Постапката за признавање на возачките дозволи меѓу Македонија и Германија е во завршна фаза, велат од Министерството за внатрешни работи за Алсат М.

Двете земји го усогласуваат текстот од заедничката декларација, а за утре е закажан координативен состанок со германската амбасада, на кој ќе се испеглаат разликите и за последното отворено прашање кое од МВР не го откриваат.

По завршувањето на постапката за признавање на македонските возачки дозволи во Сојузна Република Германија, сите лица кои имаат или ќе регулираат престој во Германија ќе може да ја заменат македонската возачка дозвола со германска. Сите останати граѓани кои ќе патуваат транзит, ќе може да ја користат македонската возачка дозвола, велат од Министерство за внатрешни работи на Р.М

Во моментов, македонските иселеници во Германија може да управуваат со моторно возило само првите шест месеци, а потоа мора да извадат нова германска возачка дозвола, што е трошок од околу две илјади евра. Професионалните возачи пак, мораа да вадат меѓународна возачка дозвола. Бенефит од ваквиот договор ќе имаат не само иселениците, кои според проценките во Германија ги има во бројка од околу 100 илјади граѓани, туку и професионалните возачи, вели Биљана Муратовска од Асоцијацијата на здруженија на превозници. Според неа институциите се усогласуваат за начинот на кој ќе се впише интернационалната ознака – код 95 – која значи дека возачите поминале обука за професионална компетентност.

Градот Скопје денеска потпиша договор со компанијата Chariot Motors за пробно користење електричен автобус за период од шест месеци. Електричниот автобус ќе почне да сообраќа на градските улици во април годинава, и тоа на линијата со број 15на ЈСП од Ново Лисиче до Карпош 4, по следната траса: булевар Јане Сандански, булевар Кочо Рацин, улица Димитрие Чуповски, булевар Партизански одреди и обратно. Во возилото може да се превезуваат до 85 патници.

По истекот на пробниот период овој електричен автобус ќе биде понуден на ЈСП и на приватните превозници да го купат.

Низ Скопје ќе вози електричен автобус. Потпишавме договор со Chariot Motors за пробно користење електричен автобус за период од шест месеци. Ова е одлична можност која ќе не збогати со едно ново искуство за градот, што понатаму ќе можеме да го користиме во планирањето на модернизацијата на јавниот градски превоз. Автобусот е направен во согласност со последните технолошки трендови во оваа индустрија.  Станува збор за енергетски ефикасен автобус што троши минимално количество електрична енергија и е опремен со систем за брзо полнење.Најголемата предност е тоа што воопшто нема емисија на издувни гасови што го загадуваат воздухот – рече денеска градоначалникот Петре Шилегов, на потпишувањето на договорот со Chariot Motors.

Шилегов објасни дека автобусот ќе сообраќа на линијата со број 15, а станиците за полнење на крајните постојки во Ново Лисиче и во Карпош 4 се поставени со помош на ЕВН.

Вложувањето во јавен градски превоз кој е енергетски ефикасен и кој не го загадува воздухот е влог во создавањето здрава животна средина. Решавањето на деценискиот проблем со јавниот превоз во Скопје е дел од листата приоритети на Градот. Годинава предвидовме буџет за субвенции за набавка на еко-автобуси во висина од 100 милиони денари и за приватните превозници во висина од 20 милиони денари. Работиме на модернизацијата на градскиот автобуски превоз. Скопје заслужува автобуски превоз што нема да загадува, ќе биде енергетски ефикасен и кој во целост ќе излезе во пресрет на потребите на граѓаните коишто го користат – нагласи градоначалникот Шилегов.

Шилегов изрази благодарност до Chariot Motors што овозможи за прв пат низ улиците на Скопје да вози електричен автобус кој ќе биде од големо значење за унапредувањето на еколошките стандарди, за почист воздух и почиста животна средина.

Претставниците на Chariot Motors објаснија дека станува збор за израелска компанија за производство на електрични автобуси со седиште во Софија, која во соработка со кинеската компанија Хајгер произведува 76 автобуси на ден. Тие се заблагодарија на Градот Скопје за можноста да ги претстават нивните електрични автобуси како влог во иднината на транспортот. Нивните автобуси веќе сообраќаат по улиците на Белград, Грац, Тел Авив, а наскоро и во Мадрид и Салцбург.

Што би се случило доколку ги изгубиме семејните фотографии? Би изчезнале и сеќавањата од специјалните моменти. Ако ги изгубиме личните документи, писмата, дипломите, како да губиме и дел од себе, или во најмала рака се ни се комплицира, и мораме да влеземе во административниот лавиринт, кој секако многу ќе не измори.

