Доколку не проверите навреме уште колку ви важи патната исправа и колкав е рокот што го толерираат државите во кои сакате да одите, може да не ја напуштите земјата.

Тоа што пасошот сè уште ви важи не значи дека ќе заминете во странство. Секоја држава има свое правило за тоа колку време не смее да е пред истек на важност вашиот пасош за да може да ја поминете границата. Така, доколку не проверите навреме уште колку ви важи овој документ и колкав е рокот што го толерираат државите во кои сакате да одите, може да не ја напуштите земјата, да ви пропадне уплатена возна карта, резервација, платен престој во хотел…
Во Министерството за надворешни работи проверивме какви се правилата на група држави во кои најчесто патуваат наши граѓани.

Правилата во ЕУ, Србија, Албанија, Црна Гора, Турција, Египет…

Патната исправа треба да е важечка најмалку три месеци по планираниот датум на заминување на странецот од територијата на земјите-членки на ЕУ и шенген-зоната. Притоа во оправдани случаи, утврдени со закон, може да не се исполни оваа обврска. Граѓаните од земјава што поседуваат биометриски пасош можат да останат во шенген-зоната максимум до 90 дена од датумот на влез во период од шест месеци (180 дена). Овој период се смета од вашиот прв влез на територијата во рок од шест месеци. На пример, доколку сте влегле во шенген-зоната на 1 февруари, следниот шестмесечен период почнува на 1 август.

За патување и престој во соседна Србија, правилото вели дека пасошот треба да е валиден за време на престојот, што значи дека може да го користите до моментот на истекување.
Истото правило, пасошот да е важечки за време на престојот, важи и за Црна Гора.
Доколку одите во Албанија, патната исправа треба да е валидна најмалку три месеци по планираниот датум на заминување од територијата на оваа држава.
За во Турција пасошот не треба да ви истече 6 месеци откако ќе се вратите.

Македонски државјани што патуваат во САД треба да поседуваат валиден пасош за периодот кога планираат да престојуваат таму. За оваа држава се вади виза за престој.
Заминувањето во Египет, пак, значи дека пасошот треба да е валиден најмалку 6 месеци од датумот на влез во Египет.

Какви се македонските правила?

За влез на странец во Македонија, патната исправа треба да задоволува два критериуми. Првиот е да е важечка најмалку три месеци по планираниот датум на заминување на странецот од нашата територијата, а вториот е да е издадена во претходните 10 години.

2022 година е првата година во која Бугарија не е најевтина земја во Европската унија. Во однос на најниските трошоци за живот, таа е претекната од Романија, покажуваат податоците на Евростат објавени на веб-страницата на заводот за статистика.

Во Романија стоките и услугите чинат 42,2 отсто помалку од просекот на ЕУ, додека во Бугарија плаќаат 41,3% помалку, покажуваат податоците.

Друга земја-членка со блиски нивоа на цени на оние во Бугарија и Романија е Полска, а таму Полјаците олјаците плаќаат 38,5 отсто поевтино од просечниот Европеец.

Има уште три земји на Балканот каде што нивото на цените е пониско, но тие не се членки на ЕУ - Босна и Херцеговина, Македонија и Турција, каде цените се за 60 проценти пониски од просекот на ЕУ.

Промени има и на другиот крај од рангирањето - најскапите земји. Во 2022 година, Луксембург, кој со години беше најскапата земја во ЕУ,  е тргнат од врвот од Ирска. Таму стоките и услугите чинат 46,6 проценти повеќе од просекот на ЕУ, додека Луксембург е поскап за само 36,6 отсто.

Всушност, најскапата земја на континентот е Швајцарија. Таму ценовното ниво е за 74,3 проценти повисоко од просекот на Европската Унија.

Бизнисот може да биде комплициран потфат, посебно кога станува збор за заработка. Може да имате одлична идеја за бизнис и за тоа како да ја зголемите продажбата, но важно е како ќе управувате со вашите пари. Треба да имате расположлив износ на готовина со кои што ќе може да ги исполните вашите финансиски обврски. Ова е всушност еден циклус на готовина кој што ќе влегува и излегува во вашиот бизнис и вашиот бизнис треба да има навистина добри приходи со цел да не се зголемат трошоците. Сопствениците на бизниси треба да остваруваат постојан профит за да опстои нивниот бизнис.

Еве неколку совети како би можеле да го зголемите вашиот профит:

• Со зголемување на потенцијални купувачи
• Со зголемување на конверзија на потенцијални купувачи во вистински купувачи
• Со зголемување на профитот во моментот на продажбата
• Со зголемување на број на трансакции во моментот на продажбата
• Реактивација на минатите купувачи
• Кратење на трошоците

Профитот претставува целата продажба за одреден период и доколку ги покриете сите трошоци и останете во позитивен износ тогаш имате профит,во спротивно доколку имате негативен износ ќе претрпите загуба. Најчесто профитот е тој што го поттикнува бизнисот а не продажбата,иако продажбата е од суштинско значење за една компанија. Целта на секој бизнис треба да биде тоа да има високи профитни маргини за да може да се заработат повеќе пари. Компаниите нема да останат во бизнисот доколку немаат профит,па кога капиталот ќе заврши најчесто компанијата ги затвара своите врати бидејќи ниту еден бизнис неможе да преживее со вечни загуби. Затоа,профитот претставува витален дел од бизнисот и за него секогаш е потребно финансиско планирање.

Посилната имиграција е решение за недостигот на квалификувана работна сила во Германија, изјави Моника Шницер, претседателка на Советот на економски експерти на германската влада.

На Германија ѝ требаат 1,5 милиони имигранти годишно за, доколку се одбие огромната емиграција, секоја година да имаме 400.000 нови граѓани и на тој начин да го зачуваме бројот на работници, соопшти експерт од советодавното тело, кое колоквијално е познато како Економски совет. 

Итно ни е потребна култура на добредојде. Ако Интел гради фабрика во Магдебург и има потреба од странски квалификувани работници, тие исто така мора да чувствуваат дека се добредојдени таму, рече Шницерова.

Таа оцени дека во таа насока оди и новиот германски закон за професионален труд. Сепак, според неа, потребно е повеќе, на пример услуги за имигрантите кои нема да им предизвикуваат страв, туку ќе даваат услуги, пренесува dpa.

Не треба да инсистираме странците да зборуваат германски за секоја работа, но треба да се погрижиме вработените во службите за странци да зборуваат англиски, објасни Шницерова.

Пред десет дена, тричлената германска владина коалиција го протурка новиот закон за имиграција на квалификувани работници со мнозинство во Бундестагот. Новина во него е, меѓу другото, таканаречениот систем на шанси, кој се заснова на бодови кои се стекнуваат по различни критериуми.

Тие вклучуваат јазични вештини, работно искуство, возраст и врски со Германија. Во иднина, специјалисти за ИТ технологија ќе можат да доаѓаат во Германија дури и без високо образование, доколку докажат дека ги имаат потребните квалификации.

Советот на економски експерти на германската влада брои пет члена и како владино тело се занимава со анализа на севкупниот економски развој на земјата.