Многу туристи кои се упатуваат кон Грција ова лето планираат да понесат дел од храната од дома за да заштедат пари за време на одморот. Сепак, пред да заминат, важно е да проверат какви се правилата на границата, бидејќи дел од храната повеќе не е дозволено да се внесува во земјата.

Особено строги правила важат за производи од животинско потекло. Ова значи дека патниците не треба да пакуваат месо и месни производи како што се колбаси, виршли, шунка, салама, паштета или шницли. Млеко, сирење, јогурт, павлака, како и готови готвени или пржени јадења што содржат состојки од животинско потекло се исто така забранети.

Доколку вакви производи се пронајдат за време на контролата, граничните служби имаат право веднаш да ги запленат и уништат, без можност да ги вратат на патникот.

Што е дозволено да се понесе?

Сепак, патниците не се целосно ограничени кога станува збор за храна. Дозволено е да внесете до пет килограми свежо овошје и зеленчук, а компирите се исклучок и не се дозволени.

Родителите со мали деца можат да внесат до два килограми млеко во прав за бебиња, како и до два килограми готова храна за бебиња или производи наменети за лица со посебни медицински потреби.

Исто така, дозволено е да внесете до два килограми храна за домашни миленици.

Храна што ја преминува границата без никакви проблеми

Туристите можат да внесат и голем број производи што не бараат посебни услови за складирање. Тие вклучуваат ориз, тестенини, бисквити, чоколадо, конзервирана храна, кечап, разни сосови, фабрички спакувани сокови и флаширана вода.

Овие намирници често претставуваат практично решение за патниците кои сакаат да ги намалат трошоците за време на одморот, а во исто време да избегнат проблеми на граничниот премин.

Обрнете внимание на вредноста на стоката

Покрај ограничувањата поврзани со видот на храна, важно е да се земе предвид вкупната вредност на производите што ги носите со себе. Постојат ограничувања за стока што се носи за лична употреба, така што вкупната вредност не треба да надминува 300 евра по патник, или 150 евра во поединечни случаи.

Затоа, на патниците им се препорачува внимателно да ја проверат содржината на нивните торби и ладилници пред заминување. Неколку минути проверка можат да спречат непријатности на границата и да овозможат безгрижен почеток на вашиот одмор на грчкиот брег.

Тагови: граница Грција храна

Државната администрација нуди одлични можности за работа и кариера, а порталот KARIERA.mk е идеално место за најдобрите кандидати да ги пронајдат огласите за отворените позиции. 

На платформата ќе најдете различни работни места во јавниот сектор, од најниските до највисоките позиции во разни министерства, агенции и други државни институции.

Моментално отворени позиции:

Помлад градежен испектор, Одделение за инспекциски надзор - Инспекторат

Помлад соработник за администрирање, утврдување и присилна наплата на данок на имот, Одделение за финансиски прашања

Помлад соработник за администрирање, утврдување и присилна наплата на данок на имот, Одделение за финансиски прашања

Помлад соработник за вршење на административни работи за јавни дејности, Одделение за јавни дејности, Сектор за правни, општи работи и јавни дејности

Советник за материјално - финансиско работење, Одделение за административно правни работи и материјално финансиско работење, Административна служба

Сите останати позиции за во државна администрација можете да ги најдете ТУКА.

Министерот за внатрешни работи, Панче Тошковски, во синоќешното гостување во емисијата „Топ Тема“ на Телма ТВ, најави серија реформи и засилени контроли во сообраќајот.

Тој се осврна на ефикасноста на системот со камери, безбедноста на мотоциклистите, како и на растечкиот проблем со електричните тротинети.

Дали камерите регистрираат странски таблици? Да. Дали ќе бидат предмет на казнување? Да. Системот е во фаза на подобрување и граѓаните набрзо ќе видат како ќе се процесираат овие прекршоци. Чуда не сме направиле, но дефинитивно сме подобриле многу нешта, изјави Тошковски, одговарајќи на забелешките дека сегашниот систем на камери не ги препознава странските регистарски таблички.

Министерот додаде дека првите видливи резултати во овој дел се очекуваат за околу еден месец.

Тошковски сподели загрижувачка статистика за изминатиот месец, каде што од 12 жртви во сообраќајот, дури 5 се мотоциклисти, а министерот вели дека за тројца од нив бил сигурен дека не носеле кацига.

Тој електричните тротинети ги посочи како огромен безбедносен предизвик и откри дека веќе се консултирал со голем број амбасадори за искуствата од нивните земји и најави законски измени.

„Овде мислам дека треба да одиме со порадикално решение во дел на забрани, старосна граница за управување и можеби регистрација. Тротинетите се огромен проблем од аспект на безбедност во сообраќајот и се надевам на конкретни решенија во најбрзо време“, најави Тошковски.

