Лондонска градежна компанија која развива станбени единици на повеќе локации по големиот притисок на своите корисници ќе дозволи почетниот депозит за резервирање на становите да се плаќа со меѓународни криптовалути како што е биткоинот. 

The Collective најави дека новите станари од следниот понеделник ќе може да плаќаат со биткоини, а до крајот на годинава ќе прифаќа уплата и во друг вид на криптовалути. 

Ова е за прв британска градежна компанија да дозволи уплата на депозитите и месечните кирии во биткоин со што криптовалутата се покажува дека е во реален раст и се почесто се наоѓа и на секојдневните пазарни трансакции, а не само за онлајн потреби. 

The Collective развива станови врз принципот на ко-живеење со тоа што сите станари плаќаат по многу пониски стапки на кирија и зградите се еден вид на студентски домови но, за луѓе кои допрва ја започнуваат кариерата и за прв пат се осамостојуваат.

И официјално законот за минимална плата влезе во собраниска процедура. Овој месец над 70 илјади работници треба да добијат поголема минимална плата ако законот помине во собрание.

Со 1,5 милиони евра месечно од буџетот Владата ќе ги поддржува компаниите да исплаќаат минимална плата од 12 000 денари, а средствата за финансиска поддршка на компаниите од септември до декември 2017 година, вкупно шест милиони евра, се предвидени со ребалансот на Буџетот.

Кој ќе има најмногу добивка со новата минимална плата?

Даночниот експерт Павле Гацов посочува дека со зголемувањето на минималната плата најголеми добитници ќе бидат токму вработените во овие три дејности (зголемувањето за нив изнесува 2.410 денари месечно или 25%) Производство на текстил; 14 - Производство на облека; 15 - Производство на кожа и слични производи од кожа, за кои минималната плата изнесува 9.590 денари.

Зголемувањето на минималната плата изнесува 19% или наместо моменталниот износ од 10.080 денари работниците ќе земаат минимална плата од 12 000 денари.

Пред и потоа фотографија од малечката Чарли од Луизијана, САД на нејзиниот прв училишен ден го обиколи светот бидејќи го прикажува трудот кој мајките го вложуваат за нивните деца да изгледаат совршено во тој многу важен животен момент правејќи им тешки фризури или облекувајќи во најубавите алишта. 

Маркиша Симиен, мајката на Чарли, откако ја објави фотографијата на која се гледа најпрво уредно направената фризура за која и требало долго време и „хаосот“ по враќањето од училиште стана вистински хит на социјалните мрежи со коментари од целиот свет.

Маркиша за Чарли вели дека е многу храбро девојче кое иако има астма може сама да се справи со предизвиците.

Правата на работниците на регрес за годишен одмор или популарно наречен к15. Еве што велат упатените: кога и како се стекнувате со право на исплата на овој регрес.

Прашање: Доколку вработениот е пријавен на определено време со договор на еден месец, кој се продолжува секој месец (од почетокот на годината и сè уште трае повеќе од шест месеци континуирано), дали му следува К15?

Одговор: Според Законот за работни односи, право на користење на регрес за годишен одмор имаат сите вработени лица кои имаат остварено минимум шест месеци непрекинат работен стаж кај работодавецот во тековната година, без разлика дали вработениот е пријавен во компанијата на неопределено или определно време. Регресот за годишен одмор е поврзан со правото на користење на годишен одмор на работникот. Доколку работникот е пријавен на пола работно време (20 часа неделно), му следуваат најмалку 10 работни дена годишен одмор (член 48, став 4 од Законот за работни односи на РМ) и исплата на половина износ од утврдениот регрес. Во случај кога работникот е пријавен на цело работно време (40 ч. неделно), му следуваат најмалку 20 работни дена годишен одмор, а најмногу 26 работни дена (член 137, став 1 и став 2) и исплата на целиот износ за регрес, кој е утврден со одлука во компанијата.

Извор - БизнисИнфо