Викендот во Градскиот парк на Школка во Скопје, се одржа првиот од низата Тениски фестивали за деца во организација на Тениската Федерација на C.Македонија. Овој настан под слоганот “Запознај го тенисот низ игра и дружба” го означи и почетокот на новата тениска сезона посветена на најмладите љубители на спортот.

На наше големо задоволство, фестивалот собра околу 300 деца на возраст од 4 до 15 години, кои имаа можност за првпат да се запознаат со основните движења и техники во тенисот, под внимателно водство на нашите професионални тренери. Преку игра, дружење и спортски дух, децата направија свои први чекори на тениското игралиште и со тоа го почувствуваа возбудливиот свет кој тенисот го нуди.

Целта на настанот беше да се афирмира тенисот меѓу младите, да се поттикне нивниот интерес и да се поттикне што повеќе деца да започнат со тренинг на тенис. Децата и нивните родители, воодушевени и полни со енергија, покажаа голем интерес.

Експертите нагласуваат дека децата кои од најрана возраст се занимаваат со спорт полесно развиваат самостојност, одговорност и концентрација. Веќе од 6-годишна возраст, децата се подготвени за организирани активности, а тенисот е одличен избор. Како и физичката активност воопшто, тенисот е сигурен рецепт за правилен раст и развој на децата. Во оваа смисла, важно е да се создаваат и негуваат спортски навики од најмала возраст, бидејќи тенисот има важна улога во здравјето и телесниот развој.

Веруваме дека за многумина од нив ова беше првиот контакт со тенисот, кој можеби ќе прерасне во љубов за цел живот. Искрено се надеваме дека некои од овие млади таленти еден ден ќе бидат идните амбасадори на македонскиот тенис на меѓународната сцена.

Особена благодарност до нашите верни поддржувачи и спонзори, кои со својата поддршка овозможуваат реализација на вакви значајни настани: УНИБанка – генерален спонзор, како и Витаминка, Аутомобиле СК, Чунга Лунга, Триглав Осигурување, СЕТЕК, Горска вода и Порта Инженеринг. Вашата енергија и доверба се движечка сила за развојот на младинскиот тенис во Македонија.

Во продолжение, ви пренесуваме дел од прекрасната атмосфера и радоста која се чувствуваше на настанот, преку фотографии од самата манифестација.

Тагови: УНИ БАНКА АД

Зегин ДОО е првата приватна компанија во Република С. Македонија регистрирана за продажба на лекови. Една од најуспешните и најголемите компании кај нас, со најдобра инфраструктура и најголема дистрибутивна мрежа.

Фармацевтски техничар со уверение - Скопје
Фармацевт со лиценца - Скопје
Фармацевт со лиценца - Струга
Фармацевт со лиценца - Охрид
Фармацевтски техничар со уверение - Охрид
Фармацевтски техничар со уверение - Струга
Оператор во печатница
Архивар
Магационер
Рачен пакувач

Се уште невработени?! Останатите огласи можете да ги најдете ТУКА.

Тагови: Зегин ДОО Скопје

Министерството за внатрешни работи информираше дека за време на викендот санкционирани се 2324 лица за сторени прекршоци од страна на учесниците во сообраќајот по однос на Законот за безбедност на сообраќајот на патиштата.

Во рамки на изречените санкции овој пат радарските контроли покажале дека дури 1132 возачи не ја почитувале пропишаната брзина на движење, додека пак за неправилно паркирање евидентирани беа 271 прекршок, како и 191 прекршок заради управување на возило без возачка дозвола. Покрај ова евидентирани се и 92 учесници во сообраќајот кои што не користеле сигурносен појас, заедно со 105 возачи на мотоцикл кои што не носеле заштитна кацига, а 45 санкции се изречени за користење на мобилен телефон при возење. Исто така, 78 возачи се отстранети од сообраќај за возење под дејство на алкохол, а 16 минале на црвено семафор, велат од МВР.

Од полицијата додаваат дека во врска со прекршоците од Законот за возила од сообраќај се отстранети вкупно 64 возила од кои заради техничка неисправност осум а заради неважечка сообраќајна дозвола 56 возила.

Од МВР посочуват дека сообраќајните контроли продолжуваат и во наредните денови и апелираат до граѓаните да ги почитуваат сообраќајните правила и прописи.

Тагови: МВР сообраќаен прекршок

Објавен јавен оглас за вработување на осум инспектори-инжинери на неопределено време.

Заинтересираните кандидати треба да имаат завршено Факултет од областа на информатика, електротехника, компјутерска техника и информатика, телекомуникациско инженерство и најмалку четири години работно искуство.

Слободните работни места се отворени во Агенцијата за национална безбедност, која за првпат од своето основање, објави јавен оглас за вработување.

Кандидатите, меѓу другите услови кои треба да ги исполнат, треба да дадат согласност и за полиграфско тестирање.

За кандидатот кој ќе го одбие, се смета дека не ги исполнува условите за засновање на работен однос во Агенцијата која игра клучна улога за безбедноста и стабилноста на државата.

Агенцијата за разузнавање има постојано отворен конкурс за вработување. Во свото петипол годишно постоење АНБ користеше кадри од претходната УБК или преземаше службеници од другите безбедносни служби.

Интересно е што на конкурсот за осумте инспектори воопшто не се бара сертификат или доказ за познавање на англиски или друг странски јазик што е норма во разузнавачкото работење, а и не е наведена возраст како ограничување за кандидатите.

Како што денеска соопштија од АНБ, ова претставува историски чекор во насока на транспарентноста и инклузивноста, што ја потврдува определбата на Агенцијата да ги следи највисоките стандарди во процесите на човечки ресурси и да им даде можност на сите граѓани што ги исполнуваат критериумите да станат дел од професионален тим посветен на заштита на националните интереси.

Јавниот оглас се однесува на засновање на работен однос на неопределено време за вкупно осум извршители. Заинтересираните кандидати треба да ги исполнуваат општите и посебните услови утврдени за конкретните работни места, при што се очекува висок степен на стручност, одговорност и интегритет. Образецот за аплицирање е достапен на официјалната веб-страница на Агенцијата за национална безбедност – www.anb.gov.mk во делот „Транспарентност“.

Со оваа иницијатива, Агенцијата испраќа јасна порака дека отвора ново поглавје во начинот на функционирање, градејќи институционална култура која ги препознава вредностите на компетентноста, еднаквите можности и професионалната етика. Ова е повик до сите квалификувани граѓани да се пријават и да станат дел од тимот што ја штити безбедноста на нашето општество. Дополнително, оваа отвореност кон јавноста претставува значаен чекор кон зајакнување на довербата меѓу институциите и граѓаните. Со воспоставување на транспарентни практики во процесот на вработување, Агенцијата за национална безбедност се позиционира како современа, професионална и одговорна институција, подготвена да се соочи со безбедносните предизвици на денешницата со капацитети и кадар кој ги отсликува вредностите и потенцијалот на нашето општество, се наведува во соопштението од АНБ.

Тагови: Агенцијата за национална безбедност инспектори-инжинери