Finance Think ја публикуваше студијата „Влијанието на кризата предизвикана од конфликтот во Украина врз фирмите во Северна Македонија: докази од микроанкета“. Линкот до целата анализа е овде.

Целта на оваа студија, како што велат оттаму, била да се процени влијанието на кризата предизвикана од конфликтот во Украина врз фирмите во земјава. Се потпирале на Анкетата за влијанието на кризата предизвикана од конфликтот во Украина врз фирмите при што се обработени податоци за 112 фирми од различни профили и сектори, во текот на април и мај 2023 година.

„Домашните компании се увозно зависни од суровини и енергија, и глобалниот пораст на цените брзо се пренесе во домашната економија. Така, енергетската криза влијаеше врз компаниите преку порастот на трошоците за работа, и тоа, освен цената на енергијата, и трошоците за суровини и вработените забележаа пораст. Резултатите покажаа дека компаниите искусиле пораст на трошоците за суровини од 20 до 50 проценти, иако кај малите компании и кај компаниите од секторот земјоделство овој пораст е значајно поголем, што ги прави поранливи на сегашната и идни кризи. Во делот на трошоците за енергија, пак, повеќе од една третина од компаниите искусија двојно до петкратно зголемување на трошокот за струја помеѓу 2021 и 2022 година. Од аспект на големината на фирмата, во овој сегмент големите компании беа најзасегнати, затоа што тие беа најизложени, односно купуваа струја на отворен пазар. Додека од аспект на сектори, компаните од градежништвото беа најзасегнати (40 проценти од фирмите од овој сектор известија зголемување на овој трошок за повеќе од пет пати).Трошоците за работна сила се зголемија, главно, до 50 проценти во споредба со претходната година. Товарот одзголемените трошоци за работна сила е малку поголем кај малите фирми, во споредба со поголемите фирми, како и кај извозниците. Последново главно е резултат на недостигот од работна сила со средно ниво на вештини, што извршило главен притисок врз платите. Сепак, за околу третина од фирмите, зголемувањето на минималната плата било важен фактор во зголемувањето на трошоците за работната сила.

Компаниите примениле неколку стратегии за справување со кризата: примарно, тие ги пренесле трошоците на цените од своите производи, ги намалиле другите оперативни трошоци, одложиле некои планирани инвестиции, а поретко застапен беше прекин на производството (само кај некои фирми од секторот земјоделство). Сепак, постојат разлики во зависност од типот на трошокот, и големината исекторот на компанијата. Така, за да се справат со зголемените трошоци на суровините, доминантна стратегија на компаниите од сите големини бешезголемување на цените на своите производи, додека големите фирми почесто преземаа стратегија за намалување на другите трошоци.

Слично, и за соочување со порастот на трошокот за електрична енергија, доминантна беше преносот на шокот врз цените на сопствените производи. Сепак, средните и големите фирми презедоа и поструктурни чекори, односносе впуштија во инвестиции во капацитети за сопствено производство на електрична енергија, како и реорганизирање на процесите за намалување на потрошувачката на енергија. Ова е најчесто случај во индустријата, а потоа во земјоделството и во нископлатежните услужни сектори. Додека, малите фирми не преземаа никаква стратегија за соочување, што може да биде одраз на нивното работење на регулиран пазар на електрична енергија.

Резултатите од регресијата покажуваат дека колку што е поголем уделот на трошоците за енергија во вкупните трошоци, толку повеќе влезните трошоци се префрлале на крајната цена, но толку повеќе се влошувала и конкурентноста. Интересен е наодот дека за фирмите кои не презеле никаква стратегија за справување со растечките трошоци, и процесот на пренос на овие трошоци врз цените на своите производи им одел потешко, а тоа е случај со помалите локални фирми со пониска конкурентност. Резултатите покажаа дека ако цената на трудот се притиска нагоре, на пример, преку пораст на минималната плата над износот на законското усогласување, тогаш тоа нема да влијае врз трошочната инфлација само доколку фирмите одлучат товарот да го преземат на сметка на својот профит.

