Изминативе неколку дена интензивно се зборува за првиот мултивендор настан кој ИТД ДИСТРИБУЦИЈА го резлизираше под името „Streamline your IT Future” на 30 и 31 мај, во хотел Изгрев, Струга.
Искрена благодарност и почит кон сите долгогодишни партнери и добавувачи искажа генералната менаџерка на ИТД Дистрибуција Биљана Шеновска.
“Нашата компанија во изминатите 17 години работење на македонскиот пазар, покажа дека гордо се носи со лидерската позиција како ИТ дистрибутер. Но, тоа задава дополнителни предизвици кои треба успешно да се реализираат и да се оди чекор напред пред останатите, како би ја оправдале довербата на партнерите на кои ИТД им е прв избор за дистрибутер.
Сакам особен осврт да дадам на минатата 2023 година, кога портфолиото на ИТД освен со долгогодишните добавувачи се збогати и со значителна бројка на нови брендови.
На тој начин отпочна и нашата трансформацијата од “box moving” во “value added” дистрибутер.
Нaсоката на проширување одеше во комерцијалниот сектор, тимот се зголеми, новите колеги се сертифицираа секој во свој домен и завземаа бренд позиции, додека техничкиот дел од тимот неуморно работеше за изготвување на комплетни решенија и услуги.
Со овој начин на работење покажавме дека тимот на ИТД умее да даде дополнителна вредност како дистрибутер, и да биде безрезервна поддршка на партнерите во нивните реализации.”
За поставеното ново ниво на делување како ИТ дистрибутер особено се заслужни нивните добавувачи долгогодишните Dell Technologies, IBM и Xerox, како и најновите во нивното семејство вендори: Check Point, Vertiv, Fortinet, Commvault и Gatewatcher.
“Навистина ми е драго што се одлучивте за ИТД Дистрибуција како ваш партнер во регионот и немам дилема дека годините што ни претстојат ќе покажат особена разлика и бенефит за сите нас” истакна г-ѓа Шеновска
Настанот собра над 140 учесници, партнери и експерти од индустријата, кои имаа можност да се запознаат со најновите достигнувања во заштитата на податоците, сајбер безбедноста и вештачката интелигенција. Свои излагања и презентации имаа: индустриските гиганти Dell, IBM, Check Point, Commvault, Fortinet, Vertiv, Gatewatcher и Xerox - чија поддршка беше непроценлива. Посебно сме благодарни на нашите презентери и панелисти, за нивната експертиза и инспиративни дискусии, кои значително придонесоа за успешноста на настанот.
ИТД ДИСТРИБУЦИЈА ќе ја продолжи својата мисија на промовирање иновации и врвни достигнувања во ИТ секторот. Веќе се во тек планови за идни настани кои ќе се надоврзат на успехот на „Streamline your IT future”