Ќе се согласите, губењето на личните работи, не е пријатно, но без тоа и може некако да се живее! 

Замислете да работите во компанија или некоја институција, потребни ви се документите од минатите години, кои сте ги чувале во регистри/папки, првично во вашата канцеларија, па сте ги преместиле во компаниските подруми, и кога ви се најмногу потребни -ги нема! Се изгубиле, можеби се украдени или уништени од временски непогоди или поради несоодветно чување.

Нервозата во тој момент е најмалиот проблем! Ја губите историјата на вашата компанија, деловна и финансиска, ја губите контролата и безбедноста на вашата компанија.

Доколку пак работите во секторот здравство, како да дијагностицирате одредена болест и да препишете соодветни медикаменти ако не ја знаете историјата на еден пациент. Може да се случи да препишете лек кој може да предизвика уште поголеми компликации и контраефекти.

Како може еден суд да функционира ако нема модерна архива на документи?! Како може една држава да извршува инспекциски надзор или истраги доколку нема документи – докази. Како ќе ги утврдува фактите? Едноставно неможе да функционира целиот државен апарт.

Ова се можеби микро примери, но замислете што би значело да се изгуби она што претставува општествено и културно богатство на една земја. Историски податоци од минатиот век, вредни црковни ракописи, писма од народноослободителните војни, прозни дела, преданија, митови, се она што претставува културно наследство. А народ без историја и култура, без фактографија и сочувани оригинални документи, за вековната борба и докажување, е ништо. Тоа е како дрво без корени, кое за кратко време би се исушило, како човечко тело без вода, кое за неколку дена би дехидрирало.

Одговорноста е кај носителите на раководни функции. А одлуки не треба да се носат кога штетата че настане, туку напротив, плански и на долг рок да се зачувуваат документите. Работата е едноставна, ако не сакаме ваква реалност, мора да имаме уредна, безбедна и модерна, физичка и електронска архива на сите документи кои ни се потребни за работа. Тоа на долг рок тоа носи сигурност, безбедност и секако континуитет во работата. Овозможува брзо и ефикасно да се добие еден документ, без притоа да мора да се стане од работното биро, и да се оди по ходници, катови и подруми за барање на документите. Без да доживуваме стресови ако нешто нема! Електронската архива обезбедува највисока безбедност и комплетна контрола над документите.

Интерсен е фактот дека кога бараме документ, нас не ни треба документот туку информациите што се напишани на тој документ? Потребен ни е е систем на архивирање кој многу организирано и ефикасно, електронски ги копира информациите и ги доставува без физички да се движи документот. Кој обезбедува неколку степени на безбедност, и повеќе нивоа на контрола.

Токму таков е и системот за архивирање Инбох. Спој на добро познати технолошки достигнувања во нов бизнис модел, што интегрира 3 технологии. Инбох не е 100% физичка архива ниту е 100% дигитална архива, а употребените технологии дозволуваат по потреба на клиентот да се претвори во едно или друго, што е неговата уникатност. Инбох е изграден по модел на американска технологија за управување со хартиени и електронски документи – ENVISION. За 5 години постоење, создаде капацитет од 35.000 м3 специјализиран простор за архивски депоа, поседува технологија за дигитализација на сите можни видови документи, од бизнис картичка до А0 и поголеми формати, како и технологија за ласерско и 3Д дигитализирање на вредни документи, микрофилмски скенери, скенери за ренгенски и други транспарентни документи.

Вип воведува нова промоција со која на своите припејдкорисници во мобилната телефонија им овозможува користење на двојно повеќе интернет. Корисниците можат да изберат еден од двата неделни интернет пакети и секогаш да бидат онлајн со своите пријатели и незаборавно да се забавуваат.

Во зависност од комуникациските потреби, корисниците можат да изберат неделен пакет со 2GB интернет за само 99 денари или да го изберат неделниот пакет со 400МБ за само 49 денари.

За корисниците кои сакаат да сурфаат и да користат бесплатни разговори треба да изберат еден од неделните пакети за разговори, SMS и вклучен двојно повеќе интернет.Со неделниот пакет за разговори, СМС и двојно повеќе интернет за само 99 денари корисниците добиваат можност за неограничени разговори кон Vip и промотивно 400MB интернет. Со активирање на неделниот пакет за 149 денари корисниците добиваат неограничени разговори и СМС кон сите мрежи и промотивно 1GB интернет.

Повеќе информации за оваа најнова промоција можете да добиете со јавување во контакт центрите на Вип на 1234 и на www.vip.mk