Дури и најверните и најголемите ентузијасти ќе паднат во креативна стагнација. За среќа, постојат некои лесни работи што секој може да ги направи за да ја врати својата инспирација и концентрација. 

Еве кои се според „business2community“.

1. Пронајдете златна средина помеѓу редот и нередот.

Премногу работи околу вас може да ви го одвлечат вниманието, но малку хаос и помага на креативноста. Најди го балансот што најдобро функционира за тебе.

2. Оградете се со жолто.

Која боја е најсоодветна за работната средина? Ова мора да биде сенка што ќе ве стимулира без да бидете премногу силни. Според голем број на студии, соодветната боја е жолта.

3. Поделете го работниот простор на два дела.

Едниот е оној со компјутерот, а другиот е "бескомпромисна" зона. Оваа поделба ќе и помогне на вашата продуктивност.

4. Диверзифицирајте го работното место.

Ако е можно, работете од различни места - понекогаш од канцеларијата, понекогаш од дома или од трето место. Разновидноста ќе ве направи покреативни и флексибилни.

На Волстрит во понеделникот индексите на Dow Jones и S&P 500 паднаа за повеќе од 4 отсто, најголема дневна загуба во последните шест години, а во еден момент Dow Jones беше во минус скоро 1.600 поени, што е најмногу во историјата.

Dow Jones заврши со загуба од 1.175 поени, или 4,60 отсто, на 24.345 поени, додека S&P 500 падна за 4,10 отсто на 2.648 поени, додека Nasdaq Composite индексот 3,78 отсто, на 6.967 поени.

Во сите 11 најважни сектори на индексот на S&P 500 цените на акциите остро паднаа вчера, а најголеми загуби се евидентирани во финансискиот, здравствениот и индустрискиот сектор

Падот на Dow Jones и S&P 500 индексот за повеќе од 4 отсто во еден ден не е забележан од август 2011 година, кога пазарите беа под притисок од должничката криза во еврозоната и надолниот рејтинг на САД.

Вчера забележаа пад цените на сите 30 акции од составот на Dow Jones, која во еден момент беше минус од 6.3 проценти, или речиси 1.600 поени, а таков пад во еден ден не е виден досега.

Остриот пад на овие индекси е последица на стравувањата на инвеститорите од инфлацијата и каматните стапки. Веќе минатата недела цените на акциите паднаа остро откако беа објавени податоци за силен раст на вработеноста и платите во САД.

Тоа, всушност би може да го стимулира растот на потрошувачката, а со тоа и на инфлацијата, што може да доведе на американската централна банка да го забрза темпото на зголемување на основната каматна стапка.

ФЕД минатата година ги зголеми клучните каматни стапки три пати за 0,25 процентни поени, а се очекува дека оваа година дополнително ќе ги зголеми каматните стапки со два до три пати, почнувајќи од март.

Европарламентот денеска на пладне ќе одлучува дали ќе го укине летното сметање на времето.

Одговорајќи на граѓанските иницијативи и петиции, кои главно се насочени кон загриженоста за здравјето од ефектите од двапати годишно менување на начинот на сметање на времето, Комисијата за транспорт во Европарламентот подготви предлог-резолуција со која се предлага запирање на таквата пракса.

За предлогот главно се залагаат балтичките и скандинавските земји.

Пролетните и есенските промени во земјите-членки на ЕУ се регулирани со директивата на ЕУ за летно сметање на времето. Треба да се одржува единствен временски режим во ЕУ, дури и ако се укинат промените на часот, се вели во текстот.

Се очекува европарламентарците да ја повикаат Европската комисија да предложи укинување на летното сметање на времето.

Законот за материјално обештетување на стечајците донесен во септември 2017 година ќе се дополнува со цел да се опфатат поголем број на стечајни работници, ова го најави и министерката за труд и социјална политика Мила Царовска, но и кумановските стечајци кои мака мачеа да изнајдат решение со надлежните, бидејќи првичниот закон предвидуваше обештетување за само неколкумина од нив.

Дополнувањето ќе се однесува на членот 2 од законот, вели Лилјана Георгивска претседател на кумановското здружение на стечајни работници „УНИТ“. Според членот законот ќе ги опфати и акционерските друштва и фирмите кои биле приватизирани.

Треба стечјаниот работник да бил во фирма додека било акционерско друштво настанато или приватизирана фирма, така да сега очекуваме најмалку 600-700 стечајци од Куманово да бидат опфатени, затоа што сме најголем индустриски град во Македонија, односно најмногу имавме фабрики и фирми. Морам да кажам дека во самиот старт погрешно е поставен законот, бидејќи и покрај нашето сугерирање не бевме прифатени и сослушани, но што е тука е и правиме напори се да се заврши за оваа година и ќе има пообемен број, вели Георгиевска.

Наместо да има 3.000 обештетени работници, досега според Георгиевска има 2.460 на ниво на државата, а се очекува бројката да надмине и над 4.600 поранешни работници, а ќе останат оние кои останале технолошки вишок во компании кои биле во приватна сопственост и оние кои спогодбено ја напуштиле работата, а за тоа земале паричен надоместок.

Ние располагаме со многу мал број, имаме 101 решение во Штип, во Крива Паланка околу 130 решенија, во Куманово за жал 56 решенија, во Струмица и Радовиш најмалку 5-6 решенија, Кавадарци и Неготино десетина. Пак имаат среќа оние кои никогаш не биле со нас да се борат за нашите права, да искорстат како скопјани, гевгеличани, беровчани, како сите други, но на сите нека им е со среќа, борбата е за сите, вели Георгиевска.

Оние стечајни работници, кои немаат 15 години работен стаж во компанија со доминантна државна сопственост, за да бидат опфатени со законот ќе мора да ги одработат оние месеци кои им недостасуваат. Меѓу нив и лидерот на кумановските стечајци Лилјана Герогиевска која треба да одработи 10 месеци.

Без оглед дали Лилјана Георгиевска некаде ќе е вработена, се уште не сум, ама ќе морам, затоа што немам 15 години во државна сопственост, туку 14 години и 2 месеци, другото е приватизирано, па морам да одработувам, затоа што самиот закон е до вработување или пензионирање, така што и такви случаи ќе имаме многу. Најважно е морам да кажам на фирмата да не е сменет матичниот број затоа што секој газда кој го сменил тој број, за жал нема и тие да влезат, тоа не е наша вина, тоа е од министерство, ние нема да ги оставиме на цедило, додава Георгиевска.

Дали на работа или обештетени, Здружението ќе работи и ќе се бара начин сите да се обештетат вели Георгиевска.

Со новите измени во законот исто така се релаксира и возраста, односно барателот треба да има 52 и 55 години старост, но во моментот на поднесување на барањето, а не во моментот на донесувањето на законот.