За справување со енергетската криза, владините мерки се проценети на 760 милиони евра. Од вкупно 33 мерки во двата пакета, 16 беа наменети за компании (или компании и домаќинства). Со исклучок на субвенционирање на цената на струјата / топлинската енергија од страна на Владата за мали потрошувачи и домаќинства, другите мерки се канализирани преку Развојна банка, а многу од нив, како зелените линии од ЕБОР, Гарантниот фонд итн. постоеја и порано, односно ги ублажуваатефектите од кризата, но не можат директно да се поврзат со кризата. Следните инфографикони ги сумираат владините мерки (за компании, за домаќинства, за компании и домаќинства).

Клучните препораки од оваа анализа се однесуваат на зголемена поддршка на процесот на инвестирање во сопствено производство на електрична енергија кај фирмите, како и други енергетски-ефикасни инвестиции во машини, опрема, хали итн., преку механизмите на државна помош кои и сега се на располагање, меѓутоа и преку популаризација на постојните мерки и поддршка за нивно искористување, вклучително и консултантска помош, особено кај помалите фирми. За да се заштитат големите фирми од изложеноста на цената на струјата на глобалниот пазар, неопходно е владата и застапниците на фирмите да се договорат за модел кој ќе ги заштити од варијабилноста на глобалната цена, на пример преку гарантирана цена која фирмите би ја плаќале кога глобалната цена е повисока од неа, но и кога е пониска од неа“, се вели во истражувањето на Finance Think.

Катастрофалниот земјотрес во Скопје се случи на 26. јули 1963 година во пет часот и 17 минути, а помали потреси имаше до пет часот и 43 минути. Беа урнати 15.800 станови, а оштетени 28.000. Над 200.000 луѓе остана без покрив над глава.

Од трагедијата на Скопје целиот свет беше возбуден и ангажиран. Меѓународниот Црвен крст упати апел до сите национални организации да организираат исхрана за скопските деца. Интерпарламентарната унија упати препорака до сите парламенти и влади да помогнат во обновата на градот. Хуманитарните организации во многу земји пристапија кон собирање помош за Скопје. Така Скопје стана град на меѓународна солидарност.

Обединетите нации веднаш по катастрофата презедоа активности за плански и долгорочно да му се помогне на разурнатиот град. Во времето кога екипи стручњаци на ОН почнаа да пристигнуваат во Скопје, во седиштето на меѓународната организација беше речено дека Скопје ќе биде споменик на човечката солидарност. На 23 септември 1963 година 35 земји побараа Генералното собрание да стави на дневен ред од своето заседание точка за преземање мерки по повод земјотресот во Скопје. По четири дена, на 27 септември, Генералното собрание и даде приоритет на меѓународната акција за давање помош на Скопје.

Министерката за труд и социјална политика, Јованка Тренлевска, на Фејсбук објави дека се грижат за пензионерите.

Обезбедивме постојан раст на пензиите. Согласно претходната методологија пензиите во месец јануари 2022 година пораснаа за 2.9%, Со новата методологија пензиите пораснаа за околу 21%.Септември 2022- 6.8%. Март 2023 – 8.4%, Септември 2023- 6% (проекција). За една година раст од околу 21% или раст за околу 24% од јануари 2022 до септември 2023 година напиша таа.

;

Во друг статус пак, објави за новото покачување.

Scalefocus Тимови : DevOps

DevOps е едно од ИТ областите којашто сè уште се дефинира, но сепак е тука за да остане. Во Scalefocus, тимот на DevOps се состои од ентузијастичка група професионалци кои сакаат да учат и сакаат да се насмеани и забавни во процесот на работа.

Во ова статија откријте кои се тие, и како ја прават својата магија.

Претставете нè го вашиот тим - колку експерти има и што работите?

Во моментов, Scalefocus има скоро 40 експерти за DevOps, а тимот е меѓу најбрзо растечките тимови во компанијата. Бидејќи DevOps е агилна методологија, алатките што ги користиме варираат во зависност од спецификите на нашите проекти. Сепак, сè што правиме секогаш ја поддржува автоматизацијата на развојот на софтвер. Ние помагаме во брзиот развој, тестирањето, имплементацијата на софтверот и обединувањето на сите процеси - интеграција, тестирање и испорака.

Кои технологии ги користите?

