Јавноста треба да знае некои работи за дупката во Фондот за пензиско и инвалидско осигурување на Македонија (ПИОМ), некои првпат ќе ги соопштам… Секоја година државата ја покрива дупката во ПИОМ и оваа година таа е приближно 500 милиони евра. Тоа се пари што државата мора да ги внесува во Фондот и ако не е тоа, тие пари би се користеле за изградба на патишта, школи, болници, рече премиерот Зоран Заев во Собранието во попладневната сесија на седницата за пратенички прашања. Тој најави можно зголемување на возраста за пензионирање и на придонесите за вработени.

За разлика од првата сесија, попладневната ја водеше новоизбраниот потпретседател на Собранието, Горан Мисовски.

Одговарајќи на прашањето на пратеничката од СДСМ, Фросина Ташевска – Ременски за дупката во ПИОМ, Заев рече дека за побараните информации секако ќе мора да се одговорат во писмена форма, но и дека поради сериозноста на прашање „се чувствува должен да каже некои работи“.

Oва е важно прашање зашто актуелнитe пензионери се загрижени, но идните пензионери треба да бидат уште позагрижени. Треба да бидеме загрижени за стабилизирање на ПИОМ. Логиката за падот на невработеноста значи дека тој треба да се полни, но тој создава се поголем дефицит. Знаете дека годините на пензионирање пораснаа опционо 67 за маж, 65 за жени, и тоа треба да значи дека Фондот се полни, но тој создава се поголем дефицит. Фондот постојано се празни. Ако сакаме нормално и здраво да зборуваме, чесно треба да зборуваме и некои работи да ги донесеме во нормала – рече Заев обвинувајќи ја претходната власт.

Тој рече дека е ангажирана Светската банка да се направи комплетна анализа на ПИОМ, на сите влезни и излезни податоци, но и да се провери дали секој што добива пензија, има законска основа да ја прима, како и за тие работни места што се субвенционирани. Според премиерот, ако не се постигне целта да се заздрави економијата и да се крене стандардот, ќе мора, поради дупката во ПИОМ, да зголеми возраста за пензионирање и височината на придонесите.

Веројатно ќе треба да се повлечат непопуларни мерки. Но, сакаме да го надминеме проблемот со заздравување на економијата. Ете, Македонија излезе од криза, има заинтересирани за инвестиции и тоа е стабилната основа и за ПИОМ и за нови работни места и за повисоки плати, до нивото додека економијата порасне до степен за достоинствени плати во Македонија, тоа е моментот когоа треба да се прекрши заминуваањето во странство од младите. Но ако не биде така, јас мора да ги соопштам и непопуларните мерки што би се презеле. Тоа се покачување на годините за пензија и да ги зголемиме придонесите. Но, тоа мора да го издржи економијата, оти ваквата мерка може да одврати инвестиции. Затоа сме насочени кон издржани мерки. Но и опозицијата мора да биде тука, да испраќаме сигнали за силна држава. Целото ова како механизам мора да биде ставено на здрави основи, без популизам. Се надевам нема да се покачи старосната граница и нема да се покачат придонесите. Но, тоа ќе значи дека е јака економијата – рече Заев.

Во САД е уапсен Џо Монтрол познак како Укијо кој е основач на биткоин берзата за размена на вредности Bitfunder која веќе подолго време не функционира и беше затворана поради сомнеж за измама на корисниците без осигурани тргувања.

Монтрол е одведен пред суд по обемна истрага предводена од Департманот за правда на САД, ФБИ како и Комисијата за супервизија и осигурување на тргувањето. Тој ќе се соочи со кривично обвинение за измама на корисниците и неовластено тргување без соодветни дозволи и гаранции и прикажување на лажна состојба..

Исто така и самата Комисија води против него цивилна постапка за нарушување на правилата на тргување на берза со секјуритизација користејќи ги биткоините како мамка за инвеститорите. 

BitFunder беше помошна страна на подоцна формираната WeExchange платформа за криптовалути која беше напдната од хакери кои украдоа 6000 биткоини на корисниците. Кога Монтрол не можел да го реши проблемот со хакерите недостигот на биткоини привремено го покрил со сопствената залиха на криптовалутата, но за тоа прикажал лажни документи пред Комисијата. 

Саем за мебел годинава нема да има. Манифестацијата нема каде да се одржи. Вакво известување од Скопски саем деновиве добиле компаниите кои се пријавиле за учество на оваа манифестација.

По продажбата на халите и земјиштето на скопскиот саем, организацијата на саемските манифестации станува сѐ понеизвесна. Нов сопственик на локацијата каде се одржуваа саемите е „Балфин груп“. По ланската купопродажба, дел од саемските манифестации се одржаа во спортскиот центар „Борис Трајковски“.

Летови на оваа линија ќе има речиси секој ден, односно шест пати неделно, освен во недела, со модерни Ембраер воздухоплови. Билетите се веќе во продажба, преку Контакт-центарот на LOT, на интернет страницата www.lot.com, и кај продажните агенти.

Ембраерите на LOT секој понеделник, среда и петок ќе полетуваат од Аеродромот „Шопен“ во Варшава во 10:35 часот за да пристигнат во Македонија во 12:40 часот. Патниците на летот од Скопје за Варшава ќе заминуваат во 13:20 часот. Секој вторник, четврток и сабота летот од Варшава е закажан да полета во 14:25 часот, а да слета во Скопје во 16:30 часот. Поаѓањето од Скопје е планирано да биде во 17:10 часот, додека пристигнувањето во Варшава е во 19:15 часот.

Директорот на корпоративни комуникации и портпарол на LOT, Адриан Кубицки, вели дека Скопје е комплетно нова дестинација во понудата на авиокомпанијата.

Македонија е секоја година сé повеќе популарна кај туристите, воодушевувајќи ги со својата историја, регионалната кујна и културната разновидност. Нашите патници штотуку добија можност да се запознаат со различните туристички вредности на таа неверојатна земја. Сигурен сум дека многумина ќе ја искористат оваа можност уште ова лето, вели Кубицки.

Распоредот на летови е креиран така што патниците кои патуваат од Скопје да имаат пристап до брзи и погодни летови за конекции од аеродромот „Шопен“ во Варшава до дестинации во САД, Канада и Западна Европа.

Од ТАВ Македонија очекуваме оваа авионска линија да се покаже како многу успешна.

Со ова полските туристи ќе имаат можност да ја посетат и да ја откријат Македонија, а во исто време и граѓаните на Македонија и на соседните земји ќе имаат можност да патуваат со директна линија до Варшава и да ја доживеат Полска. Оваа авиолинија, исто така, ќе послужи за двете земји да ги зајакнат бизнис-врските, да се овозможи подобра комуникација со Источна Европа, како и трансатлантски летови до многу дестинации во светот кои се понудени од Варшава, изјави Алпер Ерсој, генерален директор на ТАВ Македонија.