Тагови: Законот за безбедност на сообраќајот на патиштата Панче Тошковски Сејф сити - Безбеден град тротинет

Коj стои зад Orange Peel и како започна целата приказна?

Јас сум Елизавета, по потекло од Украина. Сакав да создадам нешто што ќе им се допадне на Македонците и што ќе може да се понесе како подарок за семејството и пријателите. Свеќите Orange Peel се инспирирани од градовите, природата и атмосферата на Македонија. Секој мирис е обид да се пренесе едно расположение, сеќавање или чувство поврзано со одредено место.

Сите свеќи се изработуваат рачно: јас ги избирам мирисите, ги правам свеќите, ги пакувам нарачките и ја водам страницата. Па така, ако ѝ пишете на Orange Peel, најверојатно комуницирате токму со мене.

Дали имашe момент кога сфати дека ова може да прерасне во нешто поголемо?

Да бидам искрена, засега само експериментирам и гледам каде ќе ме однесе овој пат. Но, навистина се надевам дека од Orange Peel ќе израсне нешто убаво, пријатно и омилено за многу луѓе.

Како изгледа еден твој „креативен ден“?

Обично наутро, кога има убава дневна светлина, снимам фотографии и видеа за страницата. Потоа ги излевам свеќите ако треба да се дополнат залихите, или пак ги поправам оние што не зацврстиле баш онака како што сум сакала.

Соиниот восок е прилично пребирлив материјал - при ладењето се собира и понекогаш создава празнини или нерамнини, па затоа на некои свеќи им треба малку дополнително внимание.

Исто така, ги пакувам и ги испраќам нарачките, доколку ги има. Всушност, зад еден мал бренд стои многу невидлива работа, но токму тоа најмногу ми се допаѓа.

Дали секоја свеќа има своја „приказна“?

Да, околу тоа и се гради идејата на брендот. Некои мириси се прилично буквални. На пример, свеќата „Галичица“ мириса на кедар, бор и мов - речиси како самата шума. Други мириси се повеќе асоцијативни. На пример, „Охрид“ е инспириран од летото охридскиот крај: зрели сливи, вишни и малку ванила.

Има и мириси кои предизвикуваат дискусии. За мене Скопје мириса на манго и кокосово млеко. Овој град ми делува модерен, жив и малку неочекуван. Но, моите пријатели воопшто не се согласуваат со овој избор.

Асоцијациите се многу субјективна работа. Еден и ист мирис може кај различни луѓе да разбуди сосема различни места, моменти и сеќавања, и тоа е сосема во ред.

Колку експериментираш додека го добиеш совршениот производ?

Секако, производ како што се свеќите мора да се тестира. Погрешната големина на фитилот може да предизвика „тунелирање“ кога свеќата гори само во средината. Исто така, погрешно пресметаниот процент на ароматично масло може да доведе до тоа свеќата да не биде доволно миризлива. Но, јас се држам до едно едноставно правило: подобро е да ја покажуваш својата работа отколку постојано да ја усовршуваш и никогаш да не почнеш. Затоа, кога сум задоволна од резултатот и кога сите технички детали се средени, ја споделувам готовата свеќа со вас.

Кој мирис ти е лично омилен и зошто?

Малку ми е жал, но мојот омилен мирис од линијата се покажа како најмалку популарен. „Зелен пазар“ мириса на грејпфрут и нане свеж, жив мирис со блага горчина, исто како вистински грејпфрут.

Како го градиш својот бренд и препознатливост?

Засега само социјалните мрежи, особено видеата. Во иднина планирам да учествувам на базари.

Каде ги гледаш Orange Peel во иднина?

Се надевам дека Orange Peel ќе продолжи да расте и да создава свеќи инспирирани од градови, природа и моменти од Македонија, притоа задржувајќи го рачниот пристап и личниот допир.

Какви реакции најчесто добиваш од клиентите?

Сите повратни информации се многу топли и позитивни. Луѓето често пишуваат колку им се допаѓаат мирисите а тоа е огромна инспирација. Јас самата не сакам тешки мириси, па затоа свеќите на Orange Peel се создадени да бидат лесни и пријатни, дури и за оние кои обично не сакаат парфимирани ароми.

Што би им порачала на луѓето што сакаат да започнат нешто свое?

Пронајдете го она што сакате да го правите и размислете што им е потребно на луѓето во моментов токму таму се раѓа вашиот идеален производ. Ако чекате сè да стане совршено, можеби никогаш нема ни да почнете. Едноставно направете го вашиот прв чекор. Ова се принципите до кои и самата се трудам да се придржувам.

Тагови: креативност Македонија уметност свеќи