Четириесет проценти од жените доживеале некоја форма на сексуално вознемирување на работното место, а 31 процент секојдневно добиваат навреди за својата работа од претпоставените, покажуваат светските статистики.

Според Секцијата на жени при Конфедерацијата на слободни синдикати, голем е бројот на случаи на мобинг врз жените на работното место, но мал е бројот на оние кои се охрабруваат да го пријават тоа бидејќи се плашат да не го загубат работното место.

Во Македонија се смета дека рамноправноста е постигната меѓутоа тоа е само на хартија, а реалноста кажува нешто друго. Жените се 12,5 проценти помалку платени од мажите во сферата на трудот, изјави Санела Доневска од Секцијата на жени при КСС.

Нивни претставнички денеска со делење пропаганден материјал во центарот на градот се вклучија во одбележувањето на Меѓународниот ден на жената.

Секцијата на жени при КСС ја поддржува и Конвенцијата против родово базирано насилство чија ратификација би допринела за унапредување на правата на жените.

Новиот Клинички центар најверојатно ќе се гради на нова локација во близина на Злокуќани, дознава НОВА од високи владини извори. Одлуката би требало да биде соопштена во текот на денешниот ден од страна на министерот за здравство Венко Филипче. На ваквата одлука веројатно влијаела и презенатацијата на Асоцијацијата на архитектите пред премиерот Заев и министерот Филипче, но и пошироката јавност.

Загрижува фактот што улицата Водњанска ќе биде комплетно блокирана, ако се гради на местото каде што беше планирано досега. Камионите и маханизацијата ќе го блокираат и влезот во клиничкиот блок. Тоа ќе биде голем проблем, велат владини извори за НОВА.

Нашите извори велат дека се свесни за тоа дека како држава ќе мораме да платиме оштета од 5, 5 милиони евра на Банката на советот на Европа и дека ќе пропаднат и 1,3 милиони евра за проектот кој го направи италијанската преоктанска куќа АРЕН СРЛ.

Но превагнало тоа што на овој простор, на север од Злокуќани ќе може да се изгради голем капитален објект до кој ќе може брзо да се стигне од сите страни, кој ќе биде добро инфраструктурно поврзан со пристап со западниот и источниот дел на Македонија, но и лесен и брз пристап за граѓаните на Скопје. Иако можеби ќе се изгуби уште една година на подготовки, ова решение е долгорочно и ќе им служи на граѓаните во наредните 50 години, велат нашите извори.

Извор: Нова тв

Жените во Европската Унија во 2016 година, во просек, биле за 16,2 отсто послабо платени од мажите, што значи дека во просек заработиле 84 евроценти од секое евро кое го заработил маж, објави Евростат.

Меѓу земјите-членки во 2016 година, разликите во платите се движеле во опсег од само пет отсто во Романија и Италија, до над 25 проценти во Естонија, следена од Чешка и Германија, со разлика во плати од речиси 22 проценти, покажува извештајот на Евростат, објавен по повод Меѓународниот ден на жената.

Од 2011 до 2016 година, во цела ЕУ, во просек разликите во платите се малку намалени и тоа за 0,6 процентни поени, покажува извештајот.

Повеќе од 700 канадски лекари, меѓу кои 213 од општа пракса и 184 специјалисти, потпишаа отворено писмо во кое се противат на зголемувањето на нивните плати, што неодамна беше издејствувано од синдикатите.

Тие бараат парите предвидени за зголемувањето на нивните плати да се вратат во здравствениот систем, оценувајќи дека така ќе бидат многу подобро искористени.

Желба ни е да се задоволат потребите на нашите пациенти и да се насочат за експлоатираните и недоволно платени колеги, наведуваат лекарите во писмото.

Овие зголемувања се уште пошокантни, бидејќи нашите медицински сестри, службеници и други професионалци се соочуваат со многу тешки работни услови, додека нашите пациенти живеат со недостиг на пристап до потребните услуги поради драстични намалувања во последниве години и централизација на моќта во Министерството за здравје , се вели во писмото.

„Очигледно, единствено нешто што е имуно на кратење се нашите плати“, се жалат лекарите од Квебек во писмото кое беше потпишано минатата недела, но денеска објавено во канадските медиуми.

Според неодамна постигнатиот договор, околу 10.000 медицински специјалисти на Квебек ќе имаат зголемување на платата, во вкупна вредност од сегашните 4,7 милијарди долари на 5,4 милијарди долари во 2023 година, што претставува зголемување на платите од 1,4 отсто секоја година.

Податоците собрани од канадскиот Институт за здравствени информации покажуваат дека во просек, специјалистите во Квебек заработуваат 403.537 канадски долари годишно.