КАРИЕРА.мк месец јануари го посвети на кампања за задржување на менталното здравје која ја заврши со одличен настан на 30.1.2025 во хотел Панорамика, каде преку 60 претставници од најдобрите компании во државата дискутираа учеа и споделуваа идеи за тоа како да се пристапи кон разрешување на најголемата дилема на денешницата, како да направиме убав баланс меѓу работните обврски и нашите приватни животи во ова модерно и брзо време. Работилницата беше под водство на нашите искусни говорнички, Розалија Секулоска - магистер психолог и психотерапевт, и Цветанка Штерјова Бурзевска - психолог и гешталт арт психотерапевт и за истата можете да погледнете детали ТУКА.

Во однос на истражувањето кое беше спроведено онлајн, беа вклучени 520 доброволци испитаници, работоспособно население од државата. 

На прашањето - како би го оцениле своето ментално здравје (од 1 до 10) резултатите тежнеат кон повисоките бројки.

Како најчеста оценка се издвојува 8, со 20.2% од одговорите.

Над 35% од испитаниците се изјавиле дека најголемиот извор на стрес доаѓа од работата, исто така над 30% изјавиле дека немаат проблем да зборуваат за стресот и анксиозноста на работното место без да бидат осудени за истото.

Над 35% од испитаниците имаат добра комуникација со своите колеги на хоризонтално ниво, а скоро 40% биле некогаш или повремено изложени на мобинг на работното место.

Еден од најинтересните податоци од истражувањето покажува дека дури 42% од испитаниците би се сложиле на 20% помала плата само за да избегнат големи стресови на своето работно место. Овој податок гласно говори за свесноста на луѓето за влијанието и директната поврзаност на задржувањето на менталното здравје и нивниот приватен живот.

Најголем број на испитаниците сметаат дека казните на работното место треба да се применуваат заради одржување на дисциплината, 29% од нив сметаат дека треба да се користат но поретко, додека пак 33% сметаат дека користењето на метод за казнување е неприфатлив но понекогаш неминовен.

За крај над половина од испитаниците изјавиле дека се чувствуваат прегорено или со burn out синдром често или повремено, на ова прашање само 4% одговориле дека никогаш не се соочиле со овој синдром.

Како заклучок од ова истражување можеме да издвоиме дека фасцинантни се бројките за влијанието на статусот на нашето ментално здравје врз нашите животи. Тимот на КАРИЕРА.мк продолжува со поддршка и имплементација на стратегии за справување со потешкотиите на модерните предизвици кои ни ги носи секојдневното долгочасовно работење и опкружување преку специјално дизајнирани работилници на корпоративно ниво во договор и на барање со компаниите кои се подготвени да пристапат на оваа тема сериозно и значајно да го подобрат менталното здравје на своите вработени преку интересни и добро познати механизми.

За песонализирани барања за креирање на корпоративни работилници од овој тип слободно пишете ни на contact@kariera.mk

Тагови: Кариера Онлајн

Денес ви ги издвојуваме најпосетуваните работни позиции во Охрид на KARIERA.mk, се надеваме дека ќе го најдете вашето идеално работно место меѓу нив.

Охрид, еден од најубавите и најпосетуваните градови во Македонија, нуди многу можности за вработување во различни сектори. За да го пронајдете вашето идеално работно место во Охрид, посетете го нашиот веб сервис KARIERA.mk, како и на нашите социјални мрежи каде многу работодавци објавуваат отворени позиции.

Во продолжение, разгледуваме кои се најчестите огласи за работа во Охрид и како најдобро да ги искористите овие можности.

Персонал за хотел
Продажен Персонал - Охрид
Оператор за контрола на квалитет - Охрид
Возачи на виљушкар
Продавач на деликатес - Охрид
Продавач/Возач регион Охрид

Се уште невработени?! Сите останати работни места можете да ги најдте ТУКА.

Според последните мерења на ПМ10 честички од утрово, повеќето општини во Скопје се со нормално ниво на загаденост, но Лисиче покажува повисока загриженост со регистрирани 76 единици, што спаѓа во високата категорија. Ова значи дека жителите би требало да избегнуваат долготрајно излегување на отворено и да преземат заштитни мерки, како носење маски.

Останатите делови на градот, како Миладиновци (42), Ректорат и Гази Баба (по 30), Центар (29) и Карпош (16) имаат ПО честички во нормални граници, што укажува на нешто побезбедна средина за сите активности на отворено. Сепак, следењето на состојбата и понатаму останува важно, особено за чувствителните групи на граѓани.

Концентрација на ПМ10 честички во воздухот измерена во 00ч. Дозволена количина 50 µg/m³.

Скопје

Македонија

Кина ќе воведе царини од 15 отсто на увозот на течен природен гас (LNG) и јаглен од САД како одговор на американските царини, соопшти денеска кинеското Министерство за финансии.

Дополнително, ќе се применат 10 отсто царини за нафта и земјоделски машини увезени од САД. Овие мерки стапуваат во сила на 10 февруари, јави ДПА.

Пекинг исто така најави антимонополска истрага против американскиот технолошки гигант Гугл.

Американските царини од 10 отсто за сите кинески увозни производи влегоа во сила веднаш по полноќ по вашингтонско време (05:00 GMT), откако претседателот Доналд Трамп ги нареди мерките во саботата.

Царините за стоки од Канада и Мексико, исто така најавени од Трамп, беа привремено суспендирани најмалку на еден месец пред воопшто да стапат во сила, по постигнување договори меѓу САД и нивните соседи. Засега нема таков договор со Кина.

Вчера Трамп изјави дека разговори со кинеската страна ќе се одржат во рок од 24 часа.

Трамп победи на претседателските избори во ноември со ветување за високи царини на странските производи. Тој веќе воведе неколку трговски давачки за време на својот прв мандат од 2017 до 2021 година.