За првпат, еден претприемач од Западен Балкан се најде на реномираната листа на најбогати луѓе во светот што ја објавува магазинот Forbes.

Самир Мане, основач и претседател на BALFIN Group, се рангира на 2.356-тото место во светот, со проценета нето вредност од 1.4 милијарди американски долари. Ова претставува највисока проценка на имотна состојба досега доделена на еден претприемач од регионот од страна на престижната економска публикација која ја објавува листата од 1987 година.

„Во друг дел од Европа, Албанија оваа година го добива својот прв милијардер – Самир Мане, кој изгради богатство од 1,4 милијарди долари преку инвестиции во трговски центри, продавници за електроника и луксузни недвижности низ Балканот,“ наведува Forbes.

Мане го започнал својот претприемачки пат во 1993 година, основајќи ја BALFIN Group, која подоцна ќе прерасне во една од најголемите и најдинамични инвестициони групации во регионот. Денес, групацијата има активности не само на Балканот, туку и на меѓународно ниво, со значајни инвестиции во Австрија, САД и Канада.

Компаниите на BALFIN Group во Македонија

Во Македонија, BALFIN Group има силно и диверзифицирано присуство преку неколку значајни компании и инвестиции:

• Нептун – водечки синџир за продажба на електроника и бела техника.
• East Gate Mall – најмодерен трговски и lifestyle центар во Скопје, симбол на урбана трансформација.
• Skopje East Gate (SEG) – голем проект со мешана намена кој вклучува станбени, деловни и трговски содржини.

Овие инвестиции не само што создаваат работни места и ги внесуваат глобалните стандарди, туку и значително придонесуваат кон модернизацијата и развојот на македонскиот пазар.

Според Forbes, денес постојат над 3.000 милијардери во светот со заедничко богатство од 16.1 трилиони долари – највисока вкупна вредност досега. Само три земји сочинуваат повеќе од половина од вкупниот број: САД (813), Кина (450) и Индија (205). Во Европа, Германија е на врвот со 171 милијардер.

Вклучувањето на Самир Мане во листата на Forbes не претставува само личен успех, туку и симбол на растечката економска сила и потенцијал на регионот. Неговата приказна е доказ дека со визија, посветеност и доверба во Балканот – може да се создаде глобален успех.

Тагови: Forbes Нептун Македонија

Започнувањето на стартап е возбудливо, но и предизвикувачко искуство. Без разлика колку е добар твојот производ или услуга, без ефективен маркетинг, тешко ќе допреш до вистинската публика.

Еве седум клучни совети кои ќе ти помогнат да го изградиш и зајакнеш твојот бренд.

1. Дефинирај ја својата целна публика

Не се обидувај да допреш до сите – фокусирај се на оние кои најверојатно ќе го купат твојот производ или услуга. Користи демографски и психографски податоци за да ја разбереш нивната возраст, интереси, проблеми и навики.

2. Изгради силен бренд

Логото, боите, слоганот и начинот на комуникација се клучни за градење на препознатливост. Конзистентноста во визуелниот и тонскиот идентитет ќе ти помогне да создадеш доверба и лојалност кај потрошувачите.

3. Користи дигитален маркетинг

Во денешно време, твоето присуство на интернет е клучно. Оптимизирај ја веб-страницата за пребарувачи (SEO), инвестирај во реклами на социјалните мрежи и испрати е-пошта кампањи за директен контакт со клиентите.

4. Биди активен на социјалните мрежи

Избери ги платформите што најмногу ги користи твојата целна публика и објавувај релевантна содржина. Ангажирај се со следбениците, одговарај на прашања и користи видео содржини за поголема интеракција.

5. Создавај вредна содржина

Содржинскиот маркетинг е еден од најдобрите начини за привлекување клиенти. Пишувај блог постови, прави видео туторијали или подкасти кои ќе им помогнат на потенцијалните клиенти да ги решат своите проблеми.

6. Искористи го моќот на инфлуенсерите

Партнерството со локални или нишни инфлуенсери може значително да го зголеми досегот на твојот бренд. Барај лица кои имаат релевантна публика и чии вредности се усогласени со твоите.

7. Мери ги резултатите и прилагодувај ја стратегијата

Без анализирање на податоците, нема да знаеш што функционира, а што не. Следи ги метриките како што се посетеност на веб-страница, стапка на конверзија и ангажман на социјалните мрежи. Ова ќе ти помогне да ги оптимизираш кампањите за подобри резултати.

Маркетингот е континуиран процес кој бара експериментирање и прилагодување. Применувајќи ги овие совети, ќе можеш поефикасно да ја прошириш свеста за твојот старт-ап и да изградиш стабилен бизнис.

Тагови: бизнис идеи стартап

При патување во странство со сопствено возило, потребно е да обезбедите Зелен Картон – документ што претставува територијално проширување на осигурувањето од автоодговорност за сите европски земји.

Ова е задолжително осигурување кое гарантира дека, во случај на сообраќајна незгода предизвикана од вашето возило, осигурителната компанија ќе ја покрие штетата на трето лице во земјата каде што се случил инцидентот.

Осигурувањето ги покрива:
✔ Материјални штети – оштетени возила, инфраструктура и други објекти.
✔ Нематеријални штети – повреди на лица, смртни случаи, како и надоместоци за здравствени и пензиски фондови во земјата каде што се случила незгодата.

Валидноста на Зелениот Картон е поврзана со траењето на полисата за автоодговорност, што значи дека неговата важност престанува со нејзиниот истек.
Цената на Зелен Картон се определува според јачината на моторот кај патничките возила, додека кај товарните возила премијата е фиксна.

• Патничко возило до 66 KW на годишно ниво е 3.690 денари, а за над 66 KW за една година е 5.536 денари.
• Патничко возило до 66 KW за месечно ниво е 1.850 денари, а за возило над 66 KW e 3.075 денари.
• ​Влечните и специјалните возила, моторциклите, приклучни и работни возила цената е 5.536 денари.
• За товарните возила и автобусите е 17.222 денари. 

Осигурете го вашето возило навреме и патувајте без грижи каде и да одите!

Тагови: зелен картон сообраќај

Собранието на Северна Македонија гласаше за измените на Законот за прекршоци против јавниот ред, со кои се забранува употреба на пиротехника во затворени простории. При гласањето, 83 пратеници го поддржаа овој закон, додека само еден беше против. Овие промени беа иницирани како резултат на трагедијата во дискотеката „Пулс“ во Кочани, каде животот го загубија 59 млади лица, а околу 200 беа повредени.

Новите измени предвидуваат двојно зголемување на прекршочните глоби за лица и фирми кои ќе ја прекршат забраната. Дополнително, во случај на повторување на прекршокот, претршителите ќе се соочат со притвор. Полицијата добива и проширени надлежности за спречување и превенција на нарушувањето на јавниот ред и мир.

Пратеникот Тони Јаревски ги повика колегите да ги поддржат итните измени, посочувајќи дека е потребно да се надминат откриените пропусти за да се избегнат идни хаварии. Собранието, исто така, усвои измени и во други закони, вклучувајќи го и Законот за учителско образование и Законот за субвенционирање на студентски оброк, меѓу другите, сите по скратена постапка.

Тагови: закон пратеници собрание