Сите менаџери кои што се одговорни за вработување знаат дека фазите на интервјуирање на еден кандидат можат да бидат навистина тешки. Кандидатите кои сте ги избрале може да бидат навистина одлично квалификувани и вешти на хартија, но сепак начинот на кој што ќе се претстават за време на интервјуто често претставува одлучувачки фактор.

Личното интервју со кандидатот може да открие многу работи, од карактерот па се до нивните мотиви за работа. Иако многумина може да кажат слични работи за нивната работна позадина и професионални цели, некои кандидати може да дадат уникатен и импресивен одговор што ќе докаже дека тие се вистинската личност за таа позиција. Неколку менаџери советуваат за тоа шо е правилно да се зборува за време на едно интервју.

• Докажете го она за кое зборувате

Секој кандидат за работа сака да направи да звучи одлично, но понекогаш тие знаат да ја прошират вистината или пак да даваат нејасни одговори. Важно е да може да го потврдите она што е напишано во вашата апликација за работа и да дадете проверени резултати за да ги поткрепите своите тврдења.

• Определете која е вашата цел за работното место за кое аплицирате

На интервју за работа може да ви постават многу прашања, но менаџерите секогаш имаат неколку клучни прашања кои може да одлучат дали вие сте соодветен кандидат за таа позиција. Едно од тие прашања може да биде кои се вашите цели за вработување во компанијата. Секогаш менаџер би сакал да има кандидат кој што ќе биде посветен на работата и ќе може да создава големи вредности за компанијата.

• Бидете смели да кажете што не ви се допаѓа

Кога ќе разговарате со менаџерот за време на вашето интервју, покажете му дека сте смел кандидат кој има свои ставови и дека би можеле да ја подобрите компанијата со тоа што ќе го известите кога нема да се согласувате со неговите ставови и одлуки.

• Дадете им до знаење дека сте спремни да учите нови работи

Ниту еден менаџер нема да биде согласен со кандидат кој мисли дека знае се. Доколку не го знаете целосно одговорот на некое прашање за време на вашето интервју, подобро е да се обидете да размислите на таа тема и да не го лажирате својот одговор. Тоа може да му даде до знаење на менаџерот дека размислувате и сакате да учите нови работи

• Бидете запознаени како функционира компанијата во која аплицирате

За секоја компанија е важно новиот вработен да може културно да се вклопи со останатие колеги. Затоа, убаво би било доколку прашате какви вредности има компанијата или пак ќе ги откриете самите преку истражувања на нивната веб страница.

Кинескиот јуан e нов избор за блокот држави од Регионалното сеопфатно економско партнерство (РЦЕП).

Десетте членки на АСЕАН, плус Кина, Јужна Кореја, Нов Зеланд, Австралија и Јапонија, се согласни да биде проширена употребата на јуанот во прекуграничната трговија.

Банката на Кина неодамна објави извештај, во кој се наведува дека Кина треба дополнително да ги привлече растечките интереси за користење на јуанот преку регионален трговски договор и офшор-трговски центри, во контекст на напорите на Пекинг да ја зголеми глобалната употреба на валутата.

Според извештајот на банката за 2022 година, членовите на 15-членото Регионално сеопфатно економско партнерство (РЦЕП) сочинуваа 18,9 отсто од дознаките (во јуани) во Кина минатата година, во споредба со 15,9 отсто во 2021 година и само 7,1 отсто во 2020 година.

Над 90 отсто од домашните и од странските компании што работат во Кина, според податоците на сеопфатното истражување на државната банка, се изјасниле дека „се уверени оти користењето на јуанот за прекугранични плаќања би можело да биде стабилно во Азископацифичкиот Регион“.

На глобалните пазари вредноста на доларот се намали во однос на кошницата со валути минатата недела. Истовремено, курсот на доларот во однос на европската валута падна за 0,4 отсто, па цената на еврото достигна 1,0750 долари. Доларот ослабе и во однос на јапонската валута, за 0,4 отсто, на 139,40 јени.

Министрите за труд на ЕУ во понеделникот (12-ти јуни) го поддржаа општиот пристап кон Директивата за работниците кои работат преку дигитални платформи, означувајќи го крајот на интензивните преговори кои траат година и половина и ја отворија вратата за меѓуинституционални преговори со Европската комисија и Европскиот парламент.

Законодавниот предлог има за цел да ги разјасни условите за работа на работниците кои се достапни онлајн преку платформи за извршување на различни платени услуги, главно со флексибилно работно време. Некои од тие платформи се Deliveroo и Uber.

Во суштината на контроверзноста што опфати три последователни претседателства на Советот на ЕУ - предводени од Франција, Чешка и Шведска - беше новосоздадената правна претпоставка за вработување која треба да ги класифицира „лажните“ самовработени, под одредени услови.

Вкупно 22 земји-членки го одобрија текстот на општиот пристап на Советот за вработување и социјални работи (ЕПСКО) во Луксембург. Само пет земји - Естонија, Германија, Грција, Латвија и Шпанија - беа воздржани. Немаше гласови против.

Во заедничката изјава, земјите кои сакаа посилна заштита за работниците, вклучително и Белгија, Луксембург, Малта, Холандија, Португалија, Романија, Словенија и Шпанија, одлучија да не застанат на патот на текстот, „за да може законодавниот процес да биде спроведен“ и договорен излезе со конечниот текст за цела ЕУ пред изборите во 2024 година.

Долг пат до таму

Одобрувањето на министрите, сепак, не се случи само така. Со низа компромисни текстови, кои Швеѓаните ги дистрибуираа во периодот од јануари до мај, не успеаја да постигнат никаков договор. Се формираа различни табори: некои земји-членки, како што се Шпанија, Белгија и Холандија, повикаа на поамбициозен текст со силна основна правна претпоставка, бидејќи беа загрижени дека шведскиот текст не е подеднакво амбициозен.

Од друга страна, Франција, клучен играч за обезбедување квалификувано мнозинство, со оглед на воздржаните на Шпанија и Германија, сакаше да види појасни отстапувања од претпоставката додадена во оперативниот дел на текстот.

Швеѓаните мораа да „газат тенка линија“, вклучително и гаранции од таборот предводен од Франција дека ќе се применува отстапување, а истовремено ќе им дадат на поамбициозните земји нешто за размислување. Како резултат на тоа, конечниот текст појаснува дека земјите со поповолни правни механизми од оние предвидени во Директивата би можеле да продолжат да се потпираат на такви механизми.

Францускиот министер за труд Оливие Дисоп, кој го одобри текстот, јасно стави до знаење дека е потребна повеќе работа за да се „гарантира“ дека претпоставката нема да важи за „вистински“ самовработените и обезбеди пристојна формулација на отстапувањето за платформите што следат национални правила.

Конечно, одобрението на министрите генерално говори за подготвеноста на земјите-членки да продолжат со преговорите и да започнат сосема нови дискусии со Европскиот парламент и Комисијата во рамките на меѓуинституционалните „трилози“, како што ги нарекува ЕУ.

Транзицијата од 20-тите во 30-тите години е голема. За многумина од нас, одлуките што ги донесуваме во тие клучни години завршуваат со дефинирање на остатокот од нашата кариера.

Во прилог неколку совети што е добро да ги знаете во вашите 20-ти години.

• Изберете кариера што ви се допаѓа, а не онаа што плаќа повеќе

Ова е многу чест совет. Ако само се обидувате да бидете успешни само заради правење пари, тогаш ќе ви биде тешко да бидете среќни во кариерата. 

• Никогаш не лажете во вашата професионална биографија (CV)

Можеби мислите дека може да се извлечете со малку украсување на CVто, но порано или подоцна, некој ќе го открие тоа.

• Преземајте ризици

Кога сте млади, можете да си дозволите да ризикувате бидејќи имате многу време и енергија за да застанете на нозе, ако работите не функционираат. 

• Не плашете се да аплицирате за работа што ви се допаѓа, дури и ако не ги исполнувате сите услови.

Ако аплицирате за работа и не се чувствувате премногу сигурно во врска со вашите шанси, сепак треба да аплицирате затоа што секогаш вреди да се проба.

• Секогаш можете да ја смените кариерата 

Можеби на почетокот мислите дека ќе ве интересира професијата цел живот, но на крај да се покаже дека тоа е само фаза. Добрата работа во тоа што имате 20 -ти години е што имате многу живот пред себе и можете да си дозволите да направите некои грешки при изборот на кариерата

• Започнете да се поврзувате со луѓе што порано

Еден од клучевите за успех е поврзувањето со вистинските луѓе. Работата е во тоа што можеби до крајот на животот не знаете која е вистинската личност која ќе ви помогне на патот, затоа е толку важно да одржувате контакт што е можно почесто. 

• Никогаш не престанувајте да учите

Најважното нешто што треба да направите кога започнувате со нов проект или цел е да продолжите да учите. Никогаш не можете да знаете се за нешто, така што секогаш има многу простор за да научите повеќе.

• Не дозволувајте вашата работа да ве дефинира

Многу луѓе вложуваат толку многу енергија во своите работни места што кога ќе се вратат дома навечер веќе не знаат кои се тие. Важно е да не дозволите работата да ви го троши целиот живот и идентитет. Исто така, треба да се обидете да ги доживеете работите надвор од работата.

• Не дозволувајте вашата работа да биде единствениот извор на приход

Многу луѓе мислат дека работата е единствениот начин на кој ќе заработат за живот. Постојат тони странични приходи што можете да ги направите од речиси секаде и кои можат да се вклопат во вашиот распоред за да ви помогнат да заработите повеќе пари и да се грижите помалку за тоа што ќе се случи ако ја изгубите работата. 

• Одвојте една или две години за да почувствувате како е да работите во друга држава

Тревата е често позелена од другата страна. Посетата на различни земји и изложеноста на различни култури, работна етика и вредности навистина ја менува вашата перспектива за животот и вашата кариера.