Колку добро ја познавате вашата конкуренција?

Во зависност од вашата индустрија или локација, пазарот може да биде презаситен со бизниси кои ги нудат истите услуги или ги нудат истите продукти како и вашата компанија. Не сите ќе успеат во својата дејност, порано или подоцна, една или две компании ќе се одвојат од толпата. 

Ако сакате да сте експерт во вашата работа, потребно е да ги научите ефективните вештини за анализа на конкуренцијата. Инаку, може да ризикувате да бидете во позадина од компании кои ги присвоиле овие стратегии пред вас. Не е лесно да се води бизнис, особено ако сте загрижени за соседната фирма која постојано ги зема вашите клиенти. 

Без разлика дали сте мала локална фирма или глобална компанија, неопходно е да ја анализирате вашата конкуренција. Доколку не сте го направиле ова претходно, во продолжение прочитајте неколку тактики како да го направите:

• Идентификувајте ја конкуренцијата

Именувањето на конкуренцијата е прва работа која е потребно да ја направите. Дури и ако знаете кои се вашите конкуренти, напишите ги на лист, ништо нема да ве чини. Исто така, потребно ви е дефинирање само на директната конкуренција, онаа која се занимава токму со истите услуги или нуди исти производи како и вас, ни помалку ни повеќе. 

• Која е вашата таргетирана публика?

Не претпоставувајте дека вашата таргетирана публика е иста како на конкуренцијата. Исто така не значи дека и треба да бидете сосема различни од нив, бидејќи тоа е нерационална одлука доколку е донесена без претходно истражување и може да ве воведе во уште поголеми проблеми. Дефинирајте ги следниве карактеристики за да го дефинирате вашиот таргет:

1. Години
2. Локација
3. Приход
4. Пол
5. Брачен статус

Дури и ако сметате дека таргет групата ви е иста или слична со конкурентите, потрудете се прeку различна маркетинг стратегија да ја прикажете на начин за да се издвоите од нив.

• Анализирајте ја нивната содржина

Да ги привлечете вашите потрошувачи на вашата онлајн платформа е еден предизвик, но што гледаат тие кога таму е сосема друг. Неколку нешта кои може да ги барате ва страната на вашата конкуренција се блогови, слики, видеа, кејсови, најчесто поставувани прашања итн. Направете споредба со вашата страна, тие моеж да имаат неколку карактеристики кои вие ги немате или обратно. Она што е важно да запомнете е да не се обидувате да бидете бледа копија. Искористете ги овие начини за да истражете подобро и истражуваното да го имплементирате на поинаков, креативен начин од конкурентите. 

• Погледнете го нивното влијание на социјалните медиуми 

Сите бизниси треба да се присутни на социјалните медиуми. Без разлика дали сте почетници или искусни во бизнисот, би требало да сте активни на социјалните медиуми како што се Facebook, Twitter, YouTube, Instagram. Ако не, потрудете се барем да си направете профили на мрежите. На овој начин, ќе може да ги разгледате профилите на конкурентите. Колку се активни, колку често објавуваат постови и слично. Една интересна идеја која може да ја искористите е да почнете да ги додавате нивните следбеници. Овие луѓе очигледно се заинтересирани за вашата индустрија, можеби единствено да не знаат дека вие постоите. Бидете креативни и употребете некои од овие начини за подобро поставуање ваше на пазарот како и формирање предност пред конкуренцијата. 

Искористете ги сите овие начини за да го подобрите влијанието на вашиот бизнис во индустријата и секој од нив индивидуално, ќе придонесе до зголемување на профитот.

Мудрите секогаш споделуваат она што треба да се сподели, и секогаш укажуваат на грешките кои не треба да се повторат. 

ПРВА ДЕЛОВНА ЛЕКЦИЈА 

Само што завршила со туширање жената, мажот влегол во купатило, кога затропал некој на врата. По кратко натегање кој да отвори врата, жената попуштила, набрзина се завиткала во пешкир и отворила врата. Таму Перо, нивниот прв комшија. 

- Комшике, ќе ти дадам 800 евра ако го симнеш тој пешкир. 

Кратко размислувала, го разврзала пешкирот и застанала гола пред Перо. 

Перо и дал 800 евра и заминал. 

Збунета но и среќна заради приликата лесно да заработи толкави пари, жената се прибрала пак во пешкирот и се вратила назад. 

- Кој беше? - Перо. 

- Супер, ти спомна ли нешто за 800-те евра што ми ги должи? 

НАРАВОУЧЕНИЕ: Доколку важните информации ги споделите со своите акционери, можете да спречите евентуални штети. 

ВТОРА ДЕЛОВНА ЛЕКЦИЈА 

Додека се возел со својот автомобил, свештеникот здогледал калуѓерка покрај патот. Застанал, и понудил превоз, таа прифатила. 

Седнала покрај него и ги прекрстила нозете откривајќи ги своите прекрасни колена. 

По некое време, ја спуштил својата рака на нејзините нозе. Таа го погледнала и му рекла: 

- Оче, зарем не се сеќавате на 129-от псалм? 

Свештеникот длабоко се извинил, ја повлекол раката, но, по некое време, повторно му отишла раката накај калуѓерката. 

- Оче, зарем не се сеќавате на 129-от псалм? 

Тој уште еднаш се засрамил: 

- Проштевајте сестро, телото е грешно. 

Калуѓерката стигнала до манастирот а свештеникот продолжил до својата црква. Влегол и веднаш ја побарал Библијата за да се потсети на 129-от псалм. А тој гласи: 

- Оди напред и барај, продолжи и ќе го спознаеш врвот на задоволството. 

