Бојана Роквиќ од Белград пред 7 години се впуштила во претприемачките води со капитал од само 10 евра, а денес има свој ресторан. 

Таа во 2011 година ја напуштила работата во невладина организација, а денес има 10 вработени. 

Вели дека немала идеја што ќе работи откако дала отказ, па работела во кафуле, а потоа од дома правела храна и тоа го огласувала на Фејсбук. 

Луѓето почнале да нарачуваат и сфатила дека луѓето сакаат готови јадења за на работа. 

„Целиот пакет од тој ручек со супа, салата и главно јадење чинеше три-четири евра. Од човек на човек се прошири веста и работата се ширеше, а во целата работа за превоз ми помагаше татко ми. Задоволна сум, имам слобода за празник да не работам“ - вели таа. 

Во својот ресторан Роквиќ прави традиционални јадења. 

За оние кои допрва ќе почнуваат со свој бизнис им препорачува да имаат трпение. 

Вели дека вистинските идеи го наоѓаат патот до успехот, а за успех се потребни истрајност и посветеност. 

Македонија е најлошо рангирана според индексот на среќа во регионот, но e најдобра според условите за водење бизнис и економските слободи. 

Кога станува збор за глобалниот индекс на среќа, што го изготвил Earth Institute од 155 земји, Македонија е на 92 место, а пред неа се сите земји во регионот.

Во однос на индексите за слабост на државите, вредноста на пасошот, заканата од тероризам и корипцијата е рангирана во средината на листата, покажуваат податоците од неколку истражувања на меѓународни организации. 

Македонија, според индексот на слабост на државите на Фондот за мир, е подобро рангирана од БиХ и Србија, а полоша од Црна Гора, Хрватска и Словенија. На ова рангирање, на кое пониско место значи полош рејтинг,  Македонија е на 112 место,  Босна и Херцеговина на 93, Србија на 107, Црна Гора на 130, Хрватска на 138  и Словенија на 162. 

Во однос на вредноста на пасошот Македонија е повторно во средината на табелата меѓу земјите од регионот, односно е рангирана на 39 место. Од Македонија без визи може да се патува во 108 други земји. Најдобро рангирана е Словенија на 10 место затоа што со нејзината патна исправа без виза може да се влезе во 150 земји и Хрватска која е на 14 место со чиј пасош без виза може да се влезе во 145 земји. Србија е на 35 место, а со нејзиниот пасош може да се влезе без виза во 114 земји, со црногорскиот пасош во 105 земји, со пасошот на БиХ во 101 земја, а со пасошот на Косово без виза може да се оди само во 41 земја.

Македонија е најдобро рангирана земја во регионот и во однос на економските слободи и се наоѓа на 31-во место од 180 земји. Според индексот на економски слободи пресметан од страна на WSJ Heritage foundation, Косово е на 56, Црна Гора на 83, Босна и Херцеговина на 92, Хрватска на 95, Словенија на 97, а Србија на 99 место.

По прашањето на глобалниот индекс на тероризам кој го составува Институтот за економија и мир, најлошо рангирани се Косово на 70 место и БиХ на 78, Македонија повторно е во средината на рангирањето меѓу земјите со 92 место. Црна Гора е на 122 место, Србија 126, а Словенија и Хрватска го делат 130-то место.

Според параметрите за леснотијата за водење бизнис кои ги изработила Светската банка за 190 земји, Македонија е најдобро рангирана од сите земји во регионот и се наоѓа на 11 место. Словенија е 37, Косово на 40, Србија на 43, Хрватска 51, а Босна и Херцеговина е на 86 место.

Во однос на индексот на перцепција на корупцијата пресметан од Transparency international, од 176 земји Македонија е на 90 место, БиХ е на 83, Србија на 72, Црна Гора на 64, Хрватска на 55 и Словенија на 31 место.

Исланд стана првата земја во светот во која ќе биде илегално мажите да земаат повисоки плати од жените, пренесоа светките медиуми.

Според новиот закон, компаниите и владините агенции со повеќе од 25 вработени ќе треба да добијат сертификати за еднаквост на платите, а оние кои нема да успеат во тоа ќе бидат принудени да платат казни.

Станува збор за механизам кој ќе осигура дека мажите и жените се подеднакво платени за истите работни места, рече Дагни Оск Пинд, членка на одборот на Исландската асоцијација за женски права.

Новиот закон стапи на сила во понеделникот, а беше објавен на Денот на жената минатата година. Тој доби поддршка од коалициската влада и опозицијата во парламентот, каде што жените сочинуваат 50 отсто од членството.

Мислам дека луѓето почнуваат да сфаќаат дека нееднаквоста во платата е системски проблем со кој треба да се справиме преку нови методи, изјави Арадотир Пинд за „Ал Џезира“.

Инаку, светскиот економски форум (WEF) го прогласи Исланд за водечка земја во борбата против родовата нееднаквост деветта година по ред, а владата вети дека целосно ќе ја искорени нееднаквоста во платите до 2022-ра година.

Тимот на KARIERA.mk ви нуди преглед во некои од специфичните чекори за подобрување на вашите тактики на бизнис поврзување за да ги искористете максимално на наредниот бизнис настан.

1. Ограничете го бројот на контакти од настан 

Најважното работа кога се работи за овие поврзувања е квалитетот на контакти кои ги добивате, што значи типот на контакти, поврзаноста со вашиот бизнис и интереси, колку добра поврзаност имате и индивидуата која е вклучена. На обичен настан, 5 до 10 контакти е најверојатно се што ќе можете да си дозволите. Ова можеби не значи како многу контакти, но е повеќе од доволно доколку разговарате со вистинските луѓе. Ако присуствувате на два настани неделно, тоа се осум или повеќе настани месечно или 40 до 80 нови контакти на секоие 30 дена. Продолжете да го работите ова во наредните неколку месеци додека го одржувате контактот со луѓето кои сте ги запознале и наскоро ќе имате повеќе од доволно високо квалитетни контакти.

2. Трошете 5 до 10 минути зборувајќи и слушајќи ја секоја личност

Само затоа што не ги делите вашите визит карти на 1000 луѓе, не значи дека треба да потрошите повеќе од 20 минути разговарајќи само со една индивидуа. Инвестирајте неколку минути за да го запознете секој што е присутен. Побарајте им визит карта. И поврзете се со нив по завршувањето на настанот, бидејќи тука се случуваат главните нешта. Запомнете, се што правите моментално е поставување на сцената за идни бизниси.

Многу луѓе се двоумат како да завршат ваков вид на разговор. Не размислувајте премногу, лесно е да се заврши разговор на пријателски начин и со почит. Може да експериментирате со следните два начина: 

• Засновано на она што другата личност ви го зборува, размислете за некого во просторијата кој/а би можел/а да биде заинтересиран/а да разговара со нив. Дадете им до знаење дека таа личност е тука присутна и упатете се заедно со нив до таа личност и запознајте ги. Потоа оставете ги сами со изговорот дека ќе ги оставете да се запознаат подобро и да разговараат на заедничките теми. Ова е одличен начин да го напуштете разговорот и плус, да бидете конекцијата помеѓу двајца луѓе. 
• Ако нема никого со кој би можеле да ја запознаете личноста, заблагодарете им се за разговорот, дадете им до знаење дека се надевате дека патиштата ќе ви се спојат повторно и побарајте визит карта. Разговорот е завршен. 

  

Кога се работи за вториот пристап, особено е важно да сте љубезни. Ако не би сакале да ја сретнете повторно оваа личност, не искажувајте желба за спојување на вашите патишта во иднина. Наместо тоа, останете си професионални и побарајте визит карта. Не се извинувајте за завршувањето на разговорот и не кажувајте дека потребно е да запознаете други луѓе, бидејќи на овој начин само ги туркате подалеку од себеси луѓето. 

3. Пишувајте забелешки на задната страна од визит картите 

Не само што запишувањето белешки ќе ви помогне за запамтите што таа личност рекла на настанот, исто така и ќе ве забави малку да не трчате по просторијата и да го запознавате секој еден присутен. На предната страна може да го запишете датумот и името на настанот на кој сте присуствувале, а на задната кратки забелешки за разговорот кој сте го имале. Кога ќе ја контактирате подоцна личноста, ќе имате причина зошто ја барате. 

Две клучни идеи кога се работи за запознавање нови личности на бизнис настани:

• Вие не сте заинтересирани да продавате нешто на некому; Вие сакате да пронајдете начин за да им помогнете. Вие разбирате дека кругот се врти, особено кога се во прашање бизнис состаноците. 
• Вие сакате да креирате визуелен идентитет за секого што го запознавате. Визуелниот идентитет е одговорот на прашањето: „Како можам да се одвојам во умот на другата личност од сите други пет лица што тој/таа ги запознал овде?“

Држете се до овие идеи и совети и наредниот бизнис настан ќе биде особено успешен за Вас.