Производот може да биде означен како „Дубаи чоколадо“ во Германија само ако е произведен во Дубаи или има географска врска со Дубаи.

Тужбата до судот ја поднесе увозникот на кондиторски производи Андреас Вилмерс, кој продава производи од брендот Fex од Дубаи во Германија.

Во декември, Вилмерс ги пријави Lidl и производителот на чоколади Lindt поради истата причина.

Одлуката на судот сè уште не е правно обврзувачка и Алди има право на жалба.

Фото: Принтскрин/Твитер„Дубаи чоколадото“ стана исклучително популарно и барано во Германија, судот во Келн пресуди дека под тоа име може да се рекламираат само производите кои всушност се направени во Дубаи.

Производите „Alyan Dubai Handmade Chocolate“, кои се продаваат во синџирот на попусти Aldi Sud, станаа вистински хит откако беа лансирани во декември.

Десертот, кој стана познат во светот како „Дубаи чоколадо“ благодарение на TikTok, е комбинација од крем од ф'стаци, крцкав кадаиф (тенки тестенини направени од брашно и вода) и чоколадо.

Но, окружниот суд во Келн издаде привремена забрана против ланецот продавници „Алди Суд“ да го продава производот, тврдејќи дека името е погрешно затоа што производот всушност бил произведен во Турција, а Алди морал да престане да продава „Дубаи чоколадо“.

A German court has banned a supermarket from selling a product as "Dubai chocolate," ruling that the trendy confectionary may only be labeled as such if it actually comes from the Emirate.

👉 https://t.co/s2dbum5uvm pic.twitter.com/DTrhZVdQgg

— DW News (@dwnews) January 13, 2025

Денеска е последниот ден од новогодишната кошничка. Со оваа акција 1200 производи се продаваа по намалена цена од најмалку 10 %, а од утре ќе се знае дали повторно цените на производите ќе поскапат.

Од Владата се надеваат дека нема да има драстично поскапување на производите и засега остануваат само на апели.

После завршувањето на новогодишната кошничка, еден апел до бизнис секторот да го задржат нивото на цени, бидејќи целта на самата кошничка беше и задржување на инфлацијата на едно стабилно ниво. Знаеме дека во текот на годината, комплетната инфлација изнесува 3,5%, односно во овие периоди кога имавме неприродно зголемување на цените на прозиводите, кога има зголемени трошоци, како што беше нова година и празниците, успеавме да ги стабилизираме цените во интерес на граѓаните, а на голем дел од тие производи и да бидат намалени, вели заменик министерот за економија, Марјан Ристески.

Во меѓувреме на важност стапи Законот за нефер трговски практики кој предвидува големи казни за трговците и добавувачите.

Рабатот е ограничен на 10 проценти во текот на годината. Сето тоа ќе создаде еден ред во сета таа работа со трговските практики каде рабатите биле големи, и до 35-40 проценти. Очекуваме на подолг рок да имаме стабилизирање на цените на производите, во интерес на крајните купувачи, односно граѓаните. Овој Закон е од голем интерес и важност, бидејќи првпат се спроведува во Македонија и е по директива од Европската Унија, потенцираше Ристески.

Со законот се опфатени 2.546 производи по тарифен број и 26 нефер трговски практики.

Кинеските власти започнаа прелиминарни разговори за потенцијална продажба на операциите на TikTok во САД на милијардерот Илон Маск, доколку апликацијата за кратко видео не успее да избегне претстојна забрана, објави во понеделникот Bloomberg News, како што објави Ројтерс.

Според извештајот, кинеските власти претпочитаат TikTok да остане под контрола на матичната компанија ByteDance. Сепак, можноста за продажба на операциите на TikTok во САД може да се реализира преку конкурентен процес или владин договор, што значи дека судбината на апликацијата повеќе не е само во рацете на ByteDance.

Кинеската влада поседува „златен удел“ во ByteDance, што, според неколку членови на Конгресот, и дава на владата значителна моќ над TikTok.

Едно сценарио вклучува платформата за социјални медиуми Х (поранешен Твитер) на Маск да ја преземе контролата врз операциите на ТикТок во САД и заеднички да го води бизнисот, се вели во извештајот. Сепак, официјалните лица сè уште не постигнале консензус за понатамошни чекори, според информациите на Блумберг, пренесени од Ројтерс.

Коментари и нејаснотии околу разговорот

TikTok одговори на овој извештај со изјава: „Не можеме да коментираме за чиста фикција“. Според достапните информации, останува нејасно колку ByteDance е свесен за овие дискусии или дали Маск, TikTok и ByteDance учествувале во какви било преговори за можен договор, пишува Reuters.

TikTok претходно тврдеше дека „државниот удел на кинеската влада нема влијание врз глобалните операции на ByteDance надвор од Кина, вклучувајќи го и TikTok“.

Ниту Елон Маск, Платформата X, ниту кинеското Министерство за сајбер простор и Министерството за трговија веднаш не одговорија на барањата за коментар.

Правни и безбедносни предизвици

Минатата недела, Врховниот суд на САД покажа тенденција да го поддржи законот што би можел да ја принуди продажбата или забраната на TikTok во САД до 19 јануари, поради загриженоста поврзана со националната безбедност и кинеското влијание.

Трендот на поскапување на становите во Скопје продолжува со забрзано темпо, покажуваат податоците за последниот квартал од 2023 година.

Во овој период, цените пораснале за 10.6% споредено со истиот квартал во 2023 година.

Според градежниците, цените на становите можат само да останат исти или да растат, но никако да паднат.

Главни причини за тоа се: поскапување на градежните материјали, работната рака и услугите, недостаток на локации за градење, што предизвикува дополнителен притисок врз цените.

Ивица Јакимовски од Градежната комора истакнува дека укинувањето на деталните урбанистички планови (ДУП-ови), особено во општините Центар и Карпош, значително ја намалило понудата на недвижности, што дополнително ги подигнува цените.

Недоволната понуда и зголемената побарувачка создаваат дисбаланс на пазарот, а тоа води кон постојан раст на цените,“ објаснува Јакимовски. Растечки цени на станови во сите населби Анализите покажуваат дека во централните делови на Скопје, како Центар, Карпош, Кисела Вода и Аеродром, цените достигнуваат рекордни нивоа: Во Центар, цената на новоградбите надминува 2.000 евра/м², а во поексклузивните згради достигнува и 2.500 евра/м², Во Карпош, становите на периферијата се продаваат за околу 1.800 евра/м², додека новоградбите достигнуваат до 2.000 евра/м², Во Чаир и Бутел, цените се зголемени за 30% во последните две години. Дури и старите станови, поради високата побарувачка, бележат раст на цените, со дополнителни трошоци за реновирање кои ја изедначуваат цената со новоградбите. 

Од Градежната комора предупредуваат дека доколку не се донесат нови ДУП-ови и не се зголеми понудата на локации за градење, цените ќе продолжат да растат.

Очекувањата се дека достапноста на станови за купување ќе биде сè помала, што ќе доведе до пораст на бројот на граѓани кои ќе живеат под кирија, вели Јакимовски.

Тој додава дека Македонија би можела да го следи примерот на земјите од Европската Унија, како Германија и Швајцарија, каде што половина од недвижностите се изнајмуваат.