За да ја зголеми продуктивноста и да ги направи луѓето среќни, Шведска постепено ќе преминува на шестчасовно работно време. 

Ова го објави британски Индипендент. 

Работниците веќе имаат искуство со овој модел. Целта е во пократок временски период да се завршат сите обврски и луѓето да имаат доволно време за приватен живот. 

Јапонскиот производител на Тојота, сместен во вториот по големина град во Шведска, Гетеборг, пред 13 години го воведе овој модел и велат дека го зголемиле профитот. 

 И од компанијата Filimundus за развој на мобилни апликации, која лани го воведе работното време од шест часа велат дека заблуда е дека осум часа го прават работникот продуктивен. 

Овој татко преку својата не моќ да и помогне на својата ќерка, почнал да се интересира за фризерство и за тоа како да започне да и ја средува косата за на училиште.

Погледнете како едно хоби, станува професија:

Дневната евтината струја се уште не стигнала во сите домаќинства. Некои добија во септември, други пак ќе чекаат дури до крајот на октомври. До сега, екипите на ЕВН ги наштелувале броилата за евтина тарифа кај само 40 отсто од корисниците, информира ТВ24.

Предизборното ветување на Владата за евтина дневна струја се уште  не е остварено за 60 насто од домаќинствата. Штелувањето се прави по групи. Од вкупно 800 илјади броила, кои се поделени во четири групи, досега дневна евтина струја добија помалку од половината. Останатите ќе чекаат до крајот на октомври.

Од ЕВН тврдат дека усогласувањето на броилата тече според планот.

Секој корисник доби известување во претходната сметка во кој период од месецот ќе му биде прилагодено броилото согласно отчитувачката група во која припа. Прилагодувањето на броилата со дневна евтина тарифа тече согласно планот за отчитување и досега се адаптирани околу 40% од корисниците, велат од ЕВН.

Како граѓаните да проверат дали имаат евтина струја? Кога е времето за евтина тарифа, во перидот од 14 до 16 часот, на дисплејот од броилото, бројчаникот треба да врти на индикаторот Т2. На скапа струја врти само бројчаникот со индикатор Т1.
Од ЕВН велат дека броилата што не биле достапни за нивните екипи, односи оние што се во куќа, а немало никој дома, штелувањето ќе се повтори на крајот на октомври.

Според проценките на Владата, со воведувањет на два часа евтина струја преку ден, енергетските компании ќе бидат покуси за 8 милиони евра, пари што треба да бидат компензирани со заштеди. Од ЕВН велат дека ќе прават нови инвестициски планови за да ги покријат загубите од враќањето на евтината тарифа.

Секоја струка си има свои тајни, па така - не е исклучок ни одржувањето о летањето на авионите. Сепак, вработените во авиацијата некогаш откриваат и нешто што не би требало, па порталот Bright Side направи компилација на летачките тајни.

Не се поправаат сите дефекти веднаш

Нормално, не помислувајте дека авионот полетува доколку е загрозена безбедноста на патниците. Фактот е дека пред секој лет детално проверуваат многу работи, а доколку постојат помали проблеми кои не влијаат на безбедноста, тие се поправаат при слетувањето, за да не се губи време со одложување на летот.

Пилотот и копилотот јадат различна храна

Пред летот, пилотот и копилотот никогаш не јадат иста храна. Причината е едноставна - можно труење со храна, па доколку се затруе пилотот, битно е копилотот да биде здрав. Сепак, ова не го практикуваат сите авио компании.

Вистинската причина за забраната за пушење

Врежано е мислењето дека забраната за пушење на летот е поврзана со безбедносните прашања, но ова и не е баш точно. Некогаш, во авионите се пушело најнормално и немало никакви безбедносни проблеми. Вистинската причина лежи во економска природа, бидејќи воздухот во авионот константно се филтрира, а чадот брзо ги троши филтрите и останатата опрема.

Ве молиме исклучете ги мобилните

Не, доколку го оставите мобилниот вклучен, нема да дојде до несреќа ниту ќе бидете виновни за рушење на авионот, но сепак - може да дојде до попречување во приемот на сигналот и комуникацијата помеѓу пилотите и контролата на летање.

Вработените и нивните семејства плаќаат поевтини авионски билети

Да, многу компании на своите вработени им нудат значително пониски цени на билети, а понекогаш им даваат и бесплатни. Често се бара само плаќање на аеродромските такси, а летот е бесплатен.

Бидете љубезни кон персоналот

Стјуардесите признаваат дека повеќе ќе се потрудат околу вас доколку сте љубезни. Доколку фино објасните зошто не можете да седите до сопатникот, веројатно за вас ќе најдат друго место, а доколку се одлучите на безобразлук и хистерично однесување, ќе си останете каде што сте. Истото се однесува и за храната и сè останато.