Ние користиме иновативни технологии и алатки во текот на целиот животен циклус на развој на софтверот, коишто се конкретно усогласени со потребите на нашите клиенти. Нашиот главен фокус се решенијата базирани на облак во Azure, AWS и GCP. За архитектури на микросервисите, користиме платформи за контејнеризација и оркестрација, како што се Kubernetes и OpenShift, Rancher итн. За да го обезбедиме целиот процес на континуирана испорака, ги користиме услугите на Azure DevOps, GitLab CI и GitHub Actions. Кога станува збор за инфраструктурата какошто се: управување со кодови и конфигурации, ние користиме автоматизација базирана на Terraform, Ansible и Pulumi. За нас е важно да имплементираме решенија кои постигнуваат оптимални резултати во решавањето на реални проблеми.

На кои проекти работите?

Нашите проекти се разликуваат по сложеност и обем. Работиме со големи компании кои се неприкосновени лидери во нивната индустрија, но и со иновативни компании, кои сами си го трасираат патот за развој со храбра визија. Во Scalefocus, имаме можност да бираме кои клиенти и проекти да ги преземеме и секогаш ја користиме оваа можност. Причината е многу едноставна – сакаме нашата работа да биде значајна за нашите луѓе, но и да додадеме вредност во заедниците каде што работат нашите клиенти. Можеби звучи идеалистички, но тоа е наша реалност и не правиме компромиси.

Како работите и колку често одите во канцеларија?

Во Scalefocus имаме слобода да бираме од каде да работиме, а тоа е една од најголемите предности за денешните професионалци, не само во Северна Македонија и регионот, туку и на глобално ниво. На самиот почеток на пандемијата го усвоивме моделот „работа од било каде“, кој го задржавме и по олабавувањето на мерките од пандемијата. Досега секој колега сам одлучува од каде да работи и тоа во никој случај не го попречува работниот процес. Деновите кога се собираме во канцеларија се прекрасни, затоа што се собираме и ручаме заедно, уживаме во друштво и работиме истовремено рамо до рамо.

Како изгледа еден типичен работен ден за луѓето во вашиот тим?

Ова во голема мера зависи од проектот на кој е фокусиран секој од нас. Обично, започнуваме со дневен состанок на кој разговараме за нашиот напредок, тешкотиите со кои се соочуваме и нашиот план за тој ден. После тоа, секој ги презема своите индивидуални одговорности, коишто се разликуваат во зависност од обемот и технолошката специфичност на проектите, како и од соодветната улога на DevOps експертот.

Со кои други тимови и оддели најчесто соработувате?

Работиме со сите други тимови кои се дел од SDLC, бидејќи DevOps е култура заснована на соработка којашто има за цел да испорача квалитетен производ до клиентот.

Кажете ни нешто со што се гордее вашиот тим.

Горди сме на големите професионалци кои се дел од нашиот тим и со секој нов успешен проект ги надградуваат своите вештини и експертиза. Нашата култура поттикнува споделување на знаења, којашто дава можност за неограничен раст во рамките на компанијата. Ја сакаме нашата работа и ја споделуваме страстта за технологијата и иновациите. Ова нè зближува како професионалци и како луѓе. Исто така, ги цениме нашите различности и ги сфаќаме како нешто што ни дава нови перспективи.

Што сакате да правите заедно надвор од работата?

Во нашиот тим многу ја цениме добрата храна и квалитетните пијалоци и често уживаме во нив по завршувањето на работниот ден или на некои од нашите дружења. Кога ги обожавате колегите, лесно е да се забавувате. Без разлика дали разговараме за егзистенцијални теми или зборуваме за секојдневни настани, навистина се забавуваме.

Што го зближува вашиот тим?

Покрај тоа што сме успешни во нашата работа, важно ни е да се разбираме и како луѓе. Ако некој има тежок ден, на пример, секогаш може да поразговара со друг колега. DevOps културата е ориентирана кон луѓето, затоа културата во тимот на DevOps е главно фокусирана на луѓето и нивните потреби за да можат да се чувствуваат добро и да бидат посветени на својата работа.

Како новите колеги се вклопуваат во вашиот тим?