НАРАВОУЧЕНИЕ: Ако не си доволно информиран за работата со која се занимаваш, можеш да пропуштиш сјаjни прилики. 

ТРЕТА ДЕЛОВНА ЛЕКЦИЈА 

Продавач, службеничка и нивниот директор отишле на ручек и на масата во ресторанот виделе стара лампа. Ја протриле и од неа излегол духот: 

- Обично исполнувам три желби, а бидејќи вие сте тројца на сите ќе им исполнам по една. 

- Јас сум прва! - извикала службеничката. - Сакам да сум на Карбите, да возам глисер и да имам куќа покрај море. 

Пуф, веднаш исчезнала. 

Гледајќи во чудо што се случило, изрипал продавачот. 

- Јас сум сега! Јас сум сега!!! Сакам да сум на Тахити, да лежам на плажа со мојата лична масерка и да пијам коктели! 

Пуф, веднаш исчезнал. 

- Ти си на ред му рекол духот на директорот. 

- Сакам откако ќе завршам со ручекот, овие двајца да ги видам вратени во канцеларија. 

НАРАВОУЧЕНИЕ: Секогаш пуштете го шефот да зборува прв. 

ЧЕТВРТА ДЕЛОВНА ЛЕКЦИЈА 

Oрелот по цел ден седел на гранка и не правел ама баш ништо. Го видел тоа зајакот и го прашал: 

- Може ли и јас да седам така како тебе и цел ден ништо да не работам? 

Орелот одговорил: 

- Може, зошто да не? 

И зајакот седнал на земја под орелот и почнал да дреме. Ненадејно се појавила лисицата, скокнала на зајакот и го изела. 

НАРАВОУЧЕНИЕ: Ако сакаш да не работиш ништо, мора да седиш многу, многу високo. 

ПЕТТА ДЕЛОВНА ЛЕКЦИЈА 

Седи гавран на гранка со парче леб во клунот. Мине лисицата и сака да му го земе лебот, па го прашува: 

- Знаеш ли кој се тепал во шумата? 

Нема одговор 

- Знаеш ли што е ново во шумата? 

Нема одговор 

- Знаеш ли кого секса шефот? 

- Кого? Извикал гавранот и нормално му паѓа лебот од клунот и лисицата му го зема 

НАРАВОУЧЕНИЕ: Никогаш не прашувај кого секса шефот, за да не останеш без леб. 

По повод Меѓународната недела на образованието, денес со почеток од 17 до 19 часот ќе се оддржи четврт по ред годишен Саем на колеџи во САД. Настанот ќе се одвива во просториите на Културно информативниот центар (КИЦ) во Скопје и влезот е бесплатен. 

Дваесет претставници на Амбасадата, влучувајќи го и заменик-шефот на мисијата, Микаела Швеицер - Блум, ќе зборуваат и презентираат за различните аспекти од своето искуство на американските колеџи и ќе бидат во можност да одговараат на прашања поврзани со високото образование во САД.

Ќе биде присутен и Советникот за образование од амбасадата на САД кој ќе одговара на прашања на сите заинтересирани за можностите за добивање стипендии од Владата на САД како и за програмите на образовна размена. Покрај тоа, на настанот ќе присуствуваат и советниците на EducationUSA кои ќе даваат информации за процесот на аплицирање на универзитетите во САД, како и за услугите што студентите може да ги добијат во центрите на EducationUSA во Македонија. 

Град сред море со куќи, канцеларии и ресторани наскоро би можел да стане реалност. Амбициозните планови врзани за овој проект наскоро почнуваат да се реализираат пренесува Индепендент.

Идејата за изградба на самоодржливи, автономни градови во меѓународните води е чекор поблиску до реализација.

Пилот проектот кој почна да се спроведува во Француска Полинезија ќе биде прва „пловна заедница“ и се планира да биде готов до 2020 година. Овој град ќе може да прими 300 жители.

Џо Квирк, претседателот на Институтот Систадинг, во неодамнешното интервју говореше за своите планови за градови на океан кои ќе бидат ослободени од ограничувањата на светските влади.

-Ако би можеле да имате пловен град, тоа веќе би била држава во правење, кажа Квирк, истакнувајќи ја својата разочараност од моменталните влади кои не стануваат подобри, туку се заглавени во минатото.

Тој на својот проект гледа како на начин преку кој би се избегнал овој систем.

Засега се спремни да соработуваат со постоечките влади како би можеле да направат „полуавтономна пловечка Венеција во рајот“.

Овој пловен град ќе биде сместен во „посебна економска зона“, овозможувајќи им на институтите да реализираат некои од своите идеи во релативно контролирана област.

Инженерите и архитектите ја посетиле локацијата во која ќе започне овој проект, кој ќе чини 167 милиони долари, пишува Индепендент.

Тимот склопил договор со државата да креира „единствен управувачки систем“ во парчето окен каде ќе започне овој проект.

Господинот Квирк за оваа идеја прв пат се заинтересирал во текот на фестивалот „Burning Man“ во Невада во 2011 година.

Оваа манифестација му дала идеја за друштво кое не верува во системот, чие процветување сака да го види на бреговите, пренесува Индепендент.

Ако се ова според планот, почетокот на работите се предвидува за 2018 година.

-До 2050 година сакам да видам пловечки градови, над илјада такви, се надевам, истакнува Квирк.

Погледнете го видеото: