На секој возач со добра километража му се има случено ваква ситуација, кога ќе започнете да претекнувате камион на испрекината линија, но додека да го претекнете, почнува полната линија, но возачот не знае за тоа, затоа што знакот е покриен од камионот, како што е прикажано на сликите.

И како што обично се случува, после ваква ситуација секогаш наидувате на полицаец кој ве запира и сака да ве казни. Но, дали во случајов има прекршување на правилата, бидејќи возачот не знаел и не можел да знае дека почнува полна линија? Од правна гледна точка, за вакво претекнување возачот не треба да биде казнет.

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Тарифен систем за продажба на електрична енергија на потрошувачите кои ги снабдува универзалниот снабдувач и снабдувачот во краен случај со кој се утврдува дека евтината дневна тарифа стартува од 1 декември 2023 година во периодот од 13 часот до 15 часот.

Со воведување на дневната евтина тарифа домаќинствата ќе имаат на располагање вкупно 11 часа евтина електрична енергија во текот на едно деноноќие од понеделник до сабота и 24 часа во ден недела. РКЕ по направените анализи оцени дека се создадени услови домаќинствата да користат дополнителни часови во коишто надоместокот за потрошената електрична енергија ќе се пресметува по евтина тарифа. Податоците укажуваат дека инвестицискиот циклусот во обновливи извори на енергија го зголеми производството на електрична енергија со што директно се влијаеше врз намалување на цената преку ден – изјави Марко Бислимоски, претседател на РКЕ.

Подзаконските акти што ги донесе РКЕ утврдуваат и нови рокови според кои енергетските компании од следната година ќе треба да ги достават своите барања најдоцна до 30 септември, а одлуките за новите тарифи ќе бидат соопштени најдоцна до 30 ноември и истите ќе бидат на сила од следната година.

Од 1 декември домаќинствата ќе имаат ниска тарифа за електрична енергија од 13 часот до 15 часот и од 22 часот до 7 часот секој ден, како и цел ден недела. Тоа значи дека вработените, кои преку ден не се дома, нема да можат да ја користат евтината струја.

Падот на потрошувачката и слабеењето на светската економија ја доведоа германската економија во застој.

Бруто домашниот производ во третиот квартал падна за 0,1 отсто во однос на претходниот, објави во петокот Федералното биро за статистика.

Минусот е забележан во третиот квартал земајќи ги предвид ценовните, сезонските и календарските ефекти. Институтот сега ги потврди своите прелиминарни проценки.

Невообичаено високата инфлација сè уште ги оптоварува потрошувачите кои можат да купат помалку за своите пари. Многумина ги намалија трошоците. Годишната инфлација во октомври изнесува 3,8 отсто, по 4,5 во септември и 6,1 во август. Цените на храната силно пораснаа и во октомври.

Во исто време, германската економија, која е нормално извозно ориентирана, го чувствува забавувањето на глобалната економија. Извозот, кој е мотор за раст на германската економија, падна во текот на летото. Извезени се вкупно 0,8 отсто помалку стоки и услуги во однос на вториот квартал.

За падот придонесоа и зголемените каматни стапки, кои ја намалуваат побарувачката, меѓу другото во градежниот сектор. Од друга страна, податоците покажуваат дека економијата добила поттик од инвестициите на автомобилската и машинската индустрија.

Централната банка на Германија, Бундесбанк, очекува дека домашната економија ќе се бори да излезе од слабата фаза во која се наоѓа откако Русија ја започна војната во Украина. Во четвртиот квартал, БДП би можел повторно малку да потоне.

Економистите и владата очекуваат дека најголемата европска економија ќе биде во рецесија цела година, пред да почне повторно да расте во 2024 година.

БДП покажува колку добро или слабо се развива економијата на една земја. Се брои се што се произведува во одреден период. Вредноста на услугите и потрошувачката на населението, како и инвестициите на компаниите - на пример во машини - исто така се вклучени во пресметката.

Најголемата ставка е приватната потрошувачка. Втората компонента е трговскиот биланс – разликата помеѓу вредноста на извозот и увозот.

И Норвешка во рецесија

И Норвешката економија се намали и во третиот квартал и влезе во рецесија, при што странската побарувачка за гас заостанува, покажаа статистичките податоци.

Норвешкиот БДП во периодот од јули до септември е намален за 0,5 отсто во однос на претходните три месеци кога забележа ист процентуален пад.

Во првите три месеци од годинава бележи раст од 0,2 отсто. Тоа би значело дека Норвешка влезе во рецесија во третиот квартал, што се дефинира како пад на активноста два квартали по ред.

Без секторот и опремата за нафта и гас, БДП во периодот од јули до септември бележи пораст од 0,1 отсто во однос на претходните три месеци, кога стагнираше. На почетокот на годината е зголемен за 0,1 отсто. Потрошувачката на домаќинствата е зголемена за 0,5 отсто, поддржана од купувањето стоки во странство и услугите поврзани со туризмот.

Државните трошоци се зголемени за 0,9 отсто, поддржани од трошоците за одбрана. Бруто инвестициите на компаниите во фиксен капитал се намалени за 2,1 отсто, што е одраз на остриот пад на трошоците за океански транспорт.

Во Србија просечната плата во септември изнесувала 735 евра, а половина од вработените зеле помалку од 560 евра.

Просечната нето плата во септември 2023 година била 85.066 динари (735 евра), објави Републичкиот завод за статистика (РЗС). Половина од вработените во Србија работеле за помалку од 65.727 динари (560 евра), колку што е просечната плата, јави дописникот на МИА од Белград. 

Просечната исплатена нето-плата за септември годинава во Хрватска изнесувала 1.156 евра, што е за 144 евра повисока од ланскиот септември.

foto freepik.com/Evgenymedia