Развивме „програма за вклопување“ за да им помогнеме на новодојдените непречено да се прилагодат. Ова, во комбинација со добриот тим кој ги пречекува, им помага брзо да го препознаат тимот како свој. Трасираме многу јасен кариерен пат, којшто не е формалност, туку вистинска кариерна патека за секој DevOps експерт во компанијата. Колегите со помало искуство се менторирани и охрабрени да се чувствуваат слободни да постават било какви прашања во секое време.

Како би одговорил на прашањето „Ако си.......... , дојди придружи се на нашиот тим“?

Ако сте проактивни и имате отворен ум; доколку преземањето одговорност ви носи задоволство и знаете како да се опуштите во слободното време, добредојдени сте во нашиот тим!

Васил се приклучи на DevOps тимот на Scalefocus веднаш на почетокот на пандемијата.

И покрај турбулентното време кога ја започна својата нова работа, тој брзо успеа да се вклопи. Му се допаѓа разновидноста на проектите во кои е вклучен, бидејќи тоа создава динамична работна средина, додека лесната соработка со колегите му носи позитивна енергија секојдневно. Тој верува дека „ако некој може да направи нешто, можам и јас“, без оглед на различните напори што луѓето треба да ги вложат. Токму оваа филозофија го мотивира да ги совлада новите технологии и постојано да ги подобрува своите вештини.

Според него, најважното нешто во DevOps е начинот на кој луѓето размислуваат и знаејќи дека учењето е постојан процес на осознавање – денес одредени технологии се модерни, утре  други. Васил знае дека не може да се научат само одреден број од нив и потоа само да се движи по инерција. Во слободното време, Васко вози велосипед во природа, поминува време во планина, игра фудбал и учествува во квизови, а сето тоа го одржува умот во добра форма со играње „бриџ“ и шах.

Изгледа дека Ана може се.

Мултиталентирана и со немирен дух, таа се опишува себеси како креативна личност која цел живот ја избегнувала математиката. Се додека не го открила DevOps. Пред да влезе во оваа модерна дисциплина, Ана ги истражувала нејзините различни интереси. Како дете цртала и создавала различни дизајни, пеела, многу читала. На училиште учела право, а подоцна и социологија. Меѓутоа, кога завршила факултет, љубовта кон компјутерите зела замав.

Почнала да се занимава со хардверска и софтверска поддршка, па дури и да поправа мобилни уреди. Постепено, таа се заинтересирала за фронт-енд и бекенд, а набргу потоа реализирала тримесечна пракса за DevOps којашто и променила сè. Ана вели дека пред да започне да работи во DevOps, никогаш не можела да го достигне својот целосен потенцијал. Во слободното време, таа сака да гледа хорор филмови и е администратор на голема он-лајн заедница на колеги обожаватели на хорор. Ана собира фигури од ликовите од нејзината омилена серија „Господарот на прстените“.

Душко е еден од првите членови на тимот на Scalefocus во Северна Македонија.

Тој верува дека успехот и брзиот раст на компанијата се резултат на нејзината култура пред сè. Неговиот пат до DevOps не бил лесен, но бил многу интересен. Кога го завршил високото образование, ИТ индустријата во земјата била во подем и немало доволно можности. Спонтано решил да замине таму каде што ќе го однесе љубовта и заедно со својата девојка отишол да работи на брод за крстарење. Таму, бил ангажиран со седумдневна работна недела со месеци - темпото било немилосрдно, но знаел дека овој начин на живот е само привремен. Имал шанса да види места како Буенос Аирес, Дубаи, Њујорк и да ги подобри своите англиски и комуникациски вештини.

По речиси 5 години, Душко се вратил во Северна Македонија и почнал да се занимава со информатичката технологија. Тој вели дека откако станал татко, нема многу слободно време, кое го поминувал играјќи ги омилените видео игри – World of Warcraft, StarCraft и Dota. Тој сега најмногу го поминува слободното време со своите ќерки и нивните кукли.

На крајот, како би го опишале вашиот тим?

Тим од одлични луѓе кои се врвни професионалци кои секојдневно решаваат најразлични проблеми без да ја губат смислата за хумор во тој процес.