Компанијата  MasterCard  направи истражување со кое беа испитани жителите на Европа кои немаат пристап до официјалните финансиски текови. 

Според истражувањето 138 милиони Европејци немаат банкарска сметка или пристап до методите за наплата. Тие се финансиски „ исклучени“ од општеството.

Еве кои други резултати ги покажа ова истражување:

- една третина од Европејците немаат постојана работа, а меѓу нив 35% се на возраст од 18 до 34 години;

- 38% од жителите на Европа плаќаат наемнина во готово и дури 88% од од нив останатите трошоци ги плаќаат со готовина;

- пристапот до технологии во овој сегмент скокнал од 29% во 2013 година на 49% во 2016 година;

- 27% од анкетираните и натаму сметаат дека не можат да пристапат до финансиските производи и услуги;

- 20% од испитаните воопшто не сакаат да имаат банкарска сметка;

- 10 % од анкетираните  немаат доверба во банките.

Константната потреба за користење готовина тие луѓе ги прави исклучитено чувствителни на губење или крадење на пари , бидејќи не постои електронска трага или доказ за трансакциите.

Претседателот на секторот на меѓународниот пазар во компанијата MasterCard, Ен Кернс истакна дека немањето на пристап до финансиските текови има сеирозно влијание на квалитетот на животот на поединецот, затоашто ги скратува основните поволности и можноста за избор и истовремени ги лишува и од поголем степен на заштита и практичност.

Ова истражување покажува дека главните причини за немање на трансакциски сметки или некористењето на банкарски услуги е недостигот на знаење и недоверба во банкарскиот сектор.

Беше само прашање на време кога благајната на кината на едно од најпознатите филмски студија на светот ќе им ја донесе најголемата заработувачка во историјата.

Во објавениот извештај на почетокот на оваа недела се наведува дека „Disney” во 2016 година само на филмовите прикажани во кината заработил 7 милијарди долари. Ова е прв пат во историјата едно филмско студио да оствари толкава заработка, пишува Бизнис инсајдер. 

На „Disney” успехот му го донесоа некои од најпопуларните наслови како „Rogue One: A Star Wars Story” кој неодамна премиерно беше прикажан, како и „Finding Dory”, „Captain America: Civil War”, „The Jungle Book” и „Zootopia”. Секој од овие филмови му донел на студиото повеќе од милијарди долари заработка.

Рекордот до сега го држеше студиото „Universal”, кое минтата година оствари 6,89 милијарди долари приходи благодарение на насловите како што се “Jurassic World”, „Furious 7″ и “Minions”.

Компании, личности и производи вчера беа прогласени за Супербрендови во Македонија. Признанијата за најсилните пазарни марки во земјава за 2015 и 2016 година ги додели Superbrands меѓународната организација во Македонија.

Добитнци се: Anhoch, Backstage, City Радио, Даути, Дуки Дасо, Дуна, Еурофарм, Еуролинк, Капитал, Комеерцијална банка, Круна МС, Љубојна, Плива, Пофикс, Пропоинт, Проспера, Семос, Скопски Саем, Солета, Специјал, Теа Модерна, Телеком, Трансмет, УТМС, Жикол и Жито се брендовите кои станаа дел од соѕвездието на Superbrands.

Признание Superbrand доби ракометарот Кире Лазаров. Неговиот придонес за спортот во Македонија и пошироко не познава граници и со ова признание дополнително се зацврстува спортскиот кредибилитет и авторитет на најдобриот македонски ракометар.

Компаниите, производите и лицата кои се прогласени за Superbrand се вивнаа во вселената и освоија нова димензија на универзална препознатливост. Тие сега се дел од најквалитетните, најоригиналните и најсигурните брендови во Македонија и светот. Тие се најпрепознатливи брендови затоа што ги исполнуваат најголемите светски корпоративни вредности. Со тоа што компаниите го носат знакот на Superbrand светските и домашните потрошувачи имаат повеќе доверба во нивните производи и услуги и тие можат полесно да освојуваат нови пазари, истакна Зоран Саздовски, одговорен за Superbrands Македонија на доделувањето на признанијата.

На свеченото доделување на признанијата беше претставено и новото издание на Superbrands публикацијата во која секој бренд ја раскажува својата успешна приказна.

Саздовски додаде дека публикацијата нуди многу фасцинантни увиди  во тоа како поединечни брендови настанале: често од скромни почетоци, до моќни брендови како што се денес. Сите добитници ќе можат да ја користат публикацијата во маркетинг цели, а истата ќе се достави до сите амбасади, конзулати и различни други претставништва. Над 156 претставништва на Македонија низ светот ќе можат да ги промовираат супербрендовите од Македонија.

Во Македонија има околу 15.000 имиња на фирми и производи. Околу 1.000 домашни и меѓународни брендови, распоредени во 28 категории, се наоѓаа на списокот на финалисти кој беше изготвен во соработка со водечките маркетиншки компании и агенции за испитување на пазарот. За најдобрите се гласаше врз основа на квалитет, сигурност, препознатливост и емотивна приврзаност. Во процес на одбирање, покрај стручното жири, учествуваа и потрошувачите. Само најпрепознатливите и најдобрите го добија знакот на Superbrand.

Супербренд признанијата се доделуваат во Македонија од 2009 година.

До крајот на оваа година, ќе се затвори последната ковачница на пари во Скандинавија, откако Данска реши да го следи примерот на Шведска и Норвешка. Данска одлучи да го следи трендот па така по потреба ќе ги ангажира Финците за производство.

Централната банка на Данска веќе го запре печатењето на банкноти. Тие станаа толку бескорисни за нив па така не мораат да да тражат произведувачи.

Додека некои држави допрва го отвараат патот кон општество без готовина, Скандинавија веќе е чекот напред.

Во Данска не се одрекуваат од готовина само поради борбата против криминалот, туку и заради комфор, додека продавниците сите до една преферираат пластика.

Тамошната влада дури им овозможува на трговците да одбијат плаќање во готово, а централната банка планира да направи и своја сопствена виртуелна валута.