Раскажувањето на приказни, ситуации е важен дел од тоа да се биде човек и ова е начинот на кои сме ние сите поврзани многу години наназад. Не треба да е изненадување дека брендовите го користат раскажувањето на приказни за поврзување со своите клиенти и проторшувачи. Дури 92% од потрошувачите изјавиле дека би сакале рекламите на брендовите да се чувстуваат повеќе како приказни. 

Ако сакате потрошувачот да го купи вашиот бренд, потребно е да му покажете кои сте навистина. Преку раскажувањето на приказни, лидерите може да ја покажат својата страст кон работата, она што ги прави поразлични и да креираат емпатична врска со потрошувачите која на крајот, ќе доведе до поголеми цифри на продажба. 

Автентични и емоционални 

Раскажувањето на приказна со која може да се поврзат вашите клиенти е предизвик. Луѓето ги сакаат приказните, но не пред искреноста. 91% од потрошувачите ја вреднуваат автентичноста и ја вклучуваат при одлуката за купување од даден бренд. Ако целите кон стекнување доверба кај вашите потрошувачи, осигурајте се дека тоа што го комуницирате е точно. Дополнително, прочитајте уште неколку совети за раскажување на приказна која ќе допре до потрошувачите:

- Гледајте ги вашите потрошувачи како херои

Поставете ги вашите потрошувачи и проблемот кој треба да се реши како центар на вашата наратива. Колку подобро ги разбирате вашите клиенти како и светот во кој живеат, така подобро ќе ги согледате предизвиците и мотивацијата кој водат до тоа вашиот продукт да е совршеното решение за нив. Преку идентификување на предизвиците, вие веднаш ќе се насочите кон тоа зошто вашиот продукт го решава проблемот, како и за мотивацијата која им помага да го надвладеат проблемот. 

Ова може да го направите преку креирање детални персони, не само бледо именување на Персона 2 и Персона 2. Инвестирајте од своето време во истражувања за тоа како навистина изгледа таа Персона за да можете подобро да се посветите на нудење квалитетно решение. 

- Потпирајте се на вашиот бренд и на неговата содржина 

Влијателниот маркетинг се повеќе се вреднува како следната голема точка за брендовите и допир до поторшувачите и додека овие влијателни луѓе го имаат бенефитот на голем број следбеници, тие може да се доста скапи. 

Наместо да се стресирате за пари кои можеби ги немате, охрабрете ги секојдневните корисници да го подигнат нивото за свест за вашиот бренд преку натпревари, хаштази и подароци. Ќе бидете изненадени од тоа колку многу други корисници ќе се потрпрат на искуствата и мислењата на нивните најблиски. 

- Раширете ја вашата содржина на блогови и социјални медиуми 

Наместо да креирате премногу содржина, фокусирајте се на тоа што конкретно ги привлекува вашите потрошувачи. Повеќе од третина од потрошувачите им веруваат повеќе на компаниите кои нудат содржина насочена кон потрошувачите. Централизирајте ја вашата содржина и на подобрете ги односите со потрошувачите, начинот на мерење и сигурност дека вашата содржина му/и зборува на вашиот потрошувач. 

Многу често, пред да заврши годината луѓето си вршат оценување на постигнатите цели и си поставуваат нови цели на наредната година. Размислуваат за стратегии и начини за остварување на тие цели. Но, што се случува кога не знаете јасно кои се вашите цели, кога имате проблем со нивното дефинирање? 

Што се случува кога она што го сакате не е очигледно 

Што се случува кога не можете да преминете преку првиот чекор - јасно дефинирање на она што го сакате? Дури и ако бидете организирани и ги напишете своите цели, секојдневно се потсетувате за истите, може да не успеете во нивното остварување. Неуспехот се сведува на едно нешто - не ги постигнувате своите цели бидејќи тоа не е нешто што навистина го сакате.

