“Staklarna Hrasnik”  од Словенија бара бравари од Србија. 

Кандидатите мора да имаат најмалку три години работно искуство во струката. 

Добро е кандидатите да знаат да работат на компјутер. 

Пробната работа е три месеци, а договори се склучуваат на година дена. 

Платата е 750 евра, а за Божиќ се исплаќа бонус, како и регрес од 600 евра. 

Работодавецот помага за пронаоѓање на сместување, а трошокот е на товар на работниците.

Конкурсот е отворен до 20 ноември. 

Бизарен случај на отпуштање бележи шпанскиот весник „El Pais“ кој открива дека синџирот на маркети Лидл во Барселона го отпуштил највредниот вработен кој секое утро доаѓал во 5 часот и порано започнувал со работа за да го подготви маркетот.

Во одлуката за отказот стои дека „има тешко прекршување на правилата за работа“, бидејќи Жан П., без да се пријави, доаѓал порано на работа, „правел нарачки, менувал цени и редел производи низ супермаркетот“.

Со тоа работникот ги прекршил правилата за работа на компанијата што се однесуваат на плаќање на вработените за секоја одработена минута и за уредно пријавување на почетокот и завршувањето на работното време.

Отпуштениот работник ја тужи фирмата на суд со образложение дека неправедно останал без работа и бара да биде вратен на работното место.

Адвокатот Жуан Герера тврди дека дури и Жан да ги прекршил правилата од тоа бенефит имал самиот Лидл, па затоа отказот е бесправен.

Жан наведува дека не барал другите работници да доаѓаат порано и дека никогаш не му било кажано дека треба да побара дозвола да доаѓа порано на работа. Тој исто така вели дека тоа го правел поради воведената реорганизација во продавницата поради која требало повеќе време да се подготви продавницата за отворање.

Бугарија ќе биде првата земја членка на ЕУ во која за Македонците нема да се наплаќаат дополнителни роаминг трошоци за мобилни разговори, пораки и интернет. Се очекува договорот да биде постигнат меѓу двете земји независно од директивите на ЕУ. 

Досега Македонија успеа да ги намали трошоците за роаминг со земји како Србија, БиХ и Црна Гора од опкружувањето со цел да ги следи европските политики каде на територија на ЕУ целосно е укинат роамингот како исторички чекор.

Подготвениот меморандум за билатералната спогодба меѓу Македонија и Бугарија може да биде потпишан на заедничката седница на двете влади која се планира да се одржи на 23 ноември во Струмица.

Тоа го најави бугарскиот министер Ивајло Московски, според кој со потпишување на меморандумот ќе им биде дадено зелено светло на мобилните оператори за намалување на цените на разговорите, на СМС-пораките и на интернетот во телефонскиот сообраќај меѓу двете земји. Според него, реално е да се очекува укинување на роамингот меѓу Бугарија и западнобалканските држави за време на нејзиното претседавање со Европска унија во првата половина на 2018 година.

Повеќе од 70% од работодавачите го користат LinkedIn за регрутација и вработување на нови таленти и затоа креирањето на ефективен профил може да биде токму разликата помеѓу тоа Вие да бидете избраниот кандидат или да бидете победени од конкуренцијата. 

Вашиот профил на LinkedIn може да ги покаже во најдобро светло вашите вештини и да го прикаже вашиот бренд само со едно пребарување, само со додавање и променување на ситни детали. Профилот покажува многу повеќе од само вашето резиме - профилот е платформа за вашиот карактер. 

Искористете некои од следниве совети:

1. Искористете одлична профил фотографија - Луѓето со слики на профилот добиваат 36 пати повеќе пораки и 21 пат повеќе прегледи на профилот отколку оние кои немаат, според студија од LinkedIn. Облечете се соодветно, употребете добро светло и за слика во позадина, искористете некоја од себеси во акција, за да прикажете одредени елементи од вашиот карактер. 

2. Вклучете ја вашата локација - Приближно една третина од регрутерите ги сведуваат нивните пребарувања според локацијата. Искористете го ова во ваша предност и додајте ја вашата локација. 

3. Напишете ефективно резиме - Вашето резиме ви дозволува да ја проширете кариерата до таму каде што сакате. Тоа е вашата шанса за да ги напишете уникатните детали за вашите вештини и таленти. Поделете го текстот на 3-5 параграфи, користете точки за да ги издвоите вашите клучни квалификации, способности и искуство и ставете примери од вашата работа. 

 4. Прифаќајте ги понудите за поврзување - LinkedIn е одлична мрежа за градење на вашата професионална мрежа и зголемување на вашата видливост на истата. За максимизирање на вашите шанси, вие треба да се обидете да имате што е можно повеќе конекции. Немојте да бидете полни предрасуди за конекции ако не ги познавате луѓето. Тоа е сосема неважно, прифатете ја поканата и видете како може тие да го надополнат вашиот професионален круг. 

5. Додајте барем 5 релевантни вештини - Според LinkedIn, членовите кои имаат пет или повеќе вештини именувано примаат 33 пати повеќе пораки од оние кои немаат наведено вештини. На овој начин, Вие исто така ќе рангирате високо во пребарувачките резултати од луѓето кои се обидуваат да се поврзат со вас. 

6. Објавување на содржина - Објавувањето на блогови или вести ви помага да бидете перцепирани како активни во вашата индустрија. Тоа ја зголемува вашата видливост кон работодавите и им дозволува на луѓето да ве додаваат како конекција.