Шпанија ја посетиле речиси 75 милиони странски туристи во изминатата година, што е за десет проценти повеќе отколку во 2015 година.

Повеќе од 74 милиони, веројатно 75 милиони странски туристи во 2016 година ја посетиле Шпанија - изјави генералниот секретар на Светската туристичка организација при Обединетите нации WTO, Талеб Рифаи на конференцијата за новинарите, пренесува агенцијата Франс прес.

Секој посетител, според неговите зборови, потрошил во просек по 800 евра во текот на својата посета, а кога станува збор за целата година, туристите потрошиле повеќе од 60 милијарди евра во таа земја.

Шпанија во 2015 година ја посетиле нешто повеќе од 68 милиони туристи, што ја направи трета најпосетена дестинација во светот, по Фанција и САД.

WTO на 17 јануари ќе ги објави податоците за глобалниот туризам за 2016 година, а се проценува дека меѓународниот туризам пораснал за четири проценти во минатата година.

Во корпоративниот свет се уште никој не може да ги надмине технолошките гиганти Apple, Google и Microsoft во однос на вредноста на нивните брендови. Трите компании ја предводат листата на Forbes за најскапите брендови во светот за 2016 година

Технолошките гиганти сепак остануваат далеку назад, што се однесува до обртот. Најбогатата компанија за 2015 година по приходи нема никаква врска со технолошкиот сектор. Тоа е американскиот синџир за трговија Wal-Mart Stores која заработила 485,65 милијарди долари за минатата година.

Статистичкиот онлајн портал Statista покажуваат дека лидер на приходи е нафтената индустрија, a шест од десетте најбогати корпорации се од овој сектор.

Веднаш по Wal-Mart по приходи се кинеската хемиска и нафтена корпорација Sinopec, а по неа се Royal Dutch Shell, PetroChina, Exxon Mobil, British Petroleum и Total.

Во топ 10 место наоѓаат уште лидерите во автомобилската индустрија Toyota Motor и Volkswagen.

Дури на 12-то и 13-то место на листата се технолошките гиганти Samsung и Apple. Еве и кои се другите корпорации кои се рангираат меѓу 25-те најбогати компании по приходи:

Компании Приходи во милијарди долари
Wal-Mart Stores 485.65
Sinopec 433.31
Royal Dutch Shell 385.63
PetroChina 367.85
Exxon Mobil 364.76
BP 334.61
Toyota Motor 248.95
Volkswagen 244.81
Glencore 209.22
Total 194.16
Chevron 191.76
Samsung Electronics 188.48
Apple 182.8
Phillips 66 161.21
Daimler 157.04
General Motors 155.93
General Electric 148.59
Ford Motor 144.08
Petrobras 143.35
CVS Caremark 139.37
McKesson 137.61
E On 134.89
Hon Hai Precision Industry 133.18
Eni 132.83
AT&T

Избраниот претседател на САД, Доналд Трамп, во Њујорк разговарал со кинескиот милијардер и основач на Alibaba, Џек Ма. Тема биле заеднички проекти и отворање милион работни места во Америка.

Имавме извонреден состанок. Џек и јас заеднички ќе правиме некои прекрасни работи - изјави Трамп за новинарите по средбата.

Ма изјави дека САД-Кина односите „треба да бидат зајакнати, попријателски и попродуктивни“.

Истовремено дојде информацијата дека Alibaba го презема синџирот кинески стоковни куќи Intime за 2,6 милијарди долари, во рамки на план за приватизација на оваа трговска компанија.

Невработеноста во ЕУ достигна најниска вредност по речиси 8 години, станува јасно од податоците на „Еуростат“. Таа е на ниво од 8,3% до крајот на ноември, откога се последните објавени податоци. Месец порано невработеноста беше на ниво од 8,4%, а пред една година – 9 отсто.

Луѓето без работа во рамките на еврозоната се 9.8%, без промена во однос на месец порано, но со значително намалување од 30-ти ноември 2015-та година, кога невработеноста достигна 10,5 отсто.

Според последните податоци на „Еуростат“, вкупно 20.4 милиони мажи и жени во ЕУ се без работа, како од нив 15.8 милиони луѓе се во еврозоната. Наспроти октомври 2016-та година намалувањето е од 41.000 во ЕУ и 15.000 луѓе во еврозоната.

Падот во однос ноември 2015-та година е од 1.5 милиони луѓе во ЕУ и 972.000 во еврозоната.

Најниска е невработеноста во Чешка и Германија, а највисока во Грција, Шпанија и Кипар.

Најниска во моментов е невработеноста во Чешка и Германија, односно на ниво од 3,7 и 4,1 отсто. Највисока е таа во Грција и Шпанија, каде што бројот на луѓето без работа по последните податоци е 23.1 и 19.2 проценти.

Наспроти една година порано намалување на невработеноста се забележува во 24 земји од ЕУ, додека раст има во Естонија, Кипар, Данска и Италија. Најголем пад пак има во Хрватска, каде што падот е од 15,7 на 11,4 проценти.

Потсетуваме дека невработеноста во САД кон крајот на ноември 2016-та година е на ниво од 4,6 отсто, во споредба со 4.9% пред еден месец и 5% пред 12 месеци.

Вкупниот број на невработени млади во ЕУ (луѓе под 25-годишна возраст), е 4.2 милиони луѓе, а од нив 3 милиони се во еврозоната. Овој процент е највисок во Грција (46.1%), Шпанија (44.4%) и Италија (39.4%), а најнизок во Германија (само 6.7 отсто).