Wizz Air, најголемата авиокомпанија во Северна Македонија и еколошки најодржлива авиокомпанија на глобално ниво**, денеска објави дека ќе започне нова линија од Скопје до Салцбург, Австрија. Планирано e да започне во април 2024 година, преку целата година ќе се изведува три пати неделно во понеделник, среда и петок. Билетите се веќе достапни на wizzair.com или на мобилната апликација на Wizz Air.

Салцбург е прекрасен град, сместен на австриските Алпи во близина на австриско-германската граница, познат по своите прекрасни пејзажи, историја и култура. Со мешавина од шарм на стариот свет и модерни вибрации, тој е идеална дестинација за пешачење, скијање или едноставно разгледување на прекрасните планински предели, Салцбург има се.

Посетителите можат да го истражуваат волшебниот Стар град, живописната река Залцах и величествените Алпи во позадина.

Културната таписерија на Салцбург е богата и разновидна. Од застрашувачката тврдина Хоензалцбург која има поглед кон градот до елегантната палата Мирабел и катедралата во Салцбург што инспирира стравопочит, нема недостиг од историски знаменитости и културни богатства.

Патниците се охрабруваат да ги резервираат своите билети рано за да ги искористат предностите на ниските цени за да го направат нивното патување до Салцбург уште попријатно. 

“Со задоволство воведуваме нова рута до Салцбург од Скопје. Северна Македонија има значајно место во огромната мрежа на Wizz Air и ние сме горди што сме лидер на пазарот во земјата. Wizz Air останува посветен да им нуди на своите патници извонредни рути и можности за патување со ниски цени за да ги истражуваат атрактивните дестинации во Европа и пошироко”, - изјави Тамара Никифорова, менаџер за корпоративни комуникации во Wizz Air.

*Цена во еден правец со вклучена административна такса. Вклучена е една рачна торба.

Тимот на KARIERA.mk денес го прославува својот 7-ми роденден!

KARIERA.mk е приказна за еден млад и ентузијастичен тим кој во последните 7 години работи на одлични проекти кои помагаат на општеството. Главната цел на нашето постоење е полесно интегрирање на луѓето на пазарот на труд со што истовремено успеваме да ги зацврстимe и збогатуваме тимовите на преку 5.700 компании клиенти од државата и регионот. 

Седмата година од постоењето на KARIERA.mk ја одбележавме со почеток на еден голем и доста значаен проект во јануари 2023та кој го нарековме Kariera events, преку кој во текот на годината беа организирани повеќе настани и работилници за подобрување на вештините и знаењата на вработените од голем број на одлични компании од државата. Настаните беа во целосна организација на KARIERA.mk а спикерите беа странски експерти од компании како Google, Adidas, DHL и Nike.

За нас оваа година засекогаш ќе остане запаметена по успешните работилници во полето на маркетингот и човечките ресури, на кои успеавме да имаме над 250 учесници од преку 90 компании од државата.

Ви прикажуваме неколку интересни факти за огласите од последнава година:

Најмногу огласи оваа година имало за продавачи, комерцијалисти, програмери, возачи и кувари, додека најголем интерес имало за огласи за административни работници.

Најмногу огласи објавени во 2023та биле за локација Скопје и за позицијата ПРОДАВАЧ.

KARIERA.mk во осмата година планира да се фокусира кон имплементација на AI алатки во системот на работа и да продолжи да гo следи светскиот ритам на иновации како и досега. 

Благодариме на довербата која постојано ја добиваме од македонските и странските компании, како и на заедницата од преку 186.000 корисници на нашата мрежа.

Во новата година очекувајте многу новитети, настани и супер енергија!

KARIERA.mk, 7 години посветена работа, автентичност и љубов! 

Струјата нема да поскапи, ниту по 1 јануари, рече денеска министерот за економија. Според него, Регулаторната комисија за енергетика (РКЕ) ќе може да интервенира во цената, ако се утврди дека пресметките не се направени како што треба.

Бектеши информира дека постапката за избор е почната и кон почетокот на наредната година ќе има нов универзален снабдувач.

Никако нема да има повисока цена на струјата, имајќи предевид дека тоа е предвидено со Законот за енергетика. РКЕ согласно законското решение има обврска да направи надзор и да утврди дали се пресметките направени како што треба. Со последните измени на Законот за енергетика граѓаните знаат дека воведовме универзален снабдувач на кој рокот му истекува наредната година, а постапката за избор на нов е почната. Кон почетокот на наредната година ќе имаме нов универзален снабдувач, се надеваме ќе бидат со пониски маржи согласно конкуренцијата што ја имаме. Истиот тарифен систем ќе биде од 1 јануари, а надзор прави РКЕ.

Согласно став 5 од членот 10 ќе има право РКЕ да интервенира во цената, ако се утврди дека пресметките не се направени како што треба. Кога зборувваме за монопол, ние сами сме одлучиле да имаме регулирана цена во делот на електричната енергија со цел да ги заштитиме домаќинствата и малите потрошувачи. Спротивното ќе беше да одиме на берза и да имаме пазарни цени кои моментно се двојно повисоки од цената што ја нуди ЕСМ, истакна Бектеши, одговорајќи на новинарски прашања.

Како што изјави Бектеши по Самитот за женско претприемништво, моментно се прават анализи од РКЕ и надлежните институции, во делот на блоковите.

Не, цената на електричната енергија нема да се зголеми, ниту во блоковите, ниту во целина. Моментно се прават анализи од РКЕ и надлежните институции, во делот на блоковите зашто сакаме што повеќе да ги заштитме ранливите категории граѓани, нагласи Бектеши.

Според центарот за податоци на Организацијата за безбедност и соработка во Европа (ОБСЕ), највисока плата во Европа во просек се заработува во Лихтенштајн. Станува збор за податоците за целата 2022 година, а не за просечната заработка за последниот месец, која е генерално поголема.

Работата во оваа мала земја меѓу Швајцарија и Австрија, која има помалку од 40.000 луѓе, вреди 7.046 евра месечно.

Лихтенштајн има силен финансиски сектор кој е најодговорен за неговиот висок стандард. Пред сè, станува збор за ниските стапки на корпоративниот данок на доход, кои се приближно двојно пониски од европскиот просек, поради што илјадници компании имаат седиште во Лихтенштајн, често во форма на обично поштенско сандаче. Сепак, оваа земја не е на списокот на земји означени како даночни оази. Друг извор на приход за оваа алпска земја е туризмот, пред се во зима.

Зад Лихтенштајн е уште една алпска земја - Швајцарија со просечна плата од 5.522 евра. Како и Лихтенштајн, Швајцарија има пониски даночни стапки и развиен зимски туризам, но Швајцарија исто така го има најсилниот туристички сектор во светот и степен на приватност за клиентите што го има ниту една друга земја.

На трето место е Данска со 4.149 евра, потоа Луксембург со 3.699, Норвешка 3.386, Исланд 3.377 евра и Сан Марино 3.237, додека Ирска е последна земја на листата со просечна плата поголема од 3.000 евра и изнесува 3.086.

Во најголемата земја и најсилната економија на Европската унија, Германија, просечната плата е 2.831 евро.

Во земјите кои произлегоа од Југославија, највисоката плата е 1.442 евра во Словенија. Следат Хрватска со 1.163, Црна Гора (800), Србија (714), Босна и Херцеговина (652) и Северна Македонија (557).

Помеѓу останатите земји во регионот, Романија предничи со 924 евра, потоа Бугарија со 822 и Албанија со 507. На дното на Европа се земјите во кои претежно се водат војни или безбедносната и политичката ситуација е нестабилна, така што во Украина е 306 евра. Во Белорусија е 483, додека просечната плата во Русија е 588 евра.