Евтината тарифа на струјата од 1 декември ќе ја имаат само оние потрошувачи кои имаат „смарт“ броила и оние кои ќе дозволат непречен пристап до броилата за да им се изврши неопходно сетирање на струјомерите, најавија денеска претставници на ЕВН и на Министерството за економија.

Менаџерот на Електродистрибуција Сашо Салтировски денеска изјави дека ЕВН е при крај со подготовките и дека до 1 декември годинава се ќе биде подготвено за воведување евтина дневна тарифа на електричната енергија во периодто од 13 до 15 часот.

До крајот на декември сите достапни броила ќе бидат сетирани. Дел од броилата се т.н. смарт броила, тие ќе ги смениме дури преку ноќ и веќе од 1 декември околу 200.000 корисници ќе имаат веќе сетирани тарифи, а другите би биле во текот на месецот. Многу ќе зависи од потрошувачите и достапноста на броилата, рече Салтировски во одговор на новинарско прашање при денешната посета на министерот за економија Крешник Бектеши на подружницата на ЕВН Македонија во Бутел заедно со директорот на Бирото за метрологија, Авдуљ Сељам Селами.

Тој ги замоли граѓаните да им бидат достапни броилата, за како што рече, да можат нивните читачи да ги прочитаат, бидејќи во текот на читањето се прави сетирањето на броилата.

Сите оние броила што ќе бидат достапни ќе бидат сетирани во текот на декември, а колку вкупно броила ќе бидат сетирани ќе зависи од достапноста на броилата. Сите броила што се достапни ги читаме еднаш месечно и сите тие ќе бидат сетирани, бидејќи тоа оди оптички со еден уред се оди од броило до броило и при читањето софтверот ги сетира како што треба да се сетира, појасни Салтировски.

Нагласи дека во викенд куќи не можеме да се сетира броилото ако куќата е затворена.

Ако луѓето се на работа, а не се дома, а броилото е внатре не можеме да го сетираме. Во Арачиново броилата се надвор и таму со сигурност ќе бидат сетирани затоа што во изминатиов период тој проект е завршен, рече Салтировски.

Министерот Бектеши потсети дека одлуката за воведување на евтина дневна тарифа на електричната енергија ја носи Регулаторната комисија за енергетика (РКЕ) кое е независно тело.

Воведувањето на дневна евтина тарифа е поврзано со производството, со капацитетот на ЕСМ за да произведува струја во тие пикови. Согласно анализите кои се направени одлучивме сите заедно евтина дневна тарифа да биде воведена на 1 декември. Ги повикуваме сите граѓани кои сакаат да имаат евтина дневна тарифа од 1 декември да им дозволат пристап на службите на ЕВН до броилата за да можат да интервенираат. Ако броилото не е достапно тоа ќе биде сетирано од наредниот месец, посочи Бектеши.

Позитивните односи на работното место се составен дел од успехот во кариерата. Кога градите односи на работното место ќе забележите зголемување на продуктивноста и целокупното задоволство од работењето. Односите на работното место се интеракциите што ги имате со вашите колеги. 

Добрите односи на работното место имаат тенденција да ги имаат следниве карактеристики:

• Доверба: 

Способноста да им верувате на своите соработници и чувството дека можете да се потпрете на нив е важна карактеристика кога градите врски на работното место.

• Прифаќање:

Прифаќањето и разбирањето на нивната и вашата улога во односите на работното место е важен елемент.

• Тимска работа: 

Поединците кои работат добро во тимско опкружување, го прават својот фер дел од работата и даваат кредит кога треба, имаат тенденција да за посилни работни односи.

• Отворена комуникација: 

Отворената комуникација е клучна за секоја врска, вклучително и за работното место. Поттикнувањето отворена комуникација, поставување прашања и запознавање со вашите соработници е еден од првите чекори кон градење на позитивни работни односи.

За градење позитивни односи на работното место е потребно време. Секојдневните работни обврки може да го отежнат наоѓањето време за да комуницирате со другите членови на тимот. Со изнаоѓање време за развој на односите, ќе ви биде полесно да комуницирате и да ги запознаете вашите соработници.

Може да поминете  време со нив на ручек, во текот на првите 10 минути од вашиот работен ден или додека ја напуштате канцеларијата на крајот од денот. Можете дури и да ги искористите првите 10 минути од состанокот да биде време кога сите ќе воспоставите контакт едни со други. Покрај тоа, многу работници излегуваат после работното време или  одат на тимски настани што можат да бидат одлични за градење односи на работното место.

Се менуваат 9 члена од законот за издавање на лична карта. Собранието денес го усвои предлогот за измените на законот да се носат по скратена постапка, по што комисиите ќе го разгледуваат и ќе биде ставен на гласање пред пратениците.

Со измените се ревидира членот 8 од законот, при што се предвидува дека доколку граѓанинот го промени живеалиштето или податоците од личната карта во тој случај мора во рок од 15 дена да побараат менување на живеалиштето и издавање нова лична карта, а притоа е потребно граѓанинот да приложи документ со кој ја докажува промената.

За продолжување на личната карта отсега граѓаните кои го смениле живеалиштето во полиција ќе мора да носат и имотен лист, а за промена на други податоци соодветен доказ, предвидуваат измените на Законот за лична карта.

Имено, со постојната состојба голем број на граѓани не ја менуваат личната карта иако смениле живеалиште, се до истекот на важечката лична карта. Со ова се оставаше можност и за избегнување на одредени законски обврски, но и непрецизни евиденции за издадени лични карти, кои се водат од страна на Министерството за внатрешни работи.

Со Законот за личната карта е предвидено дека барањето за издавање на лична карта граѓанинот го поднесува лично во МВР според подрачјето на кое граѓанинот има живеалиште. При практичната примена на законот се утврди потребата да им се овозможи на граѓаните барањето да го поднесат во МВР според местото на престојување. При конципирање на ова решение се имаа предвид сè, интересите на граѓаните, но се имаше за цел и заживување на престојувалиштето, како законска категорија – се вели во предлог-измените на Законот за лична карта.

Понатаму, во законот се додава и решение според кое член од семејството може да поднесе барање за издавање на лична карта за лице не може да го поднесе лично од оправдани здравствени причини и при тоа во прилог на барањето треба да достави документ со кој се докажуваат оправданите здравствени причини заради кои барателот не може да дојде лично.

Се воведува и решение во случај кога бездомник за првпат поднесува барање за издавање на лична карта, земањето податоци за биометриските карактеристики за бездомникот се врши во присуство на службено лице од центарот за социјални работи. За бездомник се смета граѓанин кој нема место и адреса на живеење и средства со кои би можел да ја задоволи потребата од домување.

На граѓанин над 65 години живот му се издава лична карта со трајно важење – се вели во предлог-измените. 

Скопје, 05.09.2023 – Шпаркасе Банка АД Скопје ги известува сите квалификувани студенти, дека вчера започна процесот за подигнување на наменските студентски Visa картички за субвенциониран оброк, како и Vibe on пакетот за млади, во Скопје.

Квалификуваните студенти за субвенциониран студентски оброк, можат да ја подигнат картичката согласно дефинираниот распоред на банката поделен по различни датуми и различни градови низ државата.

Во претстојниот период, сите квалификувани студенти, кои аплицирале за субвенциониран студентски оброк и ги очекуваат следните насоки за да ги подигнат своите картички, ќе добијат навремено SMS известување за точното време и место на подигнување на картичките.

Шпаркасе Банка АД Скопје потсетува за важните чекори, коишто мора да се комплетираат пред да се подигне картичката. Од банката посочуваат за правилото најдоцна 24 часа пред подигнување на студентската Visa картичка, секој квалификуван студент, мора да биде регистриран на активната онлајн платформа на Шпаркасе Банка и да ги ажурира своите податоци, https://netbanking.mk/studentPortal. Со ажурирањето на податоците во склоп на втората фаза, се преминува кон брзо и непречено комплетирање на сите законски процеси со цел издавање на картичката и подигнување на истата.

Шпаркасе Банка, на сите студенти, кои аплицирале за користење на субвенциониран студентски оброк, им овозможува користење на бесплатен Vibe on пакет за млади, којшто вклучува бројни придобивки. Со овој пакет е овозможено бесплатно отворање и одржување на платежна сметка, бесплатно добивање и користење на платежна картичка, бесплатно S-Banka мобилно банкарство преку кое може да се плаќа во движење, да се следи состојбата на сметката, да се подигнуваат средства од АТМ без провизија на сите АТМ-и на ниво во Групацијата, без разлика каде и да се наоѓа студентот. По навршување на 25 години и/или губење на статусот студент, овој бесплатен пакет за млади, автоматски преминува во редовен S-пакет, дел од тековната понуда на банката.

За сите прашања или дополнителни информации, што се поврзани со наменската студентска Visa картичка за субвенциониран студентски оброк, студентите можат да се обратат на [email protected], или на https://sparkasse.mk, како и на телефонскиот број 02/308-7360.

#ВерувајВоИднината