Велика Британија и САД имаат намоќни пасоши во светот. Ова го покажува Индексот на пасош кои дава поени за тоа со кој пасош сопственикот може да посети најмногу земји во светот без виза.

Индексот опфаќа вкупно 199 пасоши, од нив 193 се од земјите-членки на Обединетите нации, а шест од нив се територии. Според Индексот, американски и британски државјани можат да посетат вкупно 147 земји во светот без виза. На дното од рангирањето се Сао Томе и Принципе, палестинските територии, Соломоновите Острови, Мјанмар и Јужен Судан.

Носителите на овие пасоши можат да посетат само 28 земји во светот без притоа да вадат виза.

Со македонски пасош во 2018 година може да се патува без виза во вкупно 110 земји, што е за 2 земји повеќе од минатата година. За да ја погледнете целата листа на земји во кои може да се патува без виза, посетете го следниот ЛИНК

Во обид да се справи со сериозниот недостиг на работна сила, зголемување на трошоците за социјална помош и намалувањето на даночните обврзници поради стареење на населението, Јапонија одобри план, со кој вработените ќе имаат избор да се пензионира по 70-годишна возраст.

Владата најави дека сака да ги утврди предлозите преку законски измени по април 2020 година и ќе се стреми етапно да ја зголеми задолжителната возраст за пензионирање за околу 3,4 милиони државни службеници од 60 години на 65 години.

Сега Јапонците можат да одлучат да се пензионираат во произволен момент ако се на возраст меѓу 60 и 70 години, а пак ако го направат тоа по 65-годишна возраст, добиваат поголема пензија.

Според властите, во следните четири децении, јапонското население ќе се намали од 127 милиони, колку што изнесува сега, на 88 милиони 

Постапката за признавање на возачките дозволи меѓу Македонија и Германија е во завршна фаза, велат од Министерството за внатрешни работи за Алсат М.

Двете земји го усогласуваат текстот од заедничката декларација, а за утре е закажан координативен состанок со германската амбасада, на кој ќе се испеглаат разликите и за последното отворено прашање кое од МВР не го откриваат.

По завршувањето на постапката за признавање на македонските возачки дозволи во Сојузна Република Германија, сите лица кои имаат или ќе регулираат престој во Германија ќе може да ја заменат македонската возачка дозвола со германска. Сите останати граѓани кои ќе патуваат транзит, ќе може да ја користат македонската возачка дозвола, велат од Министерство за внатрешни работи на Р.М

Во моментов, македонските иселеници во Германија може да управуваат со моторно возило само првите шест месеци, а потоа мора да извадат нова германска возачка дозвола, што е трошок од околу две илјади евра. Професионалните возачи пак, мораа да вадат меѓународна возачка дозвола. Бенефит од ваквиот договор ќе имаат не само иселениците, кои според проценките во Германија ги има во бројка од околу 100 илјади граѓани, туку и професионалните возачи, вели Биљана Муратовска од Асоцијацијата на здруженија на превозници. Според неа институциите се усогласуваат за начинот на кој ќе се впише интернационалната ознака – код 95 – која значи дека возачите поминале обука за професионална компетентност.

Градот Скопје денеска потпиша договор со компанијата Chariot Motors за пробно користење електричен автобус за период од шест месеци. Електричниот автобус ќе почне да сообраќа на градските улици во април годинава, и тоа на линијата со број 15на ЈСП од Ново Лисиче до Карпош 4, по следната траса: булевар Јане Сандански, булевар Кочо Рацин, улица Димитрие Чуповски, булевар Партизански одреди и обратно. Во возилото може да се превезуваат до 85 патници.

По истекот на пробниот период овој електричен автобус ќе биде понуден на ЈСП и на приватните превозници да го купат.

Низ Скопје ќе вози електричен автобус. Потпишавме договор со Chariot Motors за пробно користење електричен автобус за период од шест месеци. Ова е одлична можност која ќе не збогати со едно ново искуство за градот, што понатаму ќе можеме да го користиме во планирањето на модернизацијата на јавниот градски превоз. Автобусот е направен во согласност со последните технолошки трендови во оваа индустрија.  Станува збор за енергетски ефикасен автобус што троши минимално количество електрична енергија и е опремен со систем за брзо полнење.Најголемата предност е тоа што воопшто нема емисија на издувни гасови што го загадуваат воздухот – рече денеска градоначалникот Петре Шилегов, на потпишувањето на договорот со Chariot Motors.

Шилегов објасни дека автобусот ќе сообраќа на линијата со број 15, а станиците за полнење на крајните постојки во Ново Лисиче и во Карпош 4 се поставени со помош на ЕВН.

Вложувањето во јавен градски превоз кој е енергетски ефикасен и кој не го загадува воздухот е влог во создавањето здрава животна средина. Решавањето на деценискиот проблем со јавниот превоз во Скопје е дел од листата приоритети на Градот. Годинава предвидовме буџет за субвенции за набавка на еко-автобуси во висина од 100 милиони денари и за приватните превозници во висина од 20 милиони денари. Работиме на модернизацијата на градскиот автобуски превоз. Скопје заслужува автобуски превоз што нема да загадува, ќе биде енергетски ефикасен и кој во целост ќе излезе во пресрет на потребите на граѓаните коишто го користат – нагласи градоначалникот Шилегов.

Шилегов изрази благодарност до Chariot Motors што овозможи за прв пат низ улиците на Скопје да вози електричен автобус кој ќе биде од големо значење за унапредувањето на еколошките стандарди, за почист воздух и почиста животна средина.

Претставниците на Chariot Motors објаснија дека станува збор за израелска компанија за производство на електрични автобуси со седиште во Софија, која во соработка со кинеската компанија Хајгер произведува 76 автобуси на ден. Тие се заблагодарија на Градот Скопје за можноста да ги претстават нивните електрични автобуси како влог во иднината на транспортот. Нивните автобуси веќе сообраќаат по улиците на Белград, Грац, Тел Авив, а наскоро и во Мадрид и Салцбург.