Единствениот вистински одговор на прашањето „зошто го сакам ова?“

Еден од првите чекори за да откриете дали целите навистина ги сакате е поставување на прашањето „Дали јас ова навистина го сакам или само сакам да го сакам?“

Како што размислувате за некои од целите во претходната 2017та година - запишани, зборувани или скриени од сите, запрашајте се дали стои желба позади тие цели или само стои на вашата листа. Прашањето „зошто?“ е сосема логично при откривањето на вашиот мотив зад поставувањето на целите. Постојат многу причини поради кои ги поставуваме нашите цели, а не се наши искрени желби.

Социјалниот притисок на поставување значки на успех, вината и каењето за претходни неуспеси може да предизвикаат тврдоглаво остварување на цели кои немаат допирна точка во вашите желби. 

Што недостига на вашата листа? 

Постојат многу причини зошто не ги претворате желбите во пишани цели. Недостатокот на самодоверба и верување дека не заслужувате или не можеме да го имаме она што го сакаме се случува многу често. Стравот од „преголем залак“, како и „занесување во облаци“ исто така се присутни. 

Социјалните вредности или очекувањата од вашите избрани гледишта може да ја намалат желбата за насочување на себеси кон нешто што сметаме дека е вредно. Можеби размислувањето на луѓето околу вас како и размислувањето дека желбата да сакате нешто само за себеси звучи себично ја надвладуваат вашата желба за успех. 

Оваа година креирајте ја листата на цели, но и секојдневно проверувајте ја неколку пати за да се осигурате дека работите на нешто што навистина го сакате и сте желни да инвестирате време, пари и енергија. 

За некои луѓе, пишувањето на CV може да се опише како „шпагети на ѕид“ филозофијата - искористете ги сите карти што ги имате и видете која ќе биде успешна. Но, на регрутерите и менаџерите за вработување, најважен им е квалитетот, не квантитетот. Вие имате само седум секунди за да го задржите нивното внимание и затоа е подобро веднаш да ги презентирате добрите работи. Поради ова, добро е одвреме навреме да вршите проверки на вашите назначени вештини, способности и искуства во CV-то. 

Ако се уште се прашувате што би можеле да отфрлете од вашето CV, можете да започнете од следниве карактеристики:

• Јазик кој сте го учеле само во средно образование

Да, можеби сте учеле француски јазик за време на целото ваше средно образование, но дали навистина го поседувате тоа знаење да се чувствувате удобно во секојдневните разговори со луѓе чиј овој јазик им е мајчин? Ако одговорот е „не“, тогаш не треба да припаѓа во вашето CV.  Не е важно дали имате основно или средно познавање на еден јазик - ако не можете да го искористете за работа, оставете го. 

Најлошо можно сценарио е вашиот регрутер или менаџер да го зборува течно тој јазик и за време на интервјуто да разговара со вас, што значи и ако лажете во CV-то веднаш ќе бидете откриени. 

• Основни компјутерски вештини како e-mail или Microsoft Word

Во ова време, именувањето на овие две како вештини е еднакво на именување „читање“ или „основна математика.“ Тие не ве прават поразлични - тие се очекувани да ги поседувате како знаење. 

На регрутерите ова може да им се чини како да се обидувате да го зголемите волуменот на вашето CV бидејќи немате релевантен број на вештини за позицијата за која аплицирате. Еден исклучок од ова правило е ако сте имале специфична задача за која ви била потребно да ги користете мејлот или Microsoft Word - тоа е друг случај кој вреди да биде спомнат. 

• Социјални медиуми (ако не сте ги користеле како дел од работата)

Можете да имате илјадници следбеници на Twitter, пријатели на Facebook и бескраен број на допаѓања на Instagram, но менаџирање на вашиот личен бренд и менаџирањето на професионалниот бренд на компанијата се две сосема различни работи. Работењето на социјалните медиуми во професионално опкружување често бара многу повеќе од само објавување на содржина - најчесто вклучува анализа на податоците, искуство со платена содржина и слично. 

• Меки вештини 

Ова е малку трик карактеристика бидејќи регрутерите сакаат да видат збир на меки вештини во вашето CV. Меѓутоа, тие мораат да бидат презентирани преку примери отколку само да бидат именувани. Да кажете дека сте одличен комуникатор е бескорисен факт ако немате конкретни примери да го докажете. 

Особено е важно да ги прикажете вашите меки вештини на многу јасен начин во вашето CV. На пример, наместо да внесувате само „Лидерство“ или „Вештини за мултитаскинг“, подобро е да напишете „Водење на проект за комплетирање на X% стапка на ROI преку релевантна позиција.“ На овој начин, ќе може да биде мерливи до одредени граници вашите меки вештини и ќе му дадете отворена можност на регрутерот да ги провери истите. 

• Претерувања или лаги 

Работобарателите многу често ги копираат вештините од конкретен оглас во нивното CV. Но, ако немате ниедна од наведените вештини, не ги вклучувајте само и само поради работата. Ако сметате дека ќе се извлечите, неспособностите ќе излезат на виделина. 

Ако немате одлични вештини за јавно говорење, не го ставајте ова во вашето CV. Ако вашата работа бара секој ден да застанете пред 100 луѓе и да одржувате говор, многу е веројатно дека ќе пропаднете во работата особено брзо. 

Но, ова не значи дека треба да ги имате сите потребни вештини кои се прикажани во огласот за да аплицирате за работа - едно добро правило е дека 80, 90% е добар процент за да аплицирате. 

• Ирелевантни или смешни вештини 

Ова може да звучи многу очигледно, но навистина постојат луѓе кои би вклучиле во нивното CV „експертско ниво на правење њоки“ или „шампион во пинг-понг.“ Не вклучувајте вештини кои се ирелевантни за работата за која аплицирате. Дури и да знаете дека поседувате некои вештини некогаш е подобро да не ги напишете. Да, постојат некои регрутери и менаџери за вработување на кои оваа карактеристика ќе им биде смешна. Но, кога аплицирате за работа, не знаете кој ќе ги цени овие способности, а кој не. Затоа е подобро да си останете професионални до крај. 

Првиот чекор во вработувањето во конкурентна индустрија е да го разберете и променете начинот на кој моментално гледате на нештата. Кои се нештата за кои треба да размислете доколку сакате да работите во конкурентски кариерни индустрии?

Можности за успех во кариерата 

Еден од најважните фактори е постојаната желба за да се вработите на таа работна позиција. За многу успешни луѓе се верува дека имале среќа, но вистината е дека потребна е огромна желба и упорност без разлика во која област работите. 

Правењето жртва е нешто што е многу често во секоја индустрија и потребно е да бидете подготвени за тоа. 

Повеќе од желба 

Не е потребна само желбата за да ја добиете работата која ја посакувате, бидејќи најголемиот дел од луѓето веќе ја поседуваат таа љубов и желба кон работата кон која и вие целите. Развојот е она што влијае на вашите способности. Потребно е да ги развиете потребните вештини за успех. Без разлика дали сакате да бидете новинар, доктор, адвокат или претприемач, Вам ви се потребни вештини кои ќе ви овозможат да ги работите задачите кои ви се дадени. 

Постојано вежбајте ги вашите вештини и преку тоа, и вашата енергија ќе се промени драматично. Енеријата која се добива од стекнувањето знаење е онаа што ви дозволува да ја смените вашата перспектива. Ова ви дозволува да ги проширите вашите хоризонти и намерата на вашата цел. 

Она што не го знаете, не го знаете

Последната компонента која морате да ја процесирате е знаењето. Како го стекнуваме знаењето кое ни е потребно за успех во дадена област? Тоа го правите така што ќе бидете повеќе заинтересирани, отколку интересни. Искористување на сите податоци и содржини до кои имаме пристап и најважно, барање на помош. Знаењето е тесно поврзано со да се биде човечен и затоа треба да бидете во можност да побарате помош за да ја добиете работата која ја посакувате. 

Услуга и овозможување вредност 

Со цел да задржите една позиција во вашата посакувана индустрија, не само што е потребно да имате желба и постојана љубов за индустријата, туку и постојано развивање на вештините со кои сте ја добиле позицијата на прво место. Барајте помош доколку ви е потребно и нудете ја и на другите кои ќе го вреднуваат вашиот труд уште повеќе.