Qualcomm поднесе понуда за преземање на конкурентот Intel, во обид да создаде најголемата аквизиција во технолошкиот сектор досега, со пазарна вредност на Intel од 90 милијарди долари. Спојувањето би ги комбинирало експертизата на Qualcomm во мобилната технологија со доминацијата на Intel во процесорите за персонални компјутери и сервери, што би претставувало значителна стратешка промена за Qualcomm и би ја зајакнало неговата позиција на пазарот.
 

Intel, некогаш лидер во чип индустријата, се соочува со пад на пазарната вредност и финансиски предизвици. Под водство на Пат Гелсингер, компанијата спроведува план за реструктурирање, намалување на трошоци и намалување на работната сила за повеќе од 15 проценти, како дел од напорите за пресврт. Qualcomm има пазарна вредност двојно поголема од Intel, што ја прави финансиски способна за аквизиција на различни делови од Intel.

Договорот ќе се соочи со интензивна контрола од регулаторите поради можноста за доминација на пазарот, што може да предизвика загриженост за конкуренцијата. Сепак, спојувањето би можело да ги зајакне американските капацитети за производство на чипови и да ја зголеми конкурентноста на САД на глобалниот пазар, особено во однос на конкуренцијата од Азија.

Европа се соочува со голем пад во продажбата на автомобили. За месец август се продадени 644.000 нови автомобили или за 18,3% помалку од истиот период лани. Намалена продажба е забележана на четирите најголеми европски пазари – Германија, Италија, Франција и Шпанија.

Но, во истиот период во Македонија, и покрај тоа што е многу мал пазар во споредба со Европа, забележан е пораст на продажбата на автомобили за околу 50 отсто во однос на 2023 година. Во јули продадени се 750 возила - 640 патнички возила и над 100 превозни.

Во зголемувањето на продажбата на пазарот во Македонија најголемо влијание имаше Geely, новата кинеска марка на еколошки возила. За само 6 месеци, Geely продаде над 100 возила.

Кинеските научници тврдат дека радијацијата од Starlink сателитите може да им помогне во откривање на стелт авиони. Во нивниот труд, објавен во Journal of Signal Processing, тие го демонстрирале овој метод со помош на DJI Phantom 4 Pro дрон, кој го користеле како замена за стелт авион.

Тие користеле земски радар за следење на радијацијата од Starlink сателит и успеале да го откријат дронот, иако тој бил дизајниран да остане невидлив за радарот. Според нив, овој метод може да се користи за детекција на стелт авиони без разлика на нивната форма или материјал.

Иако тестирањето било спроведено на дронови со ниска височина, научниците веруваат дека оваа технологија би можела да биде ефективна и за откривање на поголеми и посложени стелт авиони, што би можело да ѝ даде значајна предност на кинеската војска.

Се работи на техничко решение покрај кое ни треба и законско за функционален систем при следењето на сообраќајот со камери, информира денеска министерот за внатрешни работи Панче Тошковски.

Тој истакна дека целта е што поскоро ставање во функција на камери со кои ќе се утврдуваат и казнуваат сообраќајните прекршоци, да се намалат жртвите во собраќајот и да се зголеми сообраќајната култура.

Поставувањето на камерите треба да покрие и дел од криминалистичката работа на Министерството за внатрешни работи.

Фокусирани сме на тоа да предвидиме соодветно и техничко, моментално се работи на техничко, но и законско решение кое што ќе ни овозможи функционален систем. И кога е отпочнат проектот никој не размислувал во насока на тоа како навистина да ќе биде ставен во функција целиот тој систем. Колку казни ќе продуцира на дневна основа, дали тие ќе може да се сработат од страна на вработените во рамки на Министерството како ќе се процесираат. Кој ќе води постапката дали треба да се зголеми бројот на вработени во рамки на Министерството коишто ги работел прекршоците од аспект на изрекување на прекршоци. Ќе одат во суд, како ќе постапува судот моментално еден судија за прекршоци во Скопје работи на повеќе од 2 000 предмети на дневна основа закажува повеќе од 45 судење. Кој ќе ги сработи тие предмети?. Целта ни е на крајот да го видиме бенефитот од аспект да се намалат жртвите да се покрене сообраќајната култура, изјави Тошковски при посетата на Јегуновце.

Појасни дека камерите би требало конкретно да утврдат сторен прекршок во три сегменти: погрешно паркирање, преминување на црвено светло и недозволена брзина.

Еден од клучните проекти ако не сакаме да има по стотина жртви на годишна основа, мораме сообраќајната култура да ја подигнеме не едно скалило, туку три, четири скалила нагоре, рече Тошковски.

На новинсрако прашањето уште колку од граѓаните ги немаат променето личните документи потенцраше дека е останат помал број и оти хаосот е решен пред еден месец.

Останат е уште помал број. Конкретно не можам да кажам колку. Не е точна информацијата која што беше пренесен во јавноста дека еден милион возачки дозволи ќе треба да се реиздадеме. Мислам дека бројката е негде околу 200 000 кој што треба да се ре-издадат во останатиот период од прилика. Мислам дека имаме капацитет да го направиме тоа. Повторно тука имаме дезинформации ширење на лаги од страна на луѓе кои што не си ја сакаат држава во насока да уплашат или да, дефокусираат или не знам што да направат. МВР ќе работи во интерес на граѓаните, рече Тошковски.

Тој беше во посета на новата канцеларија на управните служби која почна да работи во полицискиото одделение во Јегуновце и општински центар.