Сигурно понекогаш си замислувате кои се оние работи кои треба да ги направите до крајот на оваа недела или пак до крајот на овој месец или пак до крајот на оваа година од која ни остана толку малку време. За да ви биде полесно, KARIERA.mk направи кратка анализа од повеќе интервјуа на успешни жени од светот кои се снаоѓаат одлично во бизнис светот, но истовреме се успешни и во приватниот живот.

Една жена нема никогаш да биде среќна доколку освен кариерата, не прави и други работи кои сите нас жените не прават насмеани, храбри и задоволни

Погледнете ја кратката листа на активности:

Јадат здраво

Нема ниту еден високо постигнат резултат без здрава храна и убав и здрав тен и тело. Храната поминува низ нашето тело и целосно влијае на нашето однесување и нашиот капацитет за да завршиме зацртани задачи во текот на некој период. Зеленчукот и овошјето се број еден на листите на сите успешни жени од светот.

Штедат пари за големи работи

успешните жени не трошат пари на ситници, туку штедат и купуваат големи и вредни работи. Не се лажете по 5 пара ефтини чевливо различни бои, наместо тоа заштедете поголема сума на пари и купете нов брендиран капут или пак нова трпезариска маса во која многу повеќе ќе уживате и ќе се восхитувате отколку на ефтините чевли кои ќе ви направат само проблем со стапалата.

Вежбаат

Вежбањето е дел од секојдневната рутина на жените од светот, се чини дека на овие простори многу малку жени мислат на своето тело и редовното кардио. Испотете се и сите негативни мисли и чувства ќе исчезнат за миг.

Наоѓаат барем два часа неделно за себе

Времето за себе потрошете го на она што најмногу ќе ги наполни вашите батерии. некои жени уживаат во маникир, педикир или пак добра едночасовна масажа во супер модерен спа салон, други пак уживаат во шопинг. Најдете ја својата пасија и уживајте во себе.

Имаат богат сексуален живот

Секоја успешна жена е насмеана жена - ова е многу тешко да се постигне без редовен сексуален живот со човек кој најмногу ни значи. Секогаш трудете се да допринесете во сексуалните фантазии на својот партнер и да се исполните себеси со задоволство и позитивно чувство.

Се едуцираат како да бидат уште подобри мајки

Сите успешни жени се едуцираат како да станат подобри мајки, без разлика дали сте мајка или не, природата на 99% од жените им дала предиспозиција на нежност и мајчински инстинкт, кој порано или подоцна проработува кај сите нас.

Читајте, образувајте се и споделувајте мислења за тоа како ќе ги воспитувате вашите деца и каква мајка сте или ќе бидете вие.

Поминуваат време со своите пријателки

Освен време за себе, за својот сакан и за своите деца, секогаш треба да најдете време и за своите пријателки. Овие жени или девојки се од вашата страна и тие биле во вашите животи многу порано од вашиот дечко, маж или пак децата.

Напијте се едено кафе неделно и раскажете си ги оние женски детали кои не можете да ги споделите со секој.

Одри Еванс, жената која својата кариера ја одбрала за да му помогне на човештвото.

Ви ја пренесуваме нејзината фантастична животна приказна низ 60 годишна кариера и посветеност низ кратко видео:

Како да ја победите нервозата на работа? Ова е прашања на кое само вие имате одговор.

Секој од нас понекогаш чувствува стрес на работа, но кога таа секојдневна напнатост не престанува, почнувате да се чувствувате анксиозно, уплашено и депресивно.

Чувството на напнатост и тешкотија поврзано за работата е нешто многу сериозно и силно влијае на нашата ментална поставеност кон животот надвор од работното место.

Од каде да почнете за да ја ублажите нервозата на работното место?

• Сами на себе бидете си поддршка со истите охрабрувачки зборови кои би му ги кажале на некој свој колега или пријател
• Сами на себе дајте си конструктивна критика и следниот пат поправете го вашето однесување
• Секогаш кога сте нервозни, помислете зошто сте на работа во тој момент
• Бидете објективни и рагледајте ја ситуацијата која ве направила нервозни од сите аспекти
• Користете ги предизвиците на работа кои ќе внесат новини и позитива во работењето

Кога ќе ги избалансирате овие различни внатрешни гласови, ќе видите дека анксиозноста ќе ви се намали или дури ќе се изгуби. Еднаш кога вашиот ум ќе воспостави рамнотежа, можете да научите да го прифатите налетот на адреналинот кој се јавува кога сме соочени со напнати и стресни ситуации.

Дали правите се што е потребно за да го добиете најдобриот талент кај вас? Или би се задоволиле со вработување на талентот што останал откако вашата конкуренција решила дека не е доволно добар за нив? 

Одговорот е едноставен: да или не. 

Вашата способност за регрутирање, вработување и задржување на најдобрите таленти почнува со разбирање на тоа што всушност е потребно за да се привлечат, вработат и задржат овие најдобри луѓе. Да погледнеме како изгледа поделбата на талентите гледана од ваш аспект.

• Долните 25 проценти

Овој процент на талент го претставува талентот кој има најнизок процент на перформанс за вас. Вашата цел тука е едноставна - не ги додавајте овие ресурси на вашиот им. Оваа група од потенцијални вработени ќе донесе хронично неработење во вашата работна атмосфера и само ќе го оштети вашиот менаџмент тим. На оваа група и недостига вештини за работење, желба за успех во улогата и/или вистнскиот пристап за да се биде дел од еден тим. 

• Средните 50 проценти

Оваа група е достапна за вас ако вие ги презентирате вашите работни места како „заменување на пари со време“. Вложениот труд и работа се платени без дискусија околу таа тема, меѓутоа работата не е ништо повеќе од тоа. Проблемот со овој пристап е дека скоро сите нудат време-за-пари договори. И повеќето компании го прават токму тоа: тие водат бизнис каде талентот е третиран ферски, но работите никогаш не се повеќе од заработените пари. Не е потребен многу труд за натпреварување за талент на ова ниво.

• Врвните 25 проценти

Ако целите кон градење на компанија која е искучителна во своето работење, вашата работа мора да биде повеќе од само плата. Овој вид на компании се насочени кон три нешта кои се однесуваат за нивните вработени: развој на кариера, стабилност во платата и работа/живот баланс. 

• Развој во кариерата - Ако јас дојдам да работам за вас, како ќе изгледаат следните две години за мене што се однесува до учење и можност за унапредување? 
• Стабилна плата - Дали можам да сметам на основно ниво на компензација која ќе ми дозволи да го живеам мојот живот? 
• Работа/живот баланс - Дали оваа работна средина ми дава можност да го најдам балансот помеѓу времето кое го трошам работејќи и времето кое го трошам фокусиран на работите кои ме интересираат?

Да, вие се уште нудите компензација во замена за нивното време. Но вие исто така нудите и инвестиција во нивната иднина, волја за да обезбедите финансиска стабилност и стил на менаџирање кој ја зголемува нивната среќа.