Не престануваат огласите за вработувања во јавните институции и во Владата.
Поради привремено зголемен обем на работа, Службата за општи и заеднички работи на Владата објави јавен оглас за ангажирање на 26 лица на определено време, додека трае потребата на институцијата, a најдолго 1 година, објави денеска емагазин.

Според огласот се бараат пет возачи во гаража во Одделението за превоз и одржување на моторни возила.
Основната нето плата изнесува 13.525 денари.

Потоа се бараат двајца возачи со Д категорија во Одделението за превоз и одржување на моторни возила.
Основната нето платаизнесува 16.136 денари.

Се бараат и четири келнери во Одделението за угостителство во Собрание, Влада, Клуб на органите на управата, Вили во Скопје и резиденцијалните објекти.
Основната нето плата изнесува 13.112 денари.

Се бараат и двајца садомијачи во кујна во Одделението за угостителство во Собрание, Влада, Клуб на органите на управата, Вили во Скопје и резиденцијалните објекти.

Основната нето плата изнесува 12.011 денари.

Се бараат и двајца кафе готвачи во Одделението за угостителство во Собрание, Влада, Клуб на органите на управата, Вили во Скопје и резиденцијалните објекти.
Основната нето плата изнесува 13.112 денари.

Потоа се бараат четири даклтило работници во Одделението за извршување нормативно правни, стручно -административни и архивски работи.
Основната нето плата изнесува 12.068 денари.

Се бараат и двајца самостојни референти за дебатен стенограф во Одделението за извршување нормативно правни, стручноадминистративни и архивски работи.
Основната нето плата изнесува 15.681 денари.

Се бара и еден самостоен референт архивар во Одделението за извршување нормативно правни, стручно административни и архивски работи.
Основната нето плата изнесува 15.681 денари.

Се бара и еден самостоен референт организатор за обезбедување на машински инсталации во Одделението за тековно одржување на објектите на државната управа и следење на комуналните трошоци.
Основната нето плата изнесува 15.681 денари.

Се брааат и тројца самојстојни референти и контролор за денарско и девизно работење и пресметка на плати во Одделението за сметководство и плаќања.
Основната нето плата изнесува 15.681 денари.
 

Во последните месеци од минатата година беше изготвен нов текст на предлогот на Закон за приватните агенции за вработување, а во процесот беше обезбедено широко учество на сите засегнати страни, вклучително и на постоечките агенции за посредување за вработување и агенции за привремени вработувања, информираа во петокот од Министерството за труд и социјална политика.

Основањето и функционирањето на постоечките два типа на приватни агенции за вработување, агенциите за посредување за вработување во земјата и во странство и агенциите за привремени вработувања, беше уредено со два посебни закона, односно Законот за агенциите за привремени вработувања и Законот за вработувањето и осигурување во случај на невработеност.

Од министерстото појаснуваат дека ваквото уредување на споменатата материја, којашто по својата суштина е многу слична, честопати доведувала до забуна и правна несигурност кај потенцијалните кандидати за вработување и основачите на агенции.

Целта на сегашниот Предлог на Закон е да постои единствено регулирање на приватните агенции за вработување и надминување на постојните проблеми при имплементација на законите, кои како предмет на уредување ги имаат приватните агенциите за вработување, како и заштита на работниците вработени преку овој вид на агенции од можни злоупотреби.

Предлогот на Закон за приватните агенции за вработување беше ставен на разгледување на седница на Економско-социјалниот совет на која присуствуваа и преставници од агенциите. Советот, како национално трипартитно тело даде позитивно мислење за предлог Законот, и истиот е доставен до Владата на Република Македонија.

Периодот од денот кога милијардерите создаваат голем дел од своето богатство е токму утрото.

Том Корли, авторот на книгата "Rich Habits", во текот на пет години ги проучувал животните навики на 233 милионери во светот.

Корли заклучил дека оваа група на луѓе најголем дел од својата сила ја вложуваат во утрото.

Милионерите во раните утрински часови (поединци се будат во 3 или 4) најмногу медитираат, вежбаат, работат на решенија на проблеми и читаат. Оваа последната ставка е исклучително важна, бидејќи оваа група на луѓе постојано се труди да ги прошири своите знаења.

Милионерите така некое време трошат на читање ведри, мотивациони и инспиративни работи, благодарение на кои стекнуваат добро расположение за работа и достигнување на цели кои си ги поставиле пред себе.

Возилата што повеќе загадуваат и се постари да плаќаат повисока цена за регистрација. Ова е една од мерките кои се разгледуваат за намалување на аерозагадувањето, пренесува Алфа.

Единствената официјална информација е дека сите автомобили ќе добијат еколошки лепенки кои ќе бидат во различна боја и ќе покажуваат кој автомобил колку загадува.

Со тоа на полесен начин би се селектирале сите оние кои треба да бидат исклучени од сообраќај при енормно загадување на воздухот. Молк за тоа колку би чинеле техничките прегледи за мерење на загадувањето на секој автомобил а и самите лепенки.

Според последните податоци на Државниот завод за статистика на македонските патишта, заклучно со крајот на 2015-та година, имало вкупно 383.833 регистрирани автомобили. Најголем дел од нив, 261.470, се произведени пред 2002-та година односно се постари од 15 години! Што  би значено дека доколку би стапил во сила законот за повисоки давачки на постарите возила повеќе од половина од луѓето ќе мораат да плакаат повисока цена за регистрација.

Покрај поскапата регистација на постарите возила, предвидено е менување на табличките на такси превозниците, сите таксисти ќе треба да добијат жолти регистрации со што би се одвоиле од останатите автомобили.