виокомпанијата „Визер“ денеска објави дека почнува со продажба на билети за трите нови авиолинии од Меѓународниот аеродром Скопје до Барселона, Лион и Штутгарт.

Како ТАВ Аеродроми, воодушевени сме што можеме да го објавиме враќањето на Барселона како дестинација за одмор од скопскиот аеродром од 3 мај 2025 година, на која ќе сообраќа Визер, особено затоа што тоа беше најпосакуваната рута од нашите патници. Дополнително, освен до Барселона, Визер следната година ќе ги воведе и Лион и Штутгарт како нови дестинации од скопскиот аеродром, што ќе биде предност за сите бидејќи со ова се проширува мрежата на дестинации од скопскиот аеродром, мапата на авиолинии на Визер, како и опциите за патување за секој авантурист. Преку ова проширување на мрежата на авиолинии, со нетрпение очекуваме и целиме кон понуда на поголема удобност и подобрување на поврзувањето за нашите патници со светот, вели генералниот директор на ТАВ Македонија, Неџат Курт.

Резервациите за трите нови дестинации достапни од Меѓународниот аеродром Скопје се отворени од денеска. Летовите почнат од 3 мај следната година за Барселона и ќе има летови секој вторник и сабота, на 1-ви мај почнуваат летовите за Лион секој вторник, четврток и сабота, додека летовите до Штутгарт ќе започнат да сообраќаат на 29-ти септември три пати неделно, во понеделник, среда и петок.

Денес ви ги издвојуваме најпосетуваните работни позиции во Битола на KARIERA.mk, се надеваме дека ќе го најдете вашето идеално работно место меѓу нив.

Во последниот период, се забележува раст на огласи во различни индустрии, што е показател за економскиот развој на градот и зголемената потреба за квалификуван кадар. Овие огласи ги опфаќаат сите сектори – од производство, услуги и администрација, па сè до технологија, здравство и образование.

Во продолжение дел од огласите:

Администратор во Филијала Битола
Административен работник за онлајн платформа - Deposithousemarket.com
Општ работник во производство
Магационер - Вилушкарист
Администратор во планирање

Достапноста на различни работни позиции на нашиот веб сервис нуди голем спектар на можности за лицата со различни квалификации и професионално искуство. Овие огласи не само што го поттикнуваат индивидуалниот кариерен развој, туку придонесуваат и за подобрување на локалната економија и подигање на стандардот на живот во Битола.

Доколку сте спремни за нов работен предизвик, сите останати работни позиции за во Битола можете да ги најдете ТУКА.

Мотивацијата е клучен фактор за успешна работна средина и продуктивен тим. За да ги мотивирате вашите вработени, потребно е да го разберете нивното однесување, потреби и индивидуални цели.

Еве неколку стратегии кои можат да ви помогнат да го поттикнете нивниот ентузијазам и посветеност:

1. Препознајте го трудот и успехот

Вработените сакаат да чувствуваат дека нивната работа е ценета. Редовно пофалувајте ги за нивните достигнувања, без разлика дали станува збор за мал успех или голем проект. Може да организирате месечни признанија, да испратите благодарност преку е-маил или едноставно да кажете „браво“ лично.

2. Обезбедете јасни цели и очекувања

Вработените се помотивирани кога знаат што се очекува од нив и кога имаат јасно дефинирани цели. Постигнувањето на таквите цели им дава чувство на успех и прогрес.

3. Создадете пријатна работна атмосфера

Работната средина треба да биде место каде што вработените се чувствуваат удобно, поддржано и инспирирано. Обезбедете простор за комуникација, слушајте ги нивните идеи и осигурајте дека има позитивна енергија во тимот.

4. Инвестирајте во нивниот развој

Многу вработени се мотивирани кога чувствуваат дека растат во кариерата. Организирајте обуки, семинари и работилници, или понудете можности за напредување. Ова не само што ги мотивира, туку и ја зголемува нивната лојалност кон компанијата.

5. Обезбедете флексибилност

Доколку е можно, понудете флексибилно работно време или можност за работа од дома. Ова покажува дека ги цените нивните лични обврски и балансираниот живот, што значително ја зголемува мотивацијата.

6. Промовирајте тимска работа

Охрабрете ги вработените да соработуваат и да ги споделуваат своите идеи. Тимската работа создава чувство на заедништво, што може да биде моќен мотиватор.

7. Обезбедете фер награди

Покрај платата, понудете дополнителни бенефиции, како бонуси, здравствено осигурување или тимски активности. Мотивирани вработени се оние кои чувствуваат дека нивниот труд е соодветно награден.

8. Слушајте ги и вреднувајте ги нивните мислења

Создадете култура на отворена комуникација каде што вработените ќе можат слободно да ги изразат своите идеи, предлози или загрижености. Кога ќе видат дека нивното мислење е важно, ќе бидат повеќе вложени во работата.

9. Бидете добар лидер

Како лидер, вашиот став, енергија и пристап директно влијаат врз мотивацијата на тимот. Водете со пример, покажете почит и бидете достапни за вашите вработени.

Мотивацијата на вработените е процес кој бара континуирана работа и внимание. Кога ќе ги мотивирате вашите вработени на вистински начин, не само што ќе ги зголемите нивната продуктивност и лојалност, туку и ќе создадете силна и позитивна работна култура.

На свечена церемонија исполнета со инспиративна атмосфера и многу позитивна енергија, во Музејот на македонската борба во Скопје, денеска се одржа прогласувањето на победничките во македонскиот избор за Жена на годината 2024.

Наградени беа вкупно 10 дами, кои со својот професионален и општествен ангажман секојдневно и во континуитет поставуваат високи стандарди на деловно и етичко однесување и оствариле забележителни резултати во годината што одминува.

Изборот за „Жена на годината“ започна со онлајн номинирање кое беше отворено за целата домашна јавност, при што беа поднесени вкупно 437 номинации. Од сите нив беше формирана листа на финалистки, по 5 во секоја категорија, за кои потоа гласаше жири-комисија составена од претставници на медиуми, образовни институции, организатори и соработници.

Лауреатот македонска Жена на годината 2024 го понесе Елена Пандева (ELENA LUKA), авангардна македонска дизајнерка, но и сопственик и генерален менаџер на повеќе компании од различни индустрии.

Во продолжение, следува листата со овогодинешните победнички во сите категории од изборот „Жена на годината 2024“:

1. Жена на годината – Елена Лука
2. Жена со трајни вредности – Зорана Костовска
3. Жена менаџер на годината – Никица Мојсоска – Блажевски
4. Жена со најголеми достигнувања во науката и технологијата –  Јехона Спахиу Јанчевска
5. Млада жена менаџер на годината (до 40 години) – Зорица Бужаровска Бошковска
6. Жена со најголеми достигнувања во културата – Маја Андоновска Илијевски
7. Жена со најголеми достигнувања во спортот – Милијана Релиќ
8. Жена со најголеми достигнувања за општеството – Фатма Бајрам Аземовска
9. Жена со најдобар стил – Вера Мештеровиќ
10. Инфлуенсерка на годината – Емм Блажеска (@emmwandera)

Во конференцискиот дел на настанот, свои предавања одржаа: Сања Митровска (Networker); Елена Панова (А1) и Хелена Кодрич Мори. Во панел дискусијата која беше модерирана од Проф. Д-р Маја Кузмановска учествуваа: Биљана Шеновска – Генерален менаџер на ИТД Дистрибуција, Ана Секуловска – Програмски директор во Startup Club Скопје и Елена Лука .