Цените на становите во Скопје во четвртиот квартал од 2023 година се зголемиле за седум проценти во однос на истиот период од претходната година, а за еден процент споредено со третиот квартал, покажува индексот на цени на станови на Народната банка. 

Најновите податоци за цените на становите се продолжение на намалувањето на растот што се бележи од почетокот на минатата година. 

Во првиот квартал  лани цените на становите бележаат раст од 18,8 проценти на годишно ниво, односно од 1,3 отсто на квартално ниво. Во второто тримесечие од минатата година растот на годишно ниво изнесуваше 12,9 отсто, а на квартално 1,6 отсто. Намалувањето на цените продолжи и во третиот квартал кога растот на годишно ниво беше 11 проценти, а во однос на претходниот квартал 2,9 проценти. 

Претходната 2022 година, пак имаше нагорен тренд, во првиот квартал становите поскапеа за 12,4 отсто  на годишно ниво, по што следеше раст од 16,6 отсто во вториот квартал, од 21,2 отсто во третиот и од 20,6 проценти во четвртиот квартал.

Народната банка го подготвува индексот на цените на становите за територија на Скопје, врз основа на податоци коишто се однесуваат на огласите за продажба објавени од агенциите кои се занимаваат со прометот со недвижности. 

Според последните податоци на Државниот завод за статистика за издадени одобренија за градење за октомври 2023, во Скопскиот регион е предвидена изградба на 323 нови станови, од кои 194 во Општина Гази Баба, 53 во Центар, 51 во Петровец... Во 2023 година во јануари била предвидена изградба на 183 станови, во февруари 892, во март 97, во април 89, во мај 76, во јуни 217, во јули 73, во август 527, а во септември 216 станови. 

МИА

Владата на седница ќе ја разгледува можноста за пролонгирање на рокот за вадење нови патни исправи со Северна во името на државата, како што предлага претседателот на државата Стево Пендаровски. Премиерот Димитар Ковачевски вели дека ќе се консултира со двајцата министри со кои разговарал претседателот Пендаровски околу можноста за законски измени во меѓународниот договор, но посочи и дека и претседателот може да помогне во процесот.

За мене се добри сите предлози кои што можат да унапредат нешто. Верувам дека и претседателот може да се чуе со претседателката на Грција бидејќи сепак и тоа е нивото на кое може да се комуницира. Ќе поразговараме на седница на Влада во однос на можноста ова да се направи. Претседателот најдобро знае бидејќи тој беше вклучен во подготовката на Преспанскиот договор, при зачленувањето во НАТО, беше координатор за НАТО, веројатно има повеќе детали како би можело тоа да се реши на меѓународно ниво со Грција, и зошто да не, рече премиерот Ковачевски на денешното свечено отворање на новата поликлиника во Сарај.

Ковачевски нагласи дека обврската за нови документи произлегува меѓународен договор кој овозможи да станеме членка на НАТО,  таа обврска е законски регулирана во Собранието и на сите им е добро позната во текот на изминатите години. Владата овозможила олеснување на процесот за вадење нови документи со дополнителните пунктови кои ги отвори МВР, но очигледно е за Ковачевски дека нивниот број треба да се зголеми.

Еве претседателот Пендаровски што има предлог, да видиме дали може да бидат направени тие законски измени бидејќи да направите законски измени без согласности на сите кои се потпишани, а се работи за меѓународни документи, не би било така едноставно и прашање е колку би било применливо. Еве сега сепак ќе пробаме се, вели премиерот Ковачевски.

Претседателот Пендаровски вчера во телевизиско интервју на „Сител“ посочи дека законскиот рок 12 февруари за вадење на новите документи со законски измени за еден ден може да се смени и да се пролонгира до септември поради големиот метеж на пунктовите. 

Надградбата на вашето CV може да биде важен чекор во напредокот на вашиот кариерен пат.

Еве неколку совети за правилно надградување на вашето CV:

• Лични податоци и контакти:

Осигурајте се дека ги вклучувате вашите најнови податоци за контакт, вклучувајќи е-пошта, телефон и LinkedIn профил.

• Цел на кариера:

Имплементирајте кратка и конкретна цел на кариера. Ова треба да биде јасно искажано што вие постојано барате во вашиот професионален развој.

• Образование:

Вклучете сите релевантни дипломи, сертификати и обуки што ги имате, со акцент на новите постигнувања.

• Работно искуство:

Обновете ги информациите за вашето последно работно искуство. Вклучете специфични постигнувања и одговорности.

• Вештини:

Истакнете ги вашите најсилни вештини, вклучувајќи технички, меки и јазични вештини. Ова може да биде клучен дел за работодавачите да ве разгледаат.

• Дополнителни деловни активности:

Вклучете ги било каквите дополнителни деловни активности, како волонтирање, конференции, обуки или членства во професионални организации.

• Проекти и постигнувања:

Додадете ги специфични проекти или постигнувања кои илустрираат вашиот професионален успех.

• Препораки:

Доколку имате добри препораки, вклучете ги во вашето CV. Овие препораки можат да бидат од колеги, надредени или бизнис партнери.

• Ажурирање на форматот:

Разгледајте го форматот на вашиот CV и обновете го според последните трендови. Осигурајте се дека CV-то е лесно читливо и привлечно.

• Прилагодете го CV-то за конкретни работни позиции:

Секогаш прилагодете го вашето CV според барањата на конкретната работна позиција. Истакнете ги аспектите на вашиот профил што најдобро одговараат на потребите на работодавачот.

Секако, зависи од вашиот професионален контекст и постапувањето со одредени совети може да биде прилагодено според вашиот случај.

Нагорен тренд на дигиталните плаќања во третиот квартал од минатата година, бележи Народната банка. Ваквиот тренд е особено забележлив кај граѓаните кои ги користат и платежните картички и мобилните апликации за електронско иницирање на кредитните трансфери, т.н. платни налози.

Според податоците на централната банка, годишниот раст на употребата на платежни картички за готовински трансакции и за плаќање производи и услуги од страна на граѓаните во третиот квартал во споредба со истиот период 2022 година изнесува 12,8 проценти кај бројот и 10 проценти кај вредноста на овие трансакции.

Притоа, значителен годишен раст од 15,1 процент е забележан кај употребата на картичките за плаќање производи и услуги во земјата,  којшто пред сѐ се должи на посилниот раст на плаќањата на физичките места на продажба од 15,9 проценти, но и солиден раст од 9 проценти на плаќањата на виртуелните (интернет) продажни места, се посочува во соопштението од Народната банка.

Плаќањата на граѓаните со т.н. платни налози во истиот период бележи годишен раст од 9,3 проценти кај вредноста и пет проценти кај бројот на остварени трансакции. Имено, бројот на електронски иницираните платни налози во третиот квартал од 2023 година бележи годишен раст од 16,1 процент, што е повеќе за 10,8 п.п. од годишниот раст во третиот квартал од 2022 година (5,3 проценти). Во споредба со истиот период од 2022 година, се забележува позитивен нагорен тренд особено кај употребата на апликациите на мобилните телефони, или годишен раст од 19,5 проценти, како и кај употребата на компјутерите за извршување на плаќањата (11,8 проценти).