Од Централниот регистар ги известуваат самостојните вршители на дејност дека рокот за поднесување на годишните сметки во хартиена и електронска форма е до 15.03.2018 година.

Воедно, ги потсетуваат сите субјекти кои водат сметководство согласно Законот за трговски друштва, дека рокот за поднесување на годишните сметки и финансиските извештаи во електронска форма до Централниот регистар е до 15.03.2018 година.

Централниот регистар за приемот на годишните сметки во хартиена форма, за самостојните вршители на дејност, на 15.03.2018 година ќе работи од 07:00 до 21:00 часот, додека во РК Македонски Брод, РК Виница, РК Берово и РК Делчево работното време ќе биде од 08.00-16.00 часот. Во градовите каде што Централниот Регистар нема канцеларии, приемот на годишните сметки ќе биде од 08:00 до 16:00 часот со следниот распоред:

• Во Кратово приемот ќе се врши во просториите на Општина Кратово.
• Во Крушево приемот ќе се врши во просториите на УНИ банка.
• Во Демир Хисар приемот ќе се врши во Општина Демир Хисар.

Форбс објави листа на најбогати луѓе во светот. Она што привлече посебно внимание е тоа што помеѓу милијардерите се најдоа и неколку млади луѓе.

Во моментов најмладите милијардери се Александра Андресен, која има дваесет и една година, и нејзината сестра, дваесет и двегодишната Катарина. Богатството на секој од нив беше проценето на 1,4 милијарди долари.

Од  петте најмлади милијардери, тројца живеат во Норвешка.

5. Џон Колсон (27) 

По напуштањето на Харвард, Колонел и неговиот брат го основаа Стрип, американски сервис за плаќање услуги  преку интернет. Иако се родени во Ирска, тие работат и живеат во Сан Франциско, каде што се наоѓа компанијата. Вредноста на нивната компанија се проценува на 9,2 милијарди долари.

4. Иван Спиeгел (27) - 4,1 милијарди долари

Спиeгел заедно со својот другар од Станфорд во 2011 ја основа  апликација за  споделување на фотографии Snapcet. Кога нивната апликација стана една од најпознатите и најбарани, Спиeгел стана најмладиот извршен директор на јавното претпријатие. Околу 170 милиони луѓе го користат Snapcet секојдневно.

3. Густав Магнар Вицо (24) - 1,9 милијарди долари

Магнар поседува скоро половина од норвешката рибарска компанија "Салмар", една од најголемите светски производители на лосос. Неговиот татко, Густав Вицо, кој сé уште ја води компанијата, му даде удел во 2013 година. Додека неговиот татко управува со компанијата, Густав се занимава со инвестирање во подвижен имот и стартап.

2. Катарина Андресен (22) - 1,4 милијарди долари

Вториот најмлад милијардер во светот, е поголемата сестра од фамилијата Андерсен, Катерина. Двете сестри наследиле 42 отсто од семејната инвестициска компанија Ферд. Нивниот татко сé уште управува со компанијата.

1. Александра Андерсен (21) - 1,4 милијарди долари

Помалата сестра Андерсен е најмладиот е милијардер во светот со нејзините 21 години. Нивната компанија е активен инвеститор во нордиските берзи.

Многу компании не обрнуваат внимание на тоа како изгледа работниот простор на нивните вработени. Шпанската компанија "Selgas Kano"не е една од нив.

За да заработат добри плати, потребно е работниците да го дадат својот максимум, а за да го сторат тоа, важно е да бидат задоволни и среќени. Голема улога во сето ова игра и работната средина.

За шпанската компанија "Selgas Kano", тоа е кристално јасно.

Оваа фирма, која се занимава со архитектура и дизајн, има канцеларија во средината на дивината на Мадрид и е прогласена за една од најубавите во светот!

Ентериерот, екстериерот како и локацијата се идеи на архитектите Jose Selgas и Lucia Cano, кои сметаат дека дневната светлина, свеж воздух и детали во разни бои се најважни за стимулирање на продуктивноста.

Како целосна спротивност на класичните канцеларии -полупразни соби полни со вештачка светлина, оваа канцеларија е вистинска работна оаза, мирно место со прекрасен поглед кое овозможува задоволство, прифаќање и исполнување на работните задачи.

Набргу во Босна и Херцеговина македонските граѓани ќе може да патуваат само со лична карта, најавија премиерот Зоран Заев и претседавачот на Советот на министрите на БиХ, Денис Звиздиќ, на заедничката прес-конференција во Владата.

Ова значи дека и на граѓаните на БиХ за влез во Македонија нема да има биде потребен пасош, туку само лична карта.

Само со лична карта македонските граѓани може да патуваат и во Србија и во Албанија.

Исто така, Заев и Звиздиќ склучиле договор за соработка во областа на образованието според кој учениците и студентите ќе може да се запишуваат во двете држави под исти услови.