KARIERA.mk и оваа година е поддржувач на настанот Жени претприемачки - „Жена на годината“ кој се оддржа вчера во „Музејот на македонската борба“  – Скопје.

Со многу позитивна енергија вчера, во „Музејот на македонската борба“ во Скопје, се одржа прогласувањето на победничките во македонскиот избор на „Жена на годината 2023”

Овогодишни победнички во сите категории од изборот „Жена на годината 2023“:

Жена на годината – Бисера Чадловска
Жена со трајни вредности – Наде Молеровиќ
Жена менаџер на годината – Тања Милисковиќ
Жена со најголеми достигнувања во науката и технологијата – Стефанија Зип
Млада жена менаџер на годината (до 40 години) – Катерина Трајчевска
Жена со најголеми достигнувања во културата – Наташа Поповиќ
Жена со најголеми достигнувања во спортот – Мери Акиевска
Жена со најголеми достигнувања за општеството – Сибел Бајрам
Жена со најдобар стил – Татјана Алексиќ
Инфлуенсерка на годината – Мери Бајрамовска

Целта на самиот избор е да се оддаде признание на жените кои со својот професионален и општествен ангажман континуирано поставуваат високи стандарди како деловно така и општествено и се вистински херои кои неуморно се борат при остварување на своите цели изминатата година.

Дел од македонските пензионери од крајот на овој и во наредните четири месеци, од државата ќе добијат дополнителна финансиска помош од државата. 

Оние со најмали пензии, ќе добиваат по 3.000 денари месечно или вкупно 15.000 денари, преку помошта која е дел од деветтиот пакет антикризни мерки. 

Дел од здруженијата на пензионери со месеци организираат протести барајќи линеарно зголемување на пензиите за 5.000 денари за секој еден пензионер. 

Водејќи се од нивните барања, опозициската ВМРО-ДПМНЕ веќе „истрча“ во јавноста со идентичен предлог што според нив, ќе се нашол во Програмата за работа на следната влада што тие би ја предводеле. 

Но само неколку денови подоцна, потпретседателката на партијата Гордана Димитриевска Кочовска се пишмани, па во јавноста кажа дека тоа не значи дека тие 5.000 денари ќе биле исплатени одеднаш, додавајќи дека тоа можело да биде и по 500 денари месечно, по 10 месеци, со што се оддава впечаток дека ВМРО-ДПМНЕ и нема баш најјасна слика околу состојбата со пензискиот фонд. 

Од друга страна, владејачката СДСМ смета дека усогласувањето на пензиите два пати годишно како збир од 50% од растот на трошоците за живот и растот на платите, дава резултат и дека благодарение на тоа, за шест години просечната пензија е зголемена за 40 проценти. 

Просечната пензија во Македонија денес изнесува 20.100 денари односно 326 евра, и е за симболични 75 денари пониска од минималната плата, додека просечната плата е 37.876 денари или 615 евра.

Во Србија се работи повеќе, за да се добие иста пензија како во Македонија

Како дел од антикризните мерки, Владата на Србија неодамна им исплати на пензионерите еднократна помош од 10.000 динари или нешто помалку од 100 евра (1 евра = 116,82 динари)

Но од први јануари следната година жените во Србија ќе треба да работат плуд два месеци односно да наполнат возраст од 63 години и осум месеци за да можат да стекнат старосна пензија, при тоа секако мора да имаат минимален работен стаж од 15 години. 

Во Македонија жените во пензија одат со навршени 62 години возраст. 

Во соседна Србија и мажите мора да работат повеќе отколку во Македонија за да остварат право на пензија. Во Србија, мажите се пензионираат со наврешни 65 години возраст, додека кај нас, за пензионирање се потребни 64 години возраст за мажи.

Но иако работеле повеќе, на крајот српските пензионери не земаат драстично повисоки пензии од нивните македонски „колеги“.

Просечната пензија во Србија исплатена во октомври изнесувала 39.874 динари односно 341 евро или само 15 евра повеќе од македонската просечна пензија. 

И таму просечната пензија е речиси идентична со минималната плата, но во Србија, споредено со Македонија, има поголема разлика кога ќе се споредат просечната пензија и просечната плата. 

Во Србија просечната плата е 728 евра, што е за 2,13 пати повеќе во однос на просечната пензија, додека во Македонија тој однос е 1,88.

Како е во Хрватска?

Во Хрватска, земја членка на ЕУ, просечната пензија е 478,88 евра и е за речиси за два и пол пати пониска од просечната плата која изнесува 1.156 евра, а драстична е разликата и со мининалната плата која изнесува околу 725 евра. 

Повеќе од 11.000 македонски државјани аплицирале за бугарски пасош од 2020 до ноември 2023 година. 

Има двојно зголемување на барањата за добивање бугарско државјанство во последните 3 години, покажуваат податоците на бугарското Министерство за правда.

Во 2020 година се поднесени 11.447 барања, во 2021 година – 20.094, а лани 20.825. Само годинава до 24 ноември се поднесени 23.439 барања. Во овој период се поднесени вкупно 75.805 барања за државјанство, објави бугарски „БГНЕС“. Најмногу барање поднеле македонски државјани.

„Во 2020 година бројот на македонски државјани кои поднеле барање за добивање на бугарско државјанство бил 2.551, во 2021 година – 3.428, во 2022 година – 2.051, а од почетокот на оваа година до 24 ноември овој број изнесува 2.990 лица“, стои во објавениот текст на бугарскиот медиум.

На второ место се Украинците. Најголем скок има кај граѓаните на Турција кои аплицирале за бугарско државјанство. Македонските граѓани од економски причини бараат бугарски пасоши, со цел да заминат да работат на Запад. Бугарија често говори за 120.000 Бугари во земјава, односно за Македонците со бугарски пасоши. 

Кога Меркур е ретрограден во Јарец, може да има комуникациски предизвици. Може да забележите дека е потешко да ги изразите своите мисли или дека има недоразбирања кога комуницирате со другите. Исто така, може да има одложувања или проблеми со планирањето на проекти. Јарецот ја нагласува потребата од структура и организација, па ова може да биде време кога е важно внимателно да планирате и да ги проверите деталите.

Ретроградниот Меркур во Јарец, исто така, може да ве поттикне да погледнете наназад и да ги преиспитате вашите долгорочни цели, деловни планови или односи.

Важно е да имате трпение и флексибилност во овој период бидејќи ретроградниот Меркур обично носи предизвици, но и можност за интроспекција и подобрување на начинот на кој комуницираме и планираме.

Овој ретрограден Меркур најмногу ќе влијае на Јарците, Вагите, Раковите и Овенот. Исто така, Девиците ќе бидат целосно обожавани бидејќи оваа планета е нивниот владетел.

ЈАРЕЦ

Како знак кој сè планира и сè завршува на време, тешко ќе го поднесете влијанието на ретроградниот Меркур бидејќи по Нова година ќе мора да оставите одредени планови зад себе. Ретроградниот Меркур ви носи одложување на деловните планови и патувања.

ВАГА

Ретроградниот Меркур ќе го погоди вашиот дом и семеен сектор. Затоа подгответе се за неповолни решенија во однос на станот, а исто така не е поволен период од годината за инвестирање во недвижности и промена на кариерата.

РАК

Ретро Меркур ви носи криза во бракот или деловното партнерство. Ќе имате проблеми во комуникацијата кои ќе станат поизразени кон крајот на годината.

ОВЕН

Сите планови за кариера, како и вашите амбиции, лесно можат да паднат во вода бидејќи ќе бидат возможни дури во втората половина на јануари 2024 година.