Дали се сеќавате на вашето прво канцелариско биро? Ако сте започнале да работите во канцеларија во 90тите, многу е веројатно дека вашето моментално биро не е воопшто слично како тогашното. 

Тимот на Business Insider направил истражување колку бироата во нивните канцеларии се промениле во последните 20тина години и еве ги резултатите.

• Фиксните телефони исчезнале и сосема биле заменети од мобилните телефони

• Голем дел од вработените имаат повеќе монитори за работа
• Постоењето на „коцка“ канцелариите се повеќе исчезнува и канцелариите се најчесто отворени 
• Се почесто се користат „стоечки“ канцелариски бироа
• Windows95 не е повеќе последниот и најдобриот оперативен систем

• Не постојат повеќе купови од книги и документи бидејќи се е онлајн
• Вашиот CRT монитор и CPU куќиште не го зафаќаат најголемиот дел од вашето биро
• Лап-топот веќе може да си го земете со себе каде и да одите

• Екраните се скоро сите веќе на допир, бидејќи кој има време за користење на глувче? 

Доколку ви е потребен начин за проширување на вашата меморија, ова дефинитивно може да ви послужи:

Од информација до кариера!

На ден 23 ноември (четврток), со почеток во 13:00h во Битола ќе биде одржан вториот Саем на Кариера. Настанот ќе се одвива во просториите на Центар за култура - Битола (фоаје над голема сала), а организатори на настанот се Младински културен центар - Битола и Инфо Клубот - Битола.

Настанот вклучува штандовска презентација на компании кои нудат слободни работни места, кратки презентации од претставници на иновативни бизниси од Македонија, можност за посетителите да се запознаат и да разменат контакти со домашни компании. Дел од настанот се и интерактивни, инспиративни и едукативни говори за мотивација. Како и минатата година и оваа година KARIERA.mk ќе се претстави за можности кои овој сајт го нуди младите лица.

Саемот за кариера обезбедува простор за младите индивидуалци да ја пронајдат својата работна позиција. Настанот е во рамките на регионалната платформа YOUSEE за социјални иновации за намалување на младинската невработеност во соработка со Инфо клубот Битола, а поддржан од УНДП и општина Битола.

Влезот за настанот е бесплатен. 

Постојат неколку работни места и кариери кои би биле одлични за креативните луѓе.

1. Фото стилист - Подготвувањето на сцената за снимање е една од најважните работи кога се работи за комерцијалната фотографија. Без разлика дали работите хонорарно или како дел од тим, оживувањето на вашата визија е достигнување кое е и иновативно и задоволувачки.

2. Готвач - Подготвувањето на вкусни оброци бра сериозно знаење и импровизација. Со тестирањето на различни состојки и учењето како се вклопуваат заедно, вие може да креирате ваши уникатни рецепти. Плус, презентацијата многу е важна и тоа значи дека можете и тука да бидете креативни. 

3. Софтверски инженер - Да се биде софтверски инженер вклучува редици и редици на кодови и постојана употреба на компјутерот. Но не постојат многу други професии каде една идеја, како на пример веб страна, дизајн или апликација, доаѓа до живот пред вашите очи.

4. Дизајнер за ентериери - Постои причина зошто клиентите би ве побарале за да ги декорирате нивните домови или канцеларии: вашето креативно искуство. Ќе мерите димензии на соба, креирање на палети од бои и ќе купувате мебел секојдневно. Потребите на вашите клиенти ги креирате во прекрасен простор. 

5. Писател - Постојат многу страни на оваа професија кои бараат креативност, без разлика дали сакате да бидете автор или новинар. Смислувањето идеи, пишувањето приказни или романи и осмислувањето наслови е важен дел од оваа работа. Како ја раскажувате приказната е исто така огромен дел од ова и овие денови, тоа значи вклучување слики, видеа, графици и друг вид на мултимедиа. 

6. Професор - Дури и ако не сте професор по музичко или театар, да се биде во училница/амфитеатар бара креативност и иновативност. Смислување на начини за учениците и студентите всушност да засакаат предмети како математика, физика или литература не е лесно и бара планирање кое е и едукативно и забавно.

7. Соработник за маркетинг - Ова може да е единственото место каде размислувањето „надвор од кутијата“ не е само клише. Смислување маркетинг кампања за компанија или продукт е тешко и бара оригинални стратегии. Успешните маркетинг кампањи кои остануваат врежани во главата на потрошувачите се најчесто препишувани на најдобрите креативци.