Овој месец, октомври, имаме два неработни денови. 

Во согласност со Законот за празниците на Република Македонија неработни се 11. октомври (среда), Ден на народното востание и 23. октомври (понеделник), Ден на Македонската револуционерна борба.

„Луѓето се многу поздрави отколку што беа порано и мислам дека возраста за пензионирање треба да се зголеми“, рече Лорд Дејвид Фрост.

Лордот Дејвид Фрост, истакнат член на ториевците, предложи да се зголеми старосната граница за пензионирање на 75 години за да се намали јавната потрошувачка.

Повикувајќи ги министрите да ги намалат јавните трошоци и даноците и да се движат кон раст, тој призна дека за тоа ќе бидат потребни промени во државните пензии, пишува Дејли Мејл.

„Верувам дека е искрена вистина дека старосната граница за пензионирање ќе мора многу да се зголеми за да се реши проблемот со намалувањето на јавната потрошувачка. Тоа ми се чини дека е најдобриот начин да се излезе од ова на среден рок“, рече Фрост.

На прашањето дали старосната граница за пензионирање треба да се помести на 70 години, тој сепак предложи 75 години.

„Луѓето се многу поздрави отколку што беа порано, и мислам дека возраста за пензионирање треба да се зголеми. Големите блокови на трошење се здравството, пензиите и бенефициите. тој рече.

Возраста за пензионирање во Британија моментално е 66 години. Министрите во март ја одложија одлуката за отпочнување на зголемување на старосната граница за пензија.
 

Ризикот германската економија повторно да западне во рецесија во третиот квартал е сè уште висок. 

Германскиот извоз се намали за 1,2 отсто во август во однос на претходниот месец, покажуваат податоците на федералната агенција за статистика „Дестатис“.

Извозот во август изнесува 127,9 милијарди евра, што претставува намалување од 5,8 отсто во однос на лани. 

Увозот е намален 0,4 отсто во однос на претходниот месец и изнесува 111,4 милијарди евра. Трговскиот суфицит на земјата порасна скромно, на 16,6 милијарди евра.

Сепак, извозното салдо за осумте месеци од 2023 година беше позитивно, при што вредноста на извезените стоки се зголеми 1,7 отсто, на 1,05 трилион евра. Германската надворешна трговија минатата година постигна рекорден номинален резултат делумно поради растот на цените.

Економистот на ИНГ банка, Карстен Брзески, за АФП изјави дека, како и остатокот од германската економија, извозот е во зоната помеѓу рецесијата и стагнацијата.

Додека траеше пандемијата, Германија влезе во рецесија. 

foto freepik.com/vitalii_petrushenko

Замрзнатите теста, млечни и сирни намази, сирење и урда, зденка, пармезан, ајдемер и гауда кашкавал, павлака за готвење, растителните сирења и намази ќе бидат дополнително оданочени. Повластена даночна стапка од 5 отсто повеќе ќе нема и за лутеницата, цвеклото, фефероните, мајонезот, сите видови апетисани, компоти, конзервирана храна, полнети макарони, тортиљи и нудли. Од листата со повластена стапка отпаѓаат и храната за децата, како гризот, овесните снегулки, муслите, сладоледот, еурокремот, сите видиви бонбони, чипсот, сите чаеви, тропското овошје, сите видови сушено овошје, сусамот, сончогледот, инстант кафињата, наполитанките, црниот бибер, мастиките, најголем дел од зачините...

Вицепремиерот за економски прашања Фатмир Битиќи се согласува дека млечен премаз со висока масленост од овчо млеко треба да биде несекојдневен и треба да има стапка од 10 осто. Но, тој вели дека има простор јасно да се каже за кои продукти станува збор.

Тој денеска рече дека може да е пропуст и дека за десетина производи нема проблем да се направи измена.

Чипсот, гумите за џвакање, сладоледот, според Битиќи, спаѓаат во категоријата на нездрави производи затоа што има повисока шеќерна вредност и не смета дека тоа се основни прехранбени производи.

За цвеклото како здрава храна со ДДВ од 10 посто, Битиќи додаде дека ќе се ревидира. Не е вистина дека има зголемување на цената на над илјада производи, опфатени се 358 категории на производи, додаде тој.

Маркетите треба да започнат од денеска да ги менуваат цените од производите. Веќе во вторник имаме закажано седница на влада и може да се ревидира одлуката. Не гледам голем проблем за корекција на десетина производи, кажа Битиќи.