Невработените лица и работодавачите од денеска можат да конкурираат за користење на мерките: „Обука за стекнување вештини од областа на банкарството“, „Практикантство“ и „Субвенционирање плати“. За нив  за кои Агенцијата за вработување на Република Македонија (АВРМ) објави огласи согласно Оперативниот план за годинава.

Кандидатите за мерката „Субвенционирање плати“ кои ќе бидат избрани за вработување од работодавачите по претходно интервју, месечно од АВРМ ќе добиваат по 19.000 денари  за период од 3, 6 или 12 месеци, од кои 18.000 денари се субвенција на платата на вработеното лице и 1.000 денари за направените трошоци за подготовка на лицето во работниот процес. Работодавачот може на работникот да му исплати и повисока плата.

„Субвенционирање плати“ е мерка која се однесува на невработени  евидентирани во АВРМ кои потешко се вклучуваат на пазарот на трудот. Нејзини корисници може да бидат долгорочно невработени лица (над 12 месеци во евиденција), млади лица до 29 години, лица постари од 50 години, корисници на социјална помош или на паричен надомест по основ на невработеност, корисници на Програмата условен паричен надоместок за средно образование, лица кои имале статус на деца без родители и родителска грижа.

Со оваа мерка до вработување може да дојдат и жртви на семејно насилство, инвалидни лица, жени припадници на помалите етнички заедници, припадници на ромската етничка заедница, самохрани родители, родители на деца со пречки во развојот, родители на три и повеќе деца, родители на деца на улица, осудени лица по отпуштање од казнено поправна установа, бездомни лица, поранешни корисници на дрога и лица со незавршено средни или пониско образование...

Со мерката „Обука за стекнување на вештини од областа на банкарството“  ќе бидат опфатени 100 лица.  Може да аплицираат невработени евидентирани во АВРМ со најмалку средно образование со поднесување пријава во центарите за вработување за учество во еден од шестте понудени модули.  Право на учество во мерката ќе имаат лицата кои ќе бидат најдобро рангирани на квалификацискиот испит  што ќе го спроведе Академија за банкарство и информатичка технологија (АБИТ). Ако има поголем број кандидати предност при изборот ќе имаат оние кои први поднеле пријава. Лицата кои ќе посетат најмалку 70 проценти од предвидените часови ќе се стекнат со уверение за посетеност на обуката, се наведува во огласот на АВРМ.

„Практиканство“,е мерка за невработени млади до 29 години и невработени до 34 години евидентирани во АВРМ со најмалку средно образование без работно искуство, кои може да аплицираат за учество во тримесечна или шестмесечна практична работа. Избраните кандидати  месечно ќе добиваат по 9.000 денари (со вклучен персонален данок на доход и осигурување во случај на несреќа при работа и професионално заболување) за периодот за кој ја извршуваат практичната работа.

Доколку работодавачот користи субвенционирање за три месеци има обврска да го задржи на работа ангажираното лице уште шест месеци, ако субвенциите се за шест месеци.

Невработените во земјава лани биле 213.564 или 22,4 проценти од активното население во државата, објави Државниот завод за статистика.

Активното население лани броело  954.212 лица, од кои вработени се 740.648 или стапката на вработеност изнесувала 56,8 проценти.

132 512 мажи лани биле без работа и 81 052 жени, покажуваат статистиките. 

За споредба во 2016 година невработени биле 141 578 мажи и  83 471 жени. 

Во 2016 година, стапката на невработеност биле 23,7 проценти и е регистрирано намалување за 1,3 проценти.

Луѓето на возраст над 50 години наоѓаат работа потешко, покажуваат статистичките податоци. Повеќето шефови преферираат млади кои можат да ги научат по свој вкус и чија енергија и креативност се потпираат на нив.

Сепак, ангажирањето постар вработен има свои неспорни придобивки, пишува Inc.com. Еве кои се тие.

1. Ќе добиете мудрост 

Назначувањето на искусен професионалец може да ве спаси од многу грешки во иднина. Оваа личност ќе ве води низ предизвиците со кои се соочувате, ќе ви нуди совети и поголемо спокојство.

2. Различни мислења ќе ви користат.

Постарите и поискусните работници не сакаат да ја прифатат секоја изјава на нивните лидери како ирелевантна вистина. Тие нудат поинаква перспектива и на тој начин придонесуваат за донесување на правилни одлуки.

3. Вашата работа ќе се олесни.

Регрутирањето млади вработени бара многу обука, развој и, слично. Постарите професионалци се понезависни и знаат како да го направат квалитетот на работата без да поставуваат многу прашања.

4. Ќе научите нови работи.

Вработувањето луѓе со разновидни професионални средини и богата автобиографија го гради ликот на лидерите. Ако сте опкружени со луѓе кои не се разликуваат од вас, не можете да научите нешто ново. Вашата точка на гледање никогаш нема да биде критикувана и никогаш нема да ја напуштите вашата област на удобност.

Добрата тимска работа е важна компонента за успехот на целата компанија, но и за професионалниот развој на секој поединечен вработен. Многу луѓе мислат дека ќе се истакнат, ако зафркнат колеги, но тоа воопшто не е така - наскоро ќе остават лош впечаток за себе.

Во канцеларијата мора да се однесувате коректно кон сите, ако сакате да ве ценат (и да ве имаат предвид при можности за зголемување на платата), пишува Форбс. Затоа според весникот никогаш не треба да ги правите следниве неколегиални и непријатни работи:

1. Вие ветувате дека ќе направите нешто важно, а потоа не го правите тоа без изговор или со изговор.

2. Откривате тајни од тимот на човек од надвор (клиент, конкурент, итн.).

3. Ги лажете колегите или ги терате да лажат поради вас.

4. Обвинувате лице од тимот за ваша грешка.

5. Си препишувате идеја на човек од тимот како ваша.

6. Не му помагате на тимот, иако има потреба од вас.

7. Зборувате зад вашите колеги и ги ширите озборувањата.

8. Вие сте непријателски настроени кон сите.

9. Вие ги прескокнувате важните задачи и секогаш се потпирате на другите да ги земат.

10. Го пренасочувате своето внимание од вашите сопствени грешки и неуспеси, постојано нагласувајќи ги оние на другите.