На факултетите за електротехника и информациски технологии, за информатички науки и компјутерско инженерство и на Машинскиот факултет при Универзитетот „Св. Кирил и Методиј“, од денеска до 5 април се одржува петтиот саем за вработување и пракса „Контакт“,  на кој ќе се претстават 22 реномирани компании од областа на електротехниката, електрониката, машинството и информатичките науки.

Интересот на компаниите за стручните лица од овие области е постојано во подем. На саемот, компаниите ќе можат да ги пронајдат личностите кои ја поседуваат желбата за стручно надградување и целат кон градење успешна кариера, вели Виктор Георгиевски, главен организатор од Студентскиот парламент при ФЕИТ.

Тој ги охрабрува сите заинтересирани студенти да ги посетат компаниите и, како што посочува, да станат дел од големиот број успешни приказни кои произлегле од овој саем.

На овој начин велат студентите ќе се овозможи директна комуникација на студентите со компаниите и со работодавците, како и можности за професионално надградување и вработување. Годинава, на саемот „Контакт“ ќе се претстават компаниите KOSTAL, Draxlmaier, Marquardt, Asseco, Apave, Amphenol, Aptiv, EVN, LTH Learnica, GOBIVA, Netcetera, Intertec, ATS Global, doXteam, Closer, iBorn, MCA, Newman's Business Accelerator, Pop Leads,  Systems for Enterprise, StepUp.

Саемот „КОНТАКТ“ е поддржан од ФЕИТ, ФИНКИ и МФС, од Центарот за менаџмент консалтинг, образование и наука Мотива и од Македонија 2025.              

Разговорите со шефот за зголемување на платата може да бидат тешки и стресни. Значи, ако одиш да преговараш - добро подготви се. Бизнис инсајдер дава некои совети за тоа како да и се пријде на ситуацијата.

Направете студија за тоа колку заработуваат луѓето кои имаат како вашето образование, искуство и вештини на други работни места и воопшто на терен. Кога преговарате со вашиот шеф, имајте го на ум ова, но исто така запомнете дека и други фактори се исто така важни - на пример, вашата позиција во компанијата и степенот до кој ви дозволува да поставите услови.

Вообичаеното правило е дека работникот може да побара раст од плата од 10 до 20%. Поголемо количество ќе биде тешко да се постигне, и инсистирањето на тоа ќе направи да изгледате алчни.

Меѓутоа, ако првичната понуда е сеуште 20% повисока, сеуште можете да преговарате за најмалку уште 5%. Не плашете се да го побарате она што го заслужувате, сè додека е во согласност со трендовите на пазарот. И не ја прифаќајте првата понуда веднаш - бидете подготвени со контра-понуда, дури и повисока од вашите очекувања. Може да се сретнете со вашиот работодавец некаде во средината, но ако горната граница е повисока тогаш средната ќе биде иста.

Јавен оглас преку кој ќе се вработат 125 професионални војници денеска објави Министерството за одбрана.

Според наведното кандидатите кои ќе бидат вработени ќе работат на определено работно време со договор за вработување во времетраење од 3 (три) години.

Кандидатите кои ќе се пријават ќе мора да исполнуваат неколку клучни услови а АРМ нуди плата од 18 000 до 22 000 денари.

Доколку сте заинтересирани конкурирајте на овој меил [email protected] со пополнување на образецот Пријава за кандидати за професионални војници на служба во АРМ. Пријавата може да се превземе од интернет страната на Министерството за одбрана www.morm.gov.mk.

Детално огласот погледнете го овде.

Сите нови автомобили продадени во Европската унија ќе мора да имаат вграден специјален систем кој ја повикува итната помош во случај на сообраќајна несреќа.

Генералниот секретар на европската асоцијација на произведувачи на автомобили ACEA Ерик Јонерт рекол дека системот „eCall“ има потенцијал да спаси многу животи со намалување на времето на реакцијата на итната помош.

Сензорите во автомобилот автоматски ќе ја покажуваат локацијата времето и насоката во која се движело возилото кога се случила несреќата.

 „eCall“ системот го одобриле 28 членки на ЕУ и овој викенд поминува тригодишниот преоден период.

Фoтo: Thinkstock