Следниот неработен ден за граѓаните од православна вероисповед во Македонија е 6-ти април (Велики петок.

После викендот исто така неработен ден ќе биде и вториот ден од Велигден, 9-ти април, што значи дека следуваат 4 споени неработни денови.

Ова се сите неработни денови кои преостануваат до крајот на годината:

Согласно со Законот за празниците на Република Македонија во 2018 година неработни денови се:

За сите граѓани на РМ

• 09 април (понеделник), Велигден, вториот ден на Велигден според православниот календар

• 01 мај (вторник), Ден на трудот,
• 24 мај (четврток) „Св. Кирил и Методиј“ Ден на сесловенските просветители
• 15 јуни (петок), Рамазан Бајрам, првиот ден на Рамазан Бајрам,
• 02 август (четврток), Ден на Републиката
• 8 септември (сабота), Ден на независноста

• 11 октомври (четврток), Ден на народното востание,
• 23 октомври (вторник), Ден на Македонската Револуционерна Борба,
• 8 декември (сабота), “Св. Климент Охридски”

За граѓаните од православна вероисповед

• 06 април (петок), Велики Петок, петок пред Велигден
• 25 мај (петок), Духовден, петок пред Духовден
• 28 август (вторник), Успение на Пресвета Богородица (Голема Богородица)

За граѓаните од католичка вероисповед

• 02 Април (понеделник), Велигден, вториот ден на Велигден
• 01 ноември (четврток), Празникот на сите светци
• 25 декември (вторник), првиот ден на Божик

За граѓаните од муслиманска вероисповед

• 21 август (вторник), Курбан Бајрам, првиот ден на Курбан Бајрам

За граѓаните припадници на албанската заедница во РМ

• 22 ноември (четврток), Ден на Албанската азбука

За граѓаните припадници на српската заедница во РМ

• 27 јануари (сабота), Свети Сава

За граѓаните припадници на ромската заедница во РМ

• 08 април (недела), Меѓународен ден на Ромите

За граѓаните припадници на влашката заедница во РМ

• 23 мај (среда), Национален ден на Власите

За граѓаните припадници на еврејската заедница во РМ

• 19 септември (среда), Јом Кипур, првиот ден на Јом Кипур

За граѓаните припадници на бошњачката заедница во РМ

• 28 септември (петок), Меѓународен ден на Бошњаците

За граѓаните припадници на турската заедница во РМ

• 21 декември (петок), Ден на настава на турски јазик

Компаниите денес, особено оние кои парите ги заработуваат преку Интернет, многу повеќе обрнуваат внимание на свотие вработени и на нивната околина затоа што на тој начин сите даваат максимум. Сајтот Bizlife пренесува листа со топ 5 најлуксузни и најнеобични канцеларии од светот за да ви покажеме како изгледа позадината на некои компании кои работат на Интернет.

Selgas Cano – Мадрид

Ова мора да е една од канцелариите кои навистина опуштаат затоа што еден дел е под, а друг над земја со поглед на околната шума. Канцеларијата Ѕelgas Cano ја дизајнирапе Иван Баан и се наоѓа во шума во близина на Мадрид. Просториите се многу светли и проветрени, со разнобојни детали, така што претставува пријатно место за работа. Акцентот не е толку ставен на одличната храна и просториите за забава колку на околината која релаксира и е чиста спротивност од силните светла и големите празни простории.

Google Office – Цирих

Не е тајна дека Google е забавна, иновативна компанија која нема проблеми со финансиите и е посветена на работниците. Тајната на таа посветеност лежи во феноменалните канцеларии. Google инвестира многу време и пари да создаде совршена работна средина комбинирајќи ја работата и задоволството така да вработените можат да се релаксираат и да ги наполнат батериите на паузите. Креативноста им е секојдневие во работата, така што логично е такво да е и дизајнот на работниот простор. Вработените таму имаат 3 бесплатни оброци дневно, а бидејќи канцелариите се огромни, ако се изморат од одење, можат да користат шипка за пожарникари.

Red Bull Office – Лондон

Реновираната зграда од 5 пабови сега е седиште на оваа компанија во Лондон. Не е се во енергетските пијалаци. Red Bull се грижи и за своите вработени, кои ги има околу 100 и сите имаат околу 20 години. Тие го отфрлија концептот на канцеларии на големите корпорации и се одлучија за изглед на стари пабови и рецепција, која ноќе се претвора во клуб. Ваквата работна средина е идеална за млади, креативни луѓе.

AOL Head Quarters – Пало Алто, Калифорнија

Не е тајна дека компанијата AOL не е она што беше. но се трудат и тоа го покажаа со купување на страниците Techcrunch и Huffington Post. Се ослободија од ладната корпоративна фасада и се угледаа на Google, така што се трудат нивните канцеларии да изгледаат позабавно и поинспиративно со нов дизајн. Овде можете да видите огромни кујни, разни бои, безброј простории за релаксација, простории за игра и забава и секако, канцеларии.

Parliament – Портланд, Орегон

Ова е компанија која ги знае предностите на комфорната и весела работна средина, но има малку поинаков пристап од останатите компании на листата. Дизајнот на нивните простории вклучува доста рециклиран материјал како стари сообраќајни знаци, стари печки за печење пица и дрвени парчиња од штали или цркви. Но, само затоа што користат стари суровини не знаќи дека трпи автентичноста на дизајнот.

Најосновните прехранбени производи, како и средства за хигиена, во Германија се поевтини од истите производи во супермаркетите низ Македонија. Тоа значи дека просечниот македонски граѓанин плаќа многу повеќе за основните продукти отколку германските потрошувачи, посебно ако се земе предвид големата разлика во стандардот и примањата. Во продолжение следуваат резултатите од истражувањето на Дојче веле кое го спроведе низ германските и македонските супермаркети.

Леб

Во просек, векна бел леб од 750 грама во Германија чини 0,85 евра (51 денар), а француски багет од 250 грама чини 0,60 центи (36 денари). Векна бел леб од 250 грама во Македонија чини 27 денари, а некаде достигнува и 39 денари.

Масло за јадење

Еден литар од најевтиното сончогледово масло за готвење во Германија чини околу 1 евро (60 денари). Во Македонија еден литар од најевтиното масло чини 65 денари.

Млеко

Еден литар кравјо трајно млеко со масленост од 3,2 проценти во Македонија може да се најде за најниски 38 денари, а просечната цена се движи околу 45 денари за литар. Во Германија, најевтиното млеко започнува од околу 0,55 центи (33 денари), а поскапото „Алпско“ млеко е околу 1 евро.

Кашкавал

Кашкавалот од типот Гауда и Едамер во Македонија чини од 350 до 370 денари за килограм. Во Германија, холандската Гауда ќе ве чини околу 5 евра за килограм (300 денари), а Ементалер околу 5,4 евра (330 денари).

Сол и шеќер

Сол во Германија чини околу 1,38 евра за килограм (85 денари), во Македонија 28 денари. Килограм шеќер во Германија чини околу 0,69 центи (42 денари), а во Македонија најевтиниот е 38 денари за килограм.

Ориз и брашно

Домашен ориз од втора класа во Македонија за 900 грама чини 46 денари. Во Германија, ориз од прва класа чини од 0,80 центи (48 денари) за килограм.Најевтиното брашно од Тип 400 во Македонија може да се најде за околу 24 денари за килограм. Истото во Германија чини од 0,30 центи (18 денари) за килограм.

Јајца

Мала табла со шест јајца во Македонија чини околу 50 денари, а во Германија околу 1 евро (60 денари).

Зеленчук

Доматите во Македонија чинат меѓу 80 и 120 денари за килограм, а во Германија - 2,50 евра (150 денари). Краставиците чинат 192 денари за килограм во Македонија, а во Германија 0,70 евра (42 денари) е едно парче кое вообичаено тежи меѓу 250 и 300 грама. Килограм пиперки во Германија ќе ве чини околу 2,50 евра (150 денари), а во Македонија 125 денари.

Овошје

Јаболката во Македонија се продаваат од 23 денари за килограм, па нагоре. Во Германија најевтините домашни јаболка не можете да ги најдете за помалку од 1 евро за килограм, а увозните достигнуваат и до 3 евра. Мандарини во Македонија чинат околу 45 денари за килограм, а во Германија 1,33 евра (80 денари) за килограм.

Пиво и алкохол

Просечната цена на пивото е нешто пониска во Македонија и тоа само за домашните марки. „Хајнекен“ од 0,33 литри во Македонија чини 55 денари. Во Германија нешто под 1 евро, доколку купите „сикспек“. Поеетиното виски од 0,75 литри како „Џони Вокер“, „Балантајн“ или „Џејмисон“ во Македонија чини околу 1.000 денари. Во Германија истото има просечна цена од 10 евра (600 денари).

Вино

Цените на виното во Македонија се релативно високи во споредба со она што се нуди на европските пазари. Најевтиното сортно македонско вино започнува од 170 денари за шише, а поквалитетното се нуди во просек за 500 денари. За споредба, македонско вино флаширано во Германија во овдешните супермаркети чини 1,6 евра (100 денари). Врвните сорти во Германија можат да се купат за просечни 6-7 евра.

Шампони за коса и гел за туширање

Разликите се големи и во цените на шампоните за коса меѓу двете земји иако се работи за истиот маркет. Шампон „Пантен Про-В“ од 200 милилитри во Македонија чини 208 денари, а во Германија 1,45 евра или околу 90 денари. Гел за туширање од 250 мл на „Балеа“ во Македонија во просек чини околу 120 денари, а во Германија поголемо количество од 300 мл чини 0,55 евра или малку над 30 денари.

Течен сапун и детергент

Течен сапун „Балеа“ во моментов се нуди на попуст во Македонија за 79 денари, а редовната цена му е 105 денари. Во Германија редовно се продава за 55 центи или за нешто повеќе од 30 денари, а на попуст и поевтино. Детергент „Персил“ за 20 перења во македонскиот ДМ чини 365 денари. Во германскиот ДМ истиот детергент по редовна цена се продава за 5,15 евра или околу 320 денари.

Во Законот за јавна чистота се пропишува дека општините, општините во Градот Скопје и Градот Скопје се должни да го исчистат снегот од јавните површини најдоцна во рок од 6 часа од почетокот на снежните врнежи, пишува порталот еМагазин.

Во истиот закон се пропишува дека во зимски услови при снежни врнежи сите сопственици, односно корисници на јавни објекти се должни веднаш да започнат со чистење на снегот на отворените простори пред јавните објекти, со што ќе се обезбеди непречен пристап до објектите.

Законот предвидува глоба во износ од 1 000 евра да му се изрече на правното лице сопственик, односно корисник на јавен објект ако не го исчисти снегот од отворениот простор пред јавниот објект.

Глоба во износ од 4 000 евра во денарска противвредност ќе му се изрече за прекршок на правно лице ако не обезбеди редовно и квалитетно одржување на јавната чистота и чистење на снегот на јавни површини во зимски услови.

За овие прекршоци глоба во висина од 30 % од одмерената глоба за правното лице треба да му се изрече и на одговорното лице во правното лице.

Со оглед на тоа дека постои закон со кој се прецизира кој е одговорен за чистењето на јавните површини од снегот, тоа значи дека граѓаните кои се повредиле поради неисчистен снег на место за кое е одговорно одредена општина можат да поднесат тужби со барање за отштетa.