Собранието на Република Северна Македонија на денешната седница ги донесе законите за данокот на солидарност, дополнувањата за законите за додадена вредност и за данок на добивка. Општата расправа за овие законски решенија беше завршена на претходни продолженија на 120. седница.

Пратениците денеска ги прифатија предлозите за избор на Абдулменаф Беџети, Марина Трпевска и Глигор Бишев за нови членови на Фискалниот совет на Република Северна Македонија, а го донесоа и предлог законот за ратификација на спогодбата меѓу Владата на Република Северна Македонија и Советот на министри на Република Албанија зa меѓународен воден транспорт во Oхридското Езеро. Беше изгласан и предлог законот за изменување на Законот за здравствената заштита, по скратена постапка, како и првото читање од предлог на законот за советодавен систем за земјоделството и руралниот развој и предлог одлуката за давање согласност на Статутарната одлука за изменување и дополнување на Статутот на Регулаторната комисија за енергетика и водни услуги на Република Северна Македонија. Собранието ги донесе и финансиските и годишните извештаи на Агенцијата за супервизија на осигурување за 2022 година.

Пратениците денеска почнаа и со 126.пленарна седница на која ја утврдија потребата за донесување по скратена постапка на измените и дополнувањата на Законот за извршување на Буџетот на Република Северна Македонија за 2023 година и за здравствена заштита.

По прифаќањето на дневниот ред по 126. Собраниска седница, пратениците ги прифатија вторите читања од предлог законите за адвокатура, како и изманите за семенски и саден материјал за земјоделски растенија и за семејство.

Народните избраници со работа по 126. седница треба да продолжат по редовната пауза во 15 часот.

MIA

Министерот за економија Крешник Бектеши го објави списокот на прехранбени производи кои согласно одлука на владата треба да поевтинат за 10 отсто од цената по која се продавале на 1 август во трговијата на мало.

Овие производи како што рече Бектеши во маркетите ќе бидат обележани со „гарантирана цена“ до крајот на ноември 2023 година.

Тој соопшти дека листата е утврдена и цените ќе треба да се применат откако таа ќе биде објавена во „Службен весник“.

Леб и пекарски производи, млеко и млечни производи, месо, тестенини и слично, се дел од производите кои ги најави Бектеши.

Бектеши ги повика и производителите и трговците да се искоординираат, бидејќи пазарните инспектори како што рече, ќе издаваат казнени налози со „забрана за вршење дејност“, односно продавниците ќе бидат затворани.

Треба да ги одбележат сите овие производи со натписот „гарантирана цена“, која е објавена на веб-страницата на Министерството за економија и овие производи количински да ги снабдуваат најмалку за 70 отсто во однос на количините од месец август 2023, кажа Бектеши.

Појасни дека продолжуваат преговорите со производителите и дистрибутерите на безалкохолни пијалоци, за намалување на цените и на овие производи.

За оние кои сакаат да манипулираат, како што кажа, најавени се строги контроли и казни. 

Еден од најголемите британски трговски синџири, Marks & Spencer, ги замени пластичните кеси со хартија во обид да го намали неговото влијание врз животната средина.

„Јаката, робусна“ хартиена кеса ќе биде достапна во продавниците за храна M&S, додека „поедноставната“ ќе се нуди во делот за облека, соопштија од компанијата, пренесува „Б92.рс“.

Хартиените кеси можат да издржат тежина од 15 килограми и можат повторно да се користат повеќе од 100 пати.

Природната смола применета за време на производствениот процес ги прави водоотпорни. Тие исто така лесно може да се преклопат во торба или ранец и да се стават во канти за рециклирање во домаќинството.

„Сега имаме решение кое е подобро за животната средина и им помага на клиентите кои сакаат да го намалат нивното влијание врз животната средина“, рече директорката за корпоративни работи на M&S, Викторија Мекензи-Голд.

The new bags also fold easily into a backpack, are water resistant and are expected to be able to be used more than 100 times, according to the retailer https://t.co/T4gJFeqxAO

— Sky News (@SkyNews) September 16, 2023

Бројни прехранбени производи од среда ќе имаат пониски цени за минимум десет проценти и ќе бидат видно означени во маркетите. Назнаката за гарантирана цена ќе стои до нив се до 30 ноември, кога истекува важноста на оваа владина мерка. Ова е своевидна гаранција дека до тој датум цените нема да се менуваат, односно нема да се зголемуваат.

Опфатени се голем број производи – пекарски, млечни, месо…, а листата ќе биде објавена по утрешната седница на Владата, на која ќе се усвои одлуката предложена од ресорното Минстерство, образложи министерот за економија, Крешник Бектеши. Станува збор за артиклите кои најмногу се купуваат од страна на граѓаните, односно списокот е преземен од Државниот завод за статистика.

Сите анализи се направени за поевтинување на производите, а репер за тоа се ценовните нивоа од први август.

Исто така, забранета ќе биде и акциската и промотивната продажба, но не целосно. Тоа ќе биде можно само за артиклите на кои набрзо им истекува рокот на траење, но и ова ќе се допрецизира утре.

Воедно, преку Бектеши, Владата ги повика компаниите до среда сами да предложат цени на артиклите кои би се намалиле за 10%.