Со новите измени на Законот за трговија и во иднина алкохолните пијалаци нема да се продаваат на бензинските пумпи. Ова го посочи деновиве министерот за економија Крешник Бектеши кој укажа дека нивното министерство ги подготвило законските измени кои што веќе се објавени на ЕНЕР.

Што се однесува до продажбата на алкохолот во киосците, Бектеши објасни дека трговците уште не одлучиле дали ќе се вклучат во предложениот текст за измените на Законот за трговија.

Тој потсети дека во март забраната за продажба на алкохол од 19 часот во зима и од 21 часот во лето ќе се укине, со што ограничувањето на времето ќе отиде во историја, но лиценците ќе останат и ќе се наплатуваат по ист износ како и досега.

Овие предложени измени не се финални и може да има дополнителни измени, се додека Законот не влезе во финална владина процедура, а Законот може да се дополнува со амандмани од страна на пратениците.

Овие законските измени се направени на барање на Стопанските комори во Македонија и бизнис заедницата, која што исто така заради рентабилност во работењето подари да се укинат и лиценците кои трговците мора да ги поседуваат за да продаваат алкохол.

Бизнис заедницата овие барања ги темелат врз праксата која покажа дека ограничувањата на продажбата на алкохолни пијалаци имаат негативно влијание, како врз деловните субјекти кои се занимаваат со производство на алкохолни пијалаци, така и на деловните субјекти кои вршат продажба на мало и големо на овие производи.

Што се однесува пак за лиценцата тие сметаат дека треба да се намали сумата која трговецот треба да ја плати за да добие лиценца, поточно да не се пресметува врз основа на целиот промет на продажниот објект, туку само на прометот со алкохолни пијалаци.

Министерството за економија ги изготви измените на Законот за трговија со кои ќе се укине ограничувањето за продажба на алкохол по 19 часот во зимскиот период, односно по 21 часот во лето.

Со новите Самсунг Галакси С9 и С9+ до неверојатни можности - супер бавно “slow-mo” видео, најдобра камера за снимање при слаба осветленост, пиктографи за изменета реалност за поперсонализиран начин на изразување.

Самсунг Електроникс (Samsung Electronics Co., Ltd.) ги претставува новите Самсунг Галакси С9 (Samsung Galaxy S9) и С9+ (S9+) паметните телефони кои имагинативно го реинтерпретираат начинот на кој луѓето комуницираат, споделуваат и го искусуваат светот. Создадени за период во кој потрошувачите се повеќе и повеќе комуницираат и се изразуваат преку фотографии, видеа и пиктографи (еmoji), Галакси С9 и С9+ вклучуваат иновации преку најнапредната Самсунг камера до сега. Редизајнирани, со нова блендакоја овозможува иновативна камера за слаба осветленост, способност за супер бавно “Slow-mo“ видео и персонализирани пиктографи за изменета реалност (AR Emojis), новите Галакси С9 и С9+ ќе се погрижат корисниците никогаш да не пропуштат ниту еден момент и да го направат своето секојдневие неверојатно.

Галакси С9 и С9+ овозможуваат збогатено доживување на забавата со моќни стерео звучници поставени со помош на АКГ (AKG), извонреден звук со Долби Атмос (Dolby Atmos®) и редефиниран бесконечен екран[1] од раб до раб – клучен елемент во дизајнерското наследство на Самсунг. Дополнително, Галакси С9 и С9+ ќе пристингат со новата “SmartThings“ апликација, која ги обединува постоечките ИоТ услуги на Самсунг во едно единствено, паметно искуство.

“Начинот на кој ги користиме нашите паметни уреди се промени со еволуцијата на комуникацијата и на самоизразувањето. Со Галакси С9 и С9+ ја имагинативно ја реинтерпретиравме камерата кај нашите паметни телефони. Не само што Галакси С9 и С9+ им овозможуваат на корисниците да ги креираат најдобрите фотографии и видеа насекаде, туку и станува збор за паметни телефони кои се дизајнирани да им помогнат да се поврзат со останатите и да се изразат на начин кој е единствен за нив, оставајќи свој личен печат.“ – изјави ДЈ Кох (DJ Koh), Претседател и Менаџер на Сектор за ИТ и Мобилна Комуникација, Самсунг Електроникс.

Редизајнирана Камера

Денешните камери се многу повеќе од алатки за правење фотографии – тие служат и за поврзување и комуницирање. Корисниците сакаат смартфон со камера со најнова технологија за да се изразат преку фотографии со висок квалитет, како и алатки кои ќе им помогнат да ја раскажат својата единствена приказна. Камерите на Галакси С9 и С9+ се создадени имајќи ги в предвид овие корисници, со “Super Speed Dual Pixel“ сензор со зголемена сила за обработка и меморија која може да комбинира до 12 фрејмови во една неверојатна снимка со највисок можен квалитет на фотографија. Карактеристиките на Самсунг Галакси С9 и С9+ вклучуваат:

Super Slow-mo: Ги прави секојдневните моменти епски со динамичниот и успорен видео запис кој снима 960 фрејмови во секунда. Галакси С9 и С9+ исто така овозможуваат и автоматско детектирање на движење – интелигентна карактеристика која детектира движење во фрејмот и автоматски започнува да снима – сѐ што треба корисниците да направат е да го сетираат снимањето. По снимањето на “Super Slow-mo“ видео, корисниците може да одберат музичка позадина од 35 различни опции или пак да додадат тон од нивната омилена плејлиста. Исто така, корисниците на многу едноставен начин може да креираат, едитираат и споделуваат .GIF датотеки со едноставно допирање во три разиграни стилови на движење за да може да ја гледаат датотеката одново и одново.

Камера за снимање при услови на слаба осветленост: Доброто осветлување е тајната на сите одлични фотографии. Но, често се случува фотографиите да се направени во услови на понеидеално осветлување. Повеќето камери на паметните телефони имаат фиксен отвор (бленда) кој не може да се прилагоди на средини со ниска или светла осветленост што резултира во избледени фотографии или фотографии на кои се познава зрнеста структура. Слично на начинот на кој што ирисот на човечкото око се проширува и контрахира, двојната бленда[2] на Самсунг (F1.5 / F2.4) автоматски пропушта повеќе светлина кога е темно и помалку светлина кога е премногу светло, креирајќи фотографии кои се јасни и чисти.

Пиктографи за Изменета Реалност - AR Emoji: Самсунг им овозможува на корисниците да креираат “емоџи“ кое изгледа, звучи и се однесува исто како нив. Пиктографите за изменета реалност користат алгоритам за машинско учење кое се темели на податоци кои ја анализираат 2D фотографијата од корисникот и исцртуваат преку 100 фацијални карактеристики за да креираат 3D модел кој рефлектира и имитира експресии како намигнување и потврдување со главата, за вистинска персонализација. Овие пиктографи ги споделуваат чувствата на корисниците од реалниот живот преку видео, но и преку широк спектар на сликички кои користат стандарден AGIF формат за датотеки, овозможувајќи им на корисниците да ги споделуваат нивните пиктографи низ различни други платформи за разменување на пораки.  

Бигзби: Интелигентната платформа на Самсунг, интегрирана во камерата, користи изменета реалност и технологии за длабинско учење за да овозможи корисни информации за опкружувањето на корисниците.[3] Со детектирање на објект во реално време и негово препознавање, Бигзби веднаш, инстантно генерира информации директно на врвот на фотографијата на која камерата посочува. Корисниците може да преведуваат странски јазици и валути во реално време преку “Live Translation“, да учат за нивните опкружувања, да купуваат продукти видени во реалниот свет и да ги бележат калориите во текот на денот.[4]

Редизајнирана Забава

Паметните уреди често се нашиот избор за забава. Затоа, Самсунг креираше уред кој овозможува премиум звучно искуство со стерео звучници кои се поставени со помош на АКГ. Без разлика дали корисниците го гледаат својот омилен филм или го слушаат последниот албум од својот омилен изведувач, звуците се јасни, чисти и високо квалитетни. Галакси С9 и С9+ исто така поддржуваат Долби Атмос, овозможувајќи ефект на звук од 360 степени.

Аудио искуството со Галакси С9 и С9+ е дополнето од револуционерниот бесконечен екран на Самсунг. За прв пат претставен на Галакси С8, цврстиот, Super AMOLED Бесконечен екран се вклопува во телефонот без никакви одблесоци. Со адаптивното подобрување на контрастот, корисниците можат да го користат нивниот уред дури и на директна сончева светлина.

Уред кој се вклопува во поврзаниот животен стил

Како први паметни телефони кои ја поддржуваат новата “SmartThings“ апликација, Галакси С9 и С9+ се централен елемент за управување со сите аспекти на поврзаниот начин на живот во домот, во канцеларијата или во движење. Апликацијата “SmartThings“ ќе биде претставена заедно со С9 и С9+, и ќе поврзува и други Самсунг уреди како и уреди кои не се дел од Самсунг семејството.

За сите оние кои се константно во движење, новата генерација Самсунг ДеХ (Samsung DeX)овозможува мобилен животен стил допринесувајќи за искусување на содржините од мобилниот телефон на голем екран низ целата негова површина. Со “DeX Pad“, новиот докинг систем, корисниците можат лесно да ги поврзат Галакси С9 и С9+ со поголем екран, тастатура и глувче за да го прошират мобилното искуство со подобрено уредување на документи или дури и игри со целосен екран[5]. Корисниците исто така може да ги трансформираат Галакси С9 и С9+ во Touch Pad со DeX Pad.[6] 

Најдоброто станува стандард во Галакси Фондацијата Самсунг го поставува златниот стандард за паметни телефони со IP68[7] стандардот за отпорност на вода и прашина, како и брзо безжично полнење. Галакси С9 и С9+ одат чекор понапред. Уредите сега поддржуваат проширување на меморијата до 400 GB со Микро СД (MicroSD) картичка и се опремени со најновите премиум апликациски процесори кои овозможуваат моќен перформанс и софистицирана обработка на сликата.

Покрај тоа, Галакси С9 и С9+ им овозможуваат на корисниците да бидат спокојни знаејќи дека нивниот телефон е заштитен од “Knox 3.1“, најновата, најсовремена надградба на безбедносната одбранбена платформа на Самсунг. Новите Галакси С9 и С9+ поддржуваат три различни биометриски опции за автентификација – ирисот на окото, отпечатокот на прстот и фацијално распознавање – така што корисниците може да го одберат најдобриот начин за заштита на својот уред и апликации. Уредите поддржуваат Интелигентно Скенирање, нова верификација која интелигентно користи колективна сила за скенирање на ирисот на окото и технологија за препознавање на лицето за брзо и едноставно отклучување на телефонот на корисникот во било која средина. Галакси С9 и С9+ исто така го претставуваат и “Dedicated Fingerprint“, давајќи им на корисниците опција да користат различни отпечатоци од прст од оние за отклучување на телефонот, за да пристапат кон Безбедната Папка (Secure Folder).

Галакси С9 и С9+ ја носат грижата за здравјето на ново, повисоко ниво со подобрен оптички сензор вграден директно во уредот, овозможувајќи побогати, попрецизни информации за здравствениот статус на корисникот. Овој сензор им овозможува на Галакси С9 и Галакси С9+ да ги следат факторите на оптеретување на срцето на корисникот преку “Heart Load Factor“, нова мерка која ги регистрира отчукувањата на срцето во реално време[8].

Новите Галакси С9 и С9+ ќе бидат достапни започнувајќи од 16. Март, 2018. Корисниците ќе може да ги набават уредите во следните бои: Полноќно Црна, Корално Сина, како и во новата нијанса – Пурпурно Виолетова. Во Македонија, продажбата на уредите ќе започне исто така од 16.03.2018.

За повеќе информации за Галакси С9и С9+, посетете ги следните линкови: http://www.samsungmobilepress.com, news.samsung.com/galaxy или www.samsung.com/galaxy.

Американската компанија ComSonics од Вирџинија измисли радар, кој покрај тоа што ќе служи како и вообичаено, за мерење на брзината, тој исто така ќе открива и дали некој телефонира или испраќа пораки преку мобилен телефон.

Инаку, како една од најголемите причинители за сообраќајни несреќи се наведува дека е токму телефонирањето и испраќањето на пораки. Не го правете тоа бидејќи се загрозувате себеси, но и другите.

Текстуалните пораки ќе емитуваат различни фрекфенции. Овој апарат е сличен на технологијата која ја користат кабловските мајстори. ComSonics тврди дека ќе нема пристап во содржината на пораките, туку само ќе регистрира дали возачот пишува пораки во текот на возењето или не.

Се верува дека на овој начин ќе се спречат бројни сообраќајни несреќи. Ова не е прв ваков уред. Познат е и Ranger кој мери одалеченост низ ѕидови, а помага во ситации при трагање и спасување.

Кога ќе купите облека или обувки, чувајте ја фискалната сметка шест месеци, зашто таа е како гарантен лист за нив.

Ова од Организацијата на потрошувачи на Македонија им го советуваат на огромниот број граѓани кои се соочиле со инаетот на трговците кои одбиваат да ги заменат или да ги вратат парите за овие производи во ситуации кога се купени со тешко видлива грешка или се оштетени по малку носење.

Од ОПМ информираат дека лани имале голем број јавувања од граѓани кои се пожалиле дека во продавница одлиле да им заменат оштетени чевли или облека, со образложение дека се отпакувани или се познава дека се носени.

Чувајте ги фискалните сметки од овие производи. Иако не е издаден гарантен лист како кај техничките производи, согласно законот тие имаат шест месеци гаранција со самата фискална сметка, информираат од ОПМ и се повикуваат на членот 50 од Законот за заштита на потрошувачите, кој предвидува враќање на производот и замена со друг, односно за враќање на парите.

Сепак, најголем кошмар на македонските потрошувачи и понатаму останува купувањето техничка стока со фабричка грешка. Иако постои јасна регулатива за тоа што треба да направи трговецот кога ќе добие рекламација за фаличен апарат, купувачите, сепак, поминуваат низ вистинска голгота додека добијат исправен производ. Како претходните години, така и сега, во ОПМ граѓаните најмногу се жалеле токму на тоа што трговците не им ги заменувале техничките производи купени со недостатоци и на тоа што им продавале неквалитетни производи, кои веднаш пројаваат недостаток

Најголем број од овие проблеми се однесуваат на сервисирањето на технички производи. Предничат проблемите со мобилните телефони, за кои има највеќе поплаки во однос на сите други, согласно статистиката. Пред се се работи за континуирани сервисирања на еден ист производ и повеќе од три пати за кој потрошувачите тврдат дека има фабричка грешка, односно дека не може да се поправи поради тоа што недостатокот континуирано се појавува, или за случаи кога мобилниот телефон кој го добил потрошувачот се расипал во првите неколку часа од употребата. Потрошувачите велеа дека одбиваат апаратот да се сервисира и бараат нов производ од трговецот, но не можат да добијат, се наведува во Извештајот на ОПМ за 2017 година.

Незадоволен потрошувач за “Вечер” раскажува дека морал да помине многу непријатно патешествие, за конечно да добие мобилен телефон што функционира, откако тој што го купил, покажал мани уште во продажниот салон.

Во салон на мобилен оперсатор купив мобилен телефон. Го платив, ја земав сметката, го вклучив и додека одев кон излезот го разгледував, а тој уште пред да дојдам до вратата, се блокираше. Се вратив кај продавачот на пултот, му го покажав апаратот, но тој не сакаше ни да чуе да ми го замени. Ме упати кај овластениот сервисер кој се наоѓа на другиот крај на градот, зашто наводно телефонот сум го добил проверен, исправен, а бидејќи се уште е под гаранција, мора да оди на сервис, вели потрошувачот.

Тој додава дека истиот апарат го носел на сервисирање неколку пати во гарантниот период, па функционален мобилен добил дури неколку месеци откако го купил. По толку поправки, нашиот соговорник се сомнева дека платил нов, а добил стар, репрариран мобилен телефон.

Од ОПМ посочуваат дека освен за ова, граѓаните често им се јавуваат за да се пожалат дека купиле механички оштетен апарат за домаќинство, кој продавачот не сакал да им го замени. Затоа, им советувааат на граѓаните да не потпишуваат дека го примиле се додека не го отпакуваат и не видат дека е во ред.

Меѓу другото, со тој потпис потврдуваат дека производот е добиен во исправна состојба без оштетувања. Ова се случува поради неповолната положба во која е ставен потрошувачот. Во брзање тој не проверува дали навистина производот е исправен и неоштетен, па потпишува верувајќи му на трговецот, односно на доставувачот. Најголем дел од случаите се однесуваат на големи производи од бела техника или други технички производи како на пример телевизори, машини за перење и друго, информираат од ОПМ.

Во текот на минатата година имало и доста поплаки за неквалитетно изработен мебел, но и за негова неиспорака во договорениот рок. Од Организацијата на потрошувачи ги информираат граѓаните дека според нашата регулатива, ако мебелот не се испорача во договорениот рок, договорот се раскинува по сила на закон.

Во ОПМ примаат и голем број поплаки и за услугите. Потрошувачите најмногу се жалат на туристичките патувања, но измами во тој дел има помалку од порано, а не стивнуваат јавувањата за сметките што ги добиваат од мобилните оператори, а од лани има поплаки и за проблеми со мрежното покривање, нефункционирање на СИМ картичката, проблеми при менување на тарифата и друго.

Паушални сметки и наплатување на заостанати долгови беа најчестите проблеми со испораката на електрична и топлинска енергија. Нередовното читање на мерните апарати придонесе за голем број на паушални сметки кои според тврдењата на потрошувачите се многу поголеми од просечната потрошувачка на тоа семејство, велат од ОПМ и додаваат дека не изостануваат и вообичени поплаки во врска со купена храна, функционирање на куќните совети, користење на банкарските услуги.

Инаку, во текот на 2017 година, Организацијата на потрошувачите на Македонија направила вкупно 1.816 советувања на потрошувачи, од кои најголемиот број телефонски.