Секој граѓанин на Република Македонија кој остварил дополнителни приходи покрај плати и пензии задолжително до 15 март треба да поднесат годишна даночна пријава до Управата за јавни приходи.

До крајот на оваа година мора да се регистрираат на системот е-Персонален данок – за УЈП во следната година да може самата да ги пополнува даночните пријави на граѓаните.

Кога оваа промена ќе стапи во сила, граѓаните ќе можат само да ги коригираат пријавите доколку има потреба.

Тоа значи дека претстојниот 15 март е последен кога граѓаните сами на шалтерите на УЈП треба да го пријават данокот, од следната година нема да доставуваат пријави и извештаи во Управата.

Од УЈП информираат дека подготвиле и брошура која треба да ве упати како да ги пријавите приходите во Годишната даночна пријава (образец „ПДД-ГДП”).

Од УЈП апелираат граѓаните да побрзаат со поднесувањето на пријавите за да се избегне гужвата од минатите години кога најголемиот број граѓани пријавите ги доставуваа во последните неколку денови од рокот.

Во прилог – образец „ПДД-ГДП
 

Дигиталната валута доживеа нов удар  откако неколку банки забранија купување на биткоини со кредитни картички.

Тоа доведе до нов пад на вредноста на криптовалутата на помалку од 6.000 долари за еден биткоин.

Последната рестрикција од банките само се надоврза на низата негативни случувања што ја туркаат вредноста на биткоинот и ја доведоа до помалку од една третина од највисоката достигната вредност од 19.511 долари на 18 декември.

Дури и најверните и најголемите ентузијасти ќе паднат во креативна стагнација. За среќа, постојат некои лесни работи што секој може да ги направи за да ја врати својата инспирација и концентрација. 

Еве кои се според „business2community“.

1. Пронајдете златна средина помеѓу редот и нередот.

Премногу работи околу вас може да ви го одвлечат вниманието, но малку хаос и помага на креативноста. Најди го балансот што најдобро функционира за тебе.

2. Оградете се со жолто.

Која боја е најсоодветна за работната средина? Ова мора да биде сенка што ќе ве стимулира без да бидете премногу силни. Според голем број на студии, соодветната боја е жолта.

3. Поделете го работниот простор на два дела.

Едниот е оној со компјутерот, а другиот е "бескомпромисна" зона. Оваа поделба ќе и помогне на вашата продуктивност.

4. Диверзифицирајте го работното место.

Ако е можно, работете од различни места - понекогаш од канцеларијата, понекогаш од дома или од трето место. Разновидноста ќе ве направи покреативни и флексибилни.

На Волстрит во понеделникот индексите на Dow Jones и S&P 500 паднаа за повеќе од 4 отсто, најголема дневна загуба во последните шест години, а во еден момент Dow Jones беше во минус скоро 1.600 поени, што е најмногу во историјата.

Dow Jones заврши со загуба од 1.175 поени, или 4,60 отсто, на 24.345 поени, додека S&P 500 падна за 4,10 отсто на 2.648 поени, додека Nasdaq Composite индексот 3,78 отсто, на 6.967 поени.

Во сите 11 најважни сектори на индексот на S&P 500 цените на акциите остро паднаа вчера, а најголеми загуби се евидентирани во финансискиот, здравствениот и индустрискиот сектор

Падот на Dow Jones и S&P 500 индексот за повеќе од 4 отсто во еден ден не е забележан од август 2011 година, кога пазарите беа под притисок од должничката криза во еврозоната и надолниот рејтинг на САД.

Вчера забележаа пад цените на сите 30 акции од составот на Dow Jones, која во еден момент беше минус од 6.3 проценти, или речиси 1.600 поени, а таков пад во еден ден не е виден досега.

Остриот пад на овие индекси е последица на стравувањата на инвеститорите од инфлацијата и каматните стапки. Веќе минатата недела цените на акциите паднаа остро откако беа објавени податоци за силен раст на вработеноста и платите во САД.

Тоа, всушност би може да го стимулира растот на потрошувачката, а со тоа и на инфлацијата, што може да доведе на американската централна банка да го забрза темпото на зголемување на основната каматна стапка.

ФЕД минатата година ги зголеми клучните каматни стапки три пати за 0,25 процентни поени, а се очекува дека оваа година дополнително ќе ги зголеми каматните стапки со два до три пати, почнувајќи од март.