданието ја оценува во реално време неговата состојба на 85 милијарди долари.

Така, 81-годишниот Ортега го „турна" од првото место основачот на Мајкрософт Бил Гејтс, покажувајќи се по-богат од него со 100 милиони долари. Третото место го зазеде основачот на американската интернет-компанија Амазон Џеф Безос со 82,4 милијарди долари долара.

Ортега ја основал Зара во 1975 година со неговата тогашна сопруга, Росалија. Денес, трговците на Intidex СА ги поседуваат Zara, Massimo Dutti и Pull & Bear. Има повеќе од 6600 продавници ширум светот.

79-годишниот магнат е познат по љубоморната грижа за неговиот личен живот. Во својата кариера даде само три интервјуа. Живее во Ла Коруња со својата втора сопруга, Флора. Неговата прва сопруга, Розалија, почина во 2013 година. Таа беше најбогатата дама во Шпанија. Заедно со Амансио, тие ја имаат ќерката, Марта.

Во септември 2016 година, Ортега го замени Бил Гејтс на првото место во магазинот Форбс. Во принцип, Ортега, заедно со Гејтс и мексиканскиот милијардер Карлос Слим, периодично се менуваат на врвот на табелата.

Рејтингот на Forbes постојано се ажурира, бидејќи во реално време ги известува постојано менувачките податоци на берзата.

Интернационална конференција „Заедно за праведно вработување: Инклузивен пазар на трудот за инклузивно општество“ ќе се одржи денеска во Скопје, во рамки на тродневниот фестивал „Денови на разноликоста“.

На конференција, како што најавуваат организаторите, ќе се обратат министер без ресор задолжен за имплементација на Стратегијата за подобрување на состојбата на Ромите во Република Македонија Самка Ибраимоски, претставникот од Делегација на Европската Унија Никола Бертолини, словенечкиот пратеник од Зелените/Европски слободен сојуз во Европскиот парламент Игор Шолтес и други.

Конференцијата се одржува во рамки на тридневниот фестивал „Денови на разноликоста“, проект финансиран од ЕУ, а имплементиран од Студентски културен центар ШКУЦ од Љубљана и Женска Алијанса од Скопје.

Проектот има за цел да ја популаризира улогата и вредноста на различноста во општеството, како и правото да се биде различен, правото на слобода на изразување, културата и уметноста на различни малцинства, како и едуцирање на јавноста и подигање на свесноста за вредноста на почитувањето на различностите како би се осигурале одржлив развој и благосостојба на општеството.