Можеби на прв поглед делува смешно, меѓутоа на модерните принцези воопшто не им е лесно.

Тие не работат и не одат на работа, меѓутоа имаат огромна листа на обврски и правила по кои го живеат кралскиот живот.
Наредниот пат кога ќе посакате да бидете принцеза, потсетете се што прочитавте подоле:

Принцезата мора да научи што е можно повеќе странски јазици

Современите принцези мора да знаат колку што е можно повеќе странски јазици како, кога ги посетуваат дипломатите од странските земји, поголемиот дел од разговорите би биле водени токму на нивниот мајчин јазик.

Се откажува од правото на глас

Или така е барем во Англија. И иако за тоа не постои официјален службен закон, жителите на Англија сметаат дека е противуставно за кралското семејство да учествува во изборите, бидејќи тие треба да ја претставуваат целата земја.

Значи, кога една жена ќе стане принцеза, за неа нема повеќе гласање на политичките избори ако таа сака нејзиниот народ да ја сака.

Засекогаш се откажуваат од нивната “дива страна”

Жената која што ќе стане принцеза веројатно и не е некој голем бунтовнички тип,но дури и ако имала било каква “дива страна”, таа ќе мора од тој животен стил засекогаш да се откаже кога ќе влезе во кралското семејство. Ниту таа, ниту нејзиното семејство не смеат да си дозволат никакви скандали.

Подготвеност за живот полн со формалности

Прекарите никако не се дозволени во кралската палата. А една принцеза секако треба да се навикне на тоа за другите да ја именуваат со “нејзиното кралско височество принцезата...”.

Секогаш беспрекорен изглед

Врвните стилисти барем три пати неделно ја фенираат косата на Кејт Мидлтон, но таа мора редовно и да се потстрижува и негува. Кејт во јавност е невозможно да ја видиме во несредено издание и таа е одличен пример за тоа што значи совршено негувана и дотерана принцеза.

Да се биде принцеза дефинитивно не е за некој којшто сака често да се облекува во лежерна и опуштена облека.

Живот според правилата на кралицата

Кралицата одредува мноштво од ситниците коишто се случуваат во животот на едно кралско семејство. На пример, едно од правилата вели дека вечерата завршува кога кралицата ќе заврши со својот оброк.

Посетување на најдобрите училишта и најпрестижните општествени случувања

За една жена да стане принцеза, таа мора најпрво да го запознае својот принц. Најголема веројатност за нешто такво да се случи постои на престижните институции за високо образование, како и на гала вечерите, баловите или хуманитарните случувања.

За една принцеза е исто така важно да биде добро образувана бидејќи таа има важно место во општеството.

Откажување од било каква кариера

Да се биде принцеза е работа со полно работно време и така и треба да остане. Па дури и ако одела во најпрестижните училишта и стекнала завидни дипломи, принцезата ќе мора да се откаже од својот сон за да изгради своја кариера.

Кетрин Мидлтон на пример има диплома по историја на уметност, но воопшто не се занимава со тоа во својот живот.

Не смее да биде членка на никаква политичка организација

Принцезата никогаш не би смеела да се кандидира за било каква политичка позиција поради слични причини коишто исто така не дозволуваат гласање на изборите. Принцезата ја претставува целата земја, а кандидирањето за ангажман во некоја политичка партија би создало поделеност.

Занимавање со хуманитарна работа

Голем дел од своето време принцезата го минува занимавајќи се со хуманитарна работа, при што треба да претставува грижлива и мајчинска фигура. Поголемиот дел од принцезите се определуваат за една или две хуманитарни цели и работат на подобрувања во тие одредени подрачја.

Жените се посклони кон расправии на работното место со друга жена, отколку со колега, тврдат резултатите од едно истражување.

Мажите и жените се подеднакво склони кон проблематични односи со колегите, но жените се тие кои почесто се караат меѓу себе.

Од друга страна, жените кои имале пријателки на работното место полесно ги решавале проблемите и не влегувале во кавги, покажала студијата објавена во списанието “Organization Science”.

Џенифер Мерлузи, професорка на Универзитетот во Вашингтон испитувала 145 вработени на највисоките позиции во менаџментот во две големи компании. Одговорите подразбирале дека жените се оние кои имале повеќе проблеми меѓу себе, за разлика од нивните машки колеги.

Мерлузи истакнува дека познавањето на меѓусебните социјални односи на вработените може да помогне да се спречат потенцијалните кавги и проблеми на работното место.

Инаку, сосема спротивно на оваа студија, посебна студија објавена во списанието “INFORMS” покажала дека жените кои го истакнуваат своето деколте се многу подобри шефови бидејќи изгледаат помоќно.

Денес е петок, уште еден крај на работната недела.

Токму заради тоа, KARIERA.mk ве советува вечерва да посветите внимание на вашите стапала за се почувствувате целосно релаксирани:

1 чекор: Ревитализирачка купка

Отстранете го лакот од ноктите и потопете ги стапалата во ревитализирачка купка, пет до десет минути. Купката за стапала можете и сами да ја подготвите. Наполнете поголем леген со еднакво количество млеко и вода и додајте неколку капки масло од лаванда.

2 чекор: Обликување на ноктите

Втријте малку средство за заноктици во коренот на ноктите и потиснете ја здебелената кожичка во тој дел – тоа направете го со специјалната алатка од педикир-сетот, направена од природно дрво. Со турпија обликувајте ги ноктите за да спречите нивно враснување.

3 чекор: Пилинг

Наполнете го легенот со чиста вода и добро истругајте ги стапалата со турпија или со камен за петици, за да го отстраните мртвиот слој клетки од кожата.

4 чекор: Маска

Откако ќе ги измиете со чиста вода, во стапалата и во потколениците втријте хидратантна маска. Почекајте десетина минути и измијте ги нозете под млаз вода.

5 чекор: Хидратација

Избришете ги стапалата со крпа (никако со енергично триење!) и намачкајте ги со хидратантен крем, нежно масирајќи ги. Потоа, раширете ги прстите со мек сепаратор, отстранете ги остатоците од лосионот со памукче и намачкајте ги ноктите со основниот слој од лакот.

6 чекор: Лакирање

На секој нокт лакот нанесувајте го во три ленти – централна, и по една од секоја страна – и тоа од коренот до врвот на ноктот. По две минути, нанесете втор слој од лакот, па трет, завршен.

Живот е навистина краток, па споделуваме неколку работи за кои не треба да размислувате пред да ги направите туку комплетно да му се препуштите на животот:

Превземете нешто што никогаш не сте го направиле

Ако секогаш одите на исти места или патувате по истиот пат, животот ќе ви биде здодевен. Тргнете каде што вообичаено не одите и подгответе се за нови и интересни доживувања.

Ризик од одбивање

Ви се допаѓа некое момче? Па тогаш, зошто чекате? Пријдете му, запознајте се! Не мора да чекате тој да ги направи првиот чекор. Најлошото што може да ви се случи е да бидете одбиени, односно да не ви се случи нешто со него.

Во никој случај не смеете да бидете егоисти и да се плашите од одбивање, бидејќи така секојдневно пропуштате шанси да ви се случи нешто неверојатно.

Ризикувајте за да истражувате

Повеќе не сте среќни на вашето работно место или пак со сегашниот партнер? Животот е многу краток, не дозволувајте да ви помине по прописи кои на вас не ви одговараат. Живејте слободно и дишете со полни гради!

Ризикувајте да не ја добиете работата

Сте завршиле додипломски, пост-дипломски и курс за некој странски јазик. Следен чекор е да ја најдете работата од соништата, но тоа не оди баш така како што сте си замислувале додека бевте дете. Бидете подготвени да одите на многу разговори, интервјуа, да бидете одбиени и разочарани, па дури потоа може да ги остварите своите соништа.

Важно е да не се откажете на почетокот, бидејќи така сигурно нема да го добиете тоа што го сакате.

Ризикувајте да пропуштите нешто

Се плашите дека ако се вработите ќе станете досадни во друштвото, дека нема да имате ниту сила, ниту време за излегување и дека само ќе сонувате за луди авантури и непреспиени ноќи.

Веројатно тоа е точно, но мора да жртвувате нешто за да добиете нешто повеќе. Ако претходно сте се забавувале, сега е време за работа, а потоа ќе може да уживате во она што сте го заработиле.