Авиокомпанијата „Виз Ер“ од средината на јануари до средината на март ќе го намали капацитетот на својата мрежа и тоа ќе резултира со времен прекин на два лета од Скопје. 

Како што информира порталот Еxyuavation прекинот на летовите е поради глобалниот проблем со моторите произведени од „Прет и Витни“. Ова ќе резултира со привремен прекин на три линии во текот на двомесечниот период, вклучувајќи ги Скопје – Луксембург, Скопје – Болоња и Дортмунд – Ниш.

Добавувачот на воздухопловната и матична компанија на „Прет и Витни“, „Ер-Ти-Икс“ врши контрола на квалитетот на моторите инсталирани во стотици авиони ширум светот, кои треба да се отстранат и испитаат.

Компанијата продолжува да презема активности за да го ублажи секое финансиско и оперативно влијание и ќе бара финансиска компензација од „Прет и Витни“, соопштија од „Виз Ер“.

„Визер“ планира привремено да премести два од шесте скопски авиони од средината на јануари до средината на март. Ова ќе резултира со привремен прекин на авиолиниите. Дополнително, над триесет неделни летови се отстранети од скопска мрежа. Услугите за Базел и Меминген ќе ги имаат најголемите намалувања на фреквенцијата. Во Белград, буџетската авиокомпанија планира да ја одржи целата своја мрежа, но ќе отстрани над петнаесет неделни летови, при што еден од четирите авиони ќе биде преместен на два месеци.

Авиолинијата Скопје-Луксембург беше воведена на 1 ноември 2023 година.

Благо падна вредноста на доларот. Еврото ја зголеми својата вредноста за 0,03 отсто на 1,1024 долари. Тоа е не многу далеку од петмесечниот врв од 1,1040 долари достигнат минатата недела. 

Во однос на доларот, новозеландскиот долар достигна нов петмесечен врв од 0,6325 долари, а австралискиот долар се тргуваше за 0,6817 долари.

Во Азија, јенот порасна за 0,1 отсто на 142,25 за долар. Вредноста на доларот се обидуваше да се стабилизира денеска во екот на ослабената трговија поради божиќните празници.

foto freepik.com

Потрошувачката на електрична енергија од електричните автомобили и камионите во Европа најверојатно ќе се зголеми на 355 терават часови до 2040 година, од 16 терават часови во моментов, според студијата објавена во четвртокот.

Тоа одговара на дополнителна побарувачка од 13 отсто од вкупната електрична енергија произведена во Европската унија денес, се вели во студијата на консултантската компанија "PwC", која ги направила пресметките заедно со Институтот за системи за истражување и иновации Фраунхофер.

Десет терават часови одговараат на годишната побарувачка на околу 500.000 домаќинства со годишна потрошувачка од по 20.000 киловат часови.

До 2040 година, сите новорегистрирани автомобили и камиони во ЕУ се очекува да бидат електрични возила со батерии или да се напојуваат со водород. Се очекува дека дотогаш 70 отсто од автомобилите и 65 отсто од камионите на патиштата сепак ќе користат бензин или дизел како гориво.

Затоа, ќе помине доста време пред да видиме претежно електрични возила во возниот парк и пред тие да ги отстранат моторите со внатрешно согорување од фокусот на јавноста, вели експертот за индустријата на "PwC", Филип Роуз.

Сепак, бидејќи сопствениците на постари возила имаат тенденција да ги возат своите автомобили помалку од оние со понови возила, директните емисии на јаглерод диоксид (CO2) на патиштата веројатно ќе се преполоват до 2040 година.

Плаќањето на сметката за електрична енергија е значаен дел од скоро секој домашен буџет, но експерите укажуваат дека има начини да се намал овој трошок.

Потврда дека ова е „голем залак“ за многу семејства е што начини за намалување на трошоците за струја барале заедно Министерството за рударство и енергетика во соседна србија во соработка со проектот на УСАИД „Подобра енергија“. Еве ги нивните совети за заштеда на енергија и пари.

Избор на Телевизор и компјутер

Кога станува збор за телевизорите, се препорачува ЛЦД наместо плазма екрани поради ефикасност и подолг животен век. Исто така, купувањето на лаптоп наместо класичен компјутер може да ја намали потрошувачката на енергија, бидејќи лаптопот најмногу се напојува од батерија. Важно е да се напомене дека користењето на скрин сејвер не заштедува енергија, па затоа се препорачува да го исклучите мониторот ако компјутерот нема да се користи долго време.

Заштеди во кујната

Можете исто така да ја намалите потрошувачката на електрична енергија во кујната. Се препорачува големината на садот точно да одговара на ринглата или на пламенот на горилникот на гас, за ефикасно да се користи енергијата. Исто така, редовното одмрзнување на фрижидерот може да ја намали потрошувачката на енергија, како и приготвувањето оброци неколку дена за да се намали честотата на користење на шпоретот.

Машина за перење

При користење на машината за перење се препорачува да се вклучува само кога е полна, како и перење алишта на пониски температури. Ова не само што заштедува енергија, туку и го продолжува животниот век на облеката.

Заштеда на осветлување

Едноставен начин за намалување на потрошувачката на енергија е да ги исклучите светлата кога ја напуштате просторијата. Исто така, заменувањето на обичните светилки со неонски светилки може да ја намали потрошувачката за една третина, со подолг век на траење на сијалиците.

Исклучете ги електричните апарати

Кога подолго време излегувате од дома, се препорачува целосно исклучување на телевизорот, компјутерот и другите електрични уреди за да се избегне непотребната потрошувачка на енергија.

Со примена на овие совети, секое домаќинство може да ги намали трошоците за електрична енергија и да придонесе за зачувување на животната средина.