Вложување во биткоини е помалку предвидливо од играње рулет во казино, вели рускиот министер за економски развој на Русија Максим Орешкин.

Според неговите зборови, неквалификуваните инвеститори не би требало да имаат пристап до инструменти со така висока волатилност.

Што се однесува до биткоинот, ако погледнете како се движи неговата вредност, се зголемува за десетина проценти, а потоа толку падне ... тоа е полошо од казино. Прво, заработувате, заработувате, добро ви оди, а потоа изгубите се, и немате ништо, рекол Орешкин.

Оние кои не знаат како да управуваат со ризици и такви средства со таква нестабилност не би требало да имаат опција да инвестираат, бидејќи во 99,9 одсто, случаи резултатот е загуба за такви луѓе и потоа ќе се најде во тешка животна ситуација што не е добро, додал Орешкин.

Рускиот министер предложил трговија со биткоини да им се овозможи само на квалификувани инвеститори. На пример, за да го добиете тој статус, потребно е да имате најмалку шест милиони рубљи на ваша сметка, или сте работеле најмалку две години во финансиска институција која тргувала со хартии од вредност.

Рускиот претседател Владимир Путин конечно дал зелено светло за создавање национални криптовалути. 

Орешкин важи за министер кој му е омилен на Путин. Се споменува како човек за иднината и иден премиер.

Британското Кралство го прикажа првиот индекс на трошење во 1914 година. Индексот премина преку многу промени од тогаш. Индексот на малопродажбата бил прикажан во 1947 и индексот на потрошувачките цени во 1996. Во март оваа година, британскиот Завод за статистика воведе нов начин за мерење на инфлацијата наречен „Индекс на потрошувачки цени и трошоците за домување“, кој ги вклучува специфичните трошоци на поседување на дом, како што се кириите и надоместоците на агентите за недвижнини.

Наједноставно кажано, инфлацијата е мерење на колку брзо цените растат. За да се процени цената, статичарите одбираат што тие веруваат дека е репрезентативна „кошница“ од добра и услуги конзумирани од населението. Бројките најчесто се искажани во однос со процентот променет на претходната година. Ова можеби звучи едноставно, но не е. 

Најпрво, тука се поставува прашањето што да се стави во кошницата. Навиките на потрошувачите се менуваат постојано и потребно е претходно истражување и анкети за собирање точни податоци. Како за пример, Британија ја менува кошницата еднаш годишно и се чини веродостојна, но Америка ја менува на секои две години, а порано и на десет години. Исто така, потребно е да се земе во предвид и функцијата на производите и услугите кои се вклучени во кошницата. Оваа година мобилните телефони можеби ќе чинат повеќе, но и ќе имаат повеќе функции. 

Последицата од нередовното менување на кошницата и редовното истражување за потребите на потрошувачите за појасен приказ на кошницата, може да значи дека стапката на инфлација може да биде погрешна и до 0,6% на годишно ниво. 

Исто така, постои и поделбата на богати и сиромашни. Во многу случаеви, производите и услугите кои се наоѓаат во кошницата се последицата на куповните навики на богатите луѓе, по принципот на „богатите трошат повеќе“. Ова може да значи дека богатите и сиромашните искусуваат различна стапка на инфлација. Пример, сиромашните луѓе повеќе пари трошат на храна, а цените на храната во последните години се драстично повисоки. 

Соочувањето и решавањето на овие проблеми не е воопшто едноставно и се чини дека инфлацијата ќе остане мерка во сивата зона која е јавно призната. 

Некои успешни жени споделуваат со нас, кои биле најлошите совети кои ги добиле на нивниот пат кон успехот.

Тимот на KARIERA.mk верува дека овие неколку искуства ќе ви помогнат да поминете некои од овие моменти подобро и побрзо да итате кон успехот.

1. Во минатото ме охрабруваа да лажам. Често избегнував прашања на кои немав одговор, но искреноста е секогаш најдобра. Лагата, дури и онаа добронамерната , секогаш ќе биде откриена.

Да се учи на своите грешки и да се поттикнува околината дека тоа е прифатливо е навистина важно – Андреа Ингам, директор на продажба на “Spotify”.

2. Најлошиот совет кој сум го добила е да се одречам од својата кариера на светски познат модел и да станам новинар. Нема шанси! Да добивав пари секој пат кога некој ќе ме предупредеше да забавам, денес би била богата.

Невозможно е да застанете кога чувствувате дека доаѓа нешто добро – Фиона Рејнолдс, директор на “ABC Regional”.

3. Дали да ја прифатам работата во AVON – тоа беше првата дилема на самиот почеток од мојата кариера. Кога се наоѓате на крстопат, често делува дека е полесно да се откажете од работата и добрите шанси за напредок.

Не ги послушав сите оние кои беа против. Одлучив да ја прифатам работата и за многу кратко време добив прва голема задача во странство – Шерон Плент, CEO на компанијата AVON.

Пазарот за работа секогаш се менува и како што некои професии губат популарност, други добиваат. Важно е да се запомни дека без разлика во кој сектор работите, поседувањето на одредени работни вештини може да направи огромна разлика во вашиот успех. Познавањето кои квалитети се најбарани може да биде корисно додека го градите вашиот кариерен успех. 

Работата и трендот на вештини 

Многу од високо платените работни места се позиции кои бараат значајно ниво на образование, професионален тренинг и напредни вештини. Листата на најдобро платена работа за 2017та година ги вклучува добро познатите професии како физичари, адвокати за патенти и фармацевти, како и професиите поврзани со технологијата како што се софтверски дизајнери.

Техничките вештини се високо котирани на листата низ различни индустрии

Заедничка анализа од MONEY и PayScale истражувале за најбараните вештини во повеќе од 350 индустрии и тие ги вклучуваат:

• моделирање на податоци
• софтверски менаџмент и развој
• Cloud вештини
• мобилни апликации

Истражување од ITCareerFinder предложува дека овие технички вештини се еднакво важни да се поседуваат во 2017:

• вештини за техничка поддршка
• веб дизајнер
• администрација на датабази
• проект менаџер

„Меките“ вештини им се предизвик на вработените

Техничките вештини се од огромна корист во денешно време, работодавците немаат јасна слика кога размислуваат за кои поединци да ги ангажираат. Меките вештини, кои неретко се под влијание на карактерот отколку на образованието и обуките, се уште се приоритет во работната атмосфера. 

Во истражување на LinkedIn во 2016та година, меките вештини се појавиле на врвот на листата на тоа што најчесто бараат работодавците кај потенцијалните вработени. Овие вештини вклучуваат:

• комуникациски вештини
• организациски вештини
• тимска работа
• точност
• критичко размислување

Според Monster.com, оралните и пишуваните вештини се најважните меки вештини за поседување. Останати меки вештини се следниве:

• маркетинг
• внимание на детали
• решавање на проблеми

На крајот на краиштата, развојот на двата видови на вештини, тврди и меки и важно за подобар приказ на себеси кон можните работодавци што е можно подобро. Многу е веројатно дека техничките вештини ќе продолжат да бидат од огромно значење, но способноста на ефективната комуникација, концентриран кон деталите и организиран како личност нема да престанат да бидат важни во скоро време. Клучот е во пронаоѓање на вистинскиот баланс помеѓу